1 Edk 17:21 - BAEBOLO ANZƐƐ BULUKU NWUANZANWUANZA

²¹ Maanle biala ɛnle ewiade ye anu mɔɔ nee Yizilayɛ sɛ a. Ɛyele bɛ ɛvile akɛlɛzonlenlɛ nu na ɛrayɛle bɛ wɔ menli. Ninyɛne mgbole mɔɔ yɛ nwanwane mɔɔ ɛyɛle ɛmanle bɛ la manle wɔ duma kpondenle ewiade ye. Ɛliele wɔ menli ne ɛvile Yigyibiti na ɛvoanle maanle maanle mɔɔ ɛha la wɔ mekɛ mɔɔ wɔ menli ne ɛlɛba la.

1 Edk 17:21 ပူးပေါင်းရင်းမြစ်များ

1 Edk 17:20

Ɛdɛnkɛma, awie biala nee wɔ ɛnzɛ. Yɛze dahuu kɛ ɛdawɔ ala yɛɛ ɛle Nyamenle a.

1 Edk 17:22

Wɔyɛ Yizilayɛma wɔ menli dahuu, na wɔmɔ Ɛdɛnkɛma, wɔyɛ bɛ Nyamenle.

Nihɛmaya Buluku ne 9:10

Ɛyɛle nwanwane ninyɛne ɛhilele Yigyibiti belemgbunli ne, ɛyɛle bie ɛhilele ye mgbanyima nee menli mɔɔ wɔ azɛlɛ ne azo la, ɔboalekɛ ɛze kɛ bɛzile bɛsisile wɔ menli ne la. Na ɛliele duma ne mɔɔ ɛnɛ nee ɛnɛ ɛtɛdɛ la.

Edwɛndolɛ Buluku ne 107:2

Bɛmaa bɛdabɛ mɔɔ Ɛdɛnkɛma ɛlie bɛ la ɛha, bɛmɛ mɔɔ yelie bɛ yevi bɛ amaneɛnwunlɛ nu, na yeboɔboa bɛ nloa yevi maanle maanle zo, ɔvi aduduleɛ nee adɔleɛ, ɛbɔ nu nee nyevile nu la ɛha ye zɔ.

Edwɛndolɛ Buluku ne 111:9

Ɛdɛnkɛma liele ye menli ne, na ɔ nee bɛ yɛle ngyekyeleɛ mɔɔ bɛntulu ye ɛlɛ a. Ye duma ne le kpole, ɔle nwuanzanwuanza.

Edwɛndolɛ Buluku ne 147:20

Ɔtɛyɛle ɛhye ɔtɛmanle maanle biala; bɛnze ye mɛla ne mɔ. Bɛye Ɛdɛnkɛma ayɛlɛ!

Edwɛndolɛ Buluku ne 65:5

Ɛfa nyɛleɛ ɛzulolɛ ɛye yɛ ɛfi ewule nu, O yɛ ngoanelielɛ Nyamenle, ɛle ewiade amuala anyelazo, nyevile nzi amra amuala anyelazo a le wɔ.

Edwɛndolɛ Buluku ne 77:15

Ɛvale wɔ tumi ne ɛliele wɔ menli, Gyekɔbo nee Dwosefi abo zo amra.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Ayezaya Buluku ne 48:9

“Me duma ne ati, megyakyi me ɛya ne, me ayɛlɛyelɛ ti, menrɛva menrɛgua bɛ nwo zo, amaa meambɔ bɛ bo zo.

Ayezaya Buluku ne 63:12

Ɔdaye a ɔmanle ye konimlilɛ tumi ne nee Mosisi luale na ɔkpakyele nyevile ne anu, ɔliele duma mɔɔ ɛmbɔ aze ɛlɛ la ɔmanle ɔ nwo,

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Ayezaya Buluku ne 64:3

Mɔɔ ɛyɛle ninyɛne ɛzulolɛ mɔɔ yɛ nye ɛnla la, ɛvi anwuma ɛdwule aze, awoka ne mɔ nwunle wɔ na bɛkpusule.

Gyɛlɛmaya Buluku ne 32:21

Ɛluale sɛkɛlɛneɛ nee nwanwane ninyɛne ɛyɛlɛ zo ɛvale wɔ tumi ɛsalɛ kpole ne ɛyele wɔ menli Yizilayɛma ɛvile Yigyibiti.

Mɛla 15:15

Ɔwɔ kɛ bɛkakye kɛ ɛnee bɛdabɛ noko bɛle ahanra wɔ Yigyibiti azɛlɛ zo yɛɛ Ɛdɛnkɛma bɛ Nyamenle ne raliele bɛ a; ɛhye ati yɛɛ ɛnɛ kenle ye melɛfa mɛla ɛhye meamaa bɛ a.

Mɛla 4:7

“Maanle biala ɛnle ɛkɛ mɔɔ lɛ nyamenle mɔɔ bikye ye menli ne kɛ Ɛdɛnkɛma yɛ Nyamenle ne si bikye yɛ la. Mekɛ biala yɛfɛlɛ ye a ɔdie yɛ zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.