1 Edk 17:2 - BAEBOLO ANZƐƐ BULUKU NWUANZANWUANZA

² Neetan buale ye kɛ, “Yɛ mɔɔ wɔ wɔ adwenle nu la na Nyamenle nee wɔ lua.”

1 Edk 17:2 ပူးပေါင်းရင်းမြစ်များ

2 Sam 7:3

Na Neetan zele belemgbunli ne kɛ, “Kɔ na kɔyɛ debie biala mɔɔ wɔ wɔ ahonle nu la, ɔluakɛ Ɛdɛnkɛma nee wɔ lua.”

1 Arl 8:17

Belemgbunli Sɔlɔmɔn hɔle zolɛ hanle kɛ, “ Ɛnee ɔwɔ Egya Devidi ahonle nu kɛ ɔkɛzi sua ɔkɛmaa Yizilayɛ Ɛdɛnkɛma Nyamenle ne.

1 Edk 17:1

Belemgbunli Devidi akee ɛbu ye awuke na ɔde nu. Kenle ko ɔzoanle ɔmanle bɛhɔvɛlɛle Nyamenle kpɔmanvolɛ Neetan na ɔzele ye kɛ, “Nea, mame mede sua mɔɔ bɛva sida mbaka bɛzi la anu, na Ɛdɛnkɛma Ngyekyeleɛ Ɛlɛka ne, yemɔ ɔgyi ndanlɛ sua nu.”

1 Edk 17:3

Noko kenle ko ne nɔe ne Nyamenle zele Neetan kɛ,

1 Edk 22:7

Ɔzele Sɔlɔmɔn kɛ, “Me ra, ɛnee mekulo kɛ mesi ɛzonlenlɛ sua mefa medi Ɛdɛnkɛma me Nyamenle ne eni.

1 Edk 28:2

Devidi dwazole gyinlanle bɛ nyunlu ɛkɛ na ɔzele bɛ kɛ, “Me mediema nee me ɛlɔnema, bɛdie me. Menyɛle me adwenle kɛ mesi sua meamaa bɛava Ngyekyeleɛ Ɛlɛka ne, mɔɔ le Ɛdɛnkɛma yɛ Nyamenle ne agyakɛ abo ebia la bɛazie nuhua mɔɔ bɛndu ɔ bo bieko ɛlɛ a. Meboɔboa me nwo kɛ mesi Ɛzonlenlɛ Sua ne.

Edwɛndolɛ Buluku ne 20:4

Ɔmaa ɛ sa ɛha mɔɔ ɛkpondɛ la, na ɔmaa wɔ adwenle ngyehyɛlɛ muala ɛyɛ zɔ.

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Edwɛkpa ne kɛmɔ Luku hɛlɛle la 1:28

Nyamenle soanvolɛ ne rale ɔ nwo ɛkɛ ne na ɔzele ye kɛ, “Ɔmɔ mɔɔ Nyamenle ɛlo wɔ a, ahye o! Awulae nee wɔ de, na yeyila wɔ kpole!”

1 Kɔl 13:9

Ɔluakɛ yɛ nwoma mɔɔ yɛze nee yɛ Nyamenle anloa azo ɛdendɛlɛ le afoa afoa.

Dwɔhyua Buluku ne 9:14

Yizilayɛma ne liele nyɛvolɛ ne mɔ aleɛ ne bie lile wɔ mekɛ mɔɔ bɛambiza Ɛdɛnkɛma bɛandie ɔ nloa edwɛkɛ la.

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”