Me Nyamenle, kɛmɔ wɔye ɛhye mɔ amuala wɔhile medame, wɔ sonvolɛ, na wɔha wɔhile me kɛ ɛbamaa me bo zo amra ayɛ arelemgbunli la ati a menyia anwosesebɛ melɛyɛ nzɛlɛlɛ ɛhye a.
tie ye wɔ anwuma lɔ, ɛleka mɔɔ ɛde la na yɛ debie biala mɔɔ ɔkpondɛ la maa ye. Ɛhye bamaa menli kɔsɔɔti mɔɔ wɔ aleɛabo la anwu wɔ na bɛazulo wɔ, kɛmɔ wɔ menli Yizilayɛma ɛnwu wɔ na bɛsulo wɔ la. Eza bɛbanwu kɛ amgba ɔwɔ kɛ bɛsonle wɔ wɔ Ɛzonlenlɛ Sua ɛhye mɔɔ mezi memaa wɔ la anu.
Na Gyɛlɛmaya hanle hilele Belemgbunli Zɛdikaya kɛ, “Ɛdɛnkɛma, Tumivolɛ Nyamenle, Yizilayɛ Nyamenle ne se: Saa ɛto ɛ nloa aze ɛmaa Babelonia belemgbunli ne mgbanyima ne mɔ a, bɛnrɛhu wɔ, yɛɛ bɛnrɛdo senle suakpole ye azo bɛnrɛyela ye. Ɛdawɔ nee wɔ sua nu amra banyia ngoane.
Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.
Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.
Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.
Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.