1 Edk 17:16 - BAEBOLO ANZƐƐ BULUKU NWUANZANWUANZA

¹⁶ Akee Belemgbunli Devidi hɔle Ɛdɛnkɛma Ɛzonlenlɛ Ndanlɛ Sua ne anu na ɔdɛnlanle aze, na ɔzɛlɛle kɛ, “O Ɛdɛnkɛma Nyamenle, na mame a le nwane, yɛɛ me sua nu amra a le nwane mɔ, mɔɔ wɔyɛ ninyɛne mgbole ɛhye mɔ wɔmaa me a?

1 Edk 17:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:10

me nwo ɛnfɛta wɔ ahunlunyele bebelebe ne nee nɔhalɛ mɔɔ wɔli wɔmaa me la. Ɔluakɛ kpɔma ala a melɛ mɔɔ menvale mempɛle Azule Dwɔdan ye a. Na kɛkala, meyɛ menli ekpunli nwiɔ a mera a.

2 Sam 7:18

Akee Belemgbunli Devidi hɔle Ndanlɛ Sua ne anu hɔdɛnlanle Ɛdɛnkɛma anyunlu na ɔzɛlɛle kɛ, “O Tumivolɛ Ɛdɛnkɛma, me nee me awuke nu amra, mɔɔ wɔyɛ wɔmaa yɛ la, yɛnfɛta.

2 Arl 19:14

Belemgbunli Hɛzikaya liele kɛlata ne wɔ menli mɔɔ bɛzoanle bɛ la asa anu ɔgengale. Akee ɔhɔle Ɛzonlenlɛ Sua ne anu na ɔvale kɛlata ne ɔdole Ɛdɛnkɛma anyunlu ɛkɛ.

1 Edk 17:15

Neetan hanle edwɛkɛ biala mɔɔ Nyamenle hanle hilele ye nee mɔɔ ɔyele ɔhilele ye la amuala hilele Devidi.

1 Edk 17:17

Noko ɛhye mɔ bɔbɔ le ɛ nye zo debie ekyi, O Nyamenle, eza wɔbɔ me ɛwɔkɛ mgbole wɔ me bo zo amra anwo wɔ ɛvolɛ dɔɔnwo mɔɔ bara la anu. Wɔmɔ Ɛdɛnkɛma Nyamenle, dahuu ɛyɛ me sonlakpole.

1 Edk 29:14

“Noko me nee me menli ye, yɛngola yɛmmaa wɔ ɛhwee, ɔboalekɛ debie biala mɔɔ yɛlɛ la le ahyɛlɛdeɛ mɔɔ vi wɔ ɛkɛ ne a. Ɛdawɔ wɔ ɛdeɛ yɛɛ yɛzia yɛva yɛrɛlɛ wɔ a.

2 Edk 1:8

Sɔlɔmɔn buale Nyamenle kɛ, “Wɔhile ɛhulolɛ kpole mɔɔ ɛmbɔ aze ɛlɛ la wɔ me ze Devidi anwo na wɔva me wɔzie belemgbunli wɔzie egya agyakɛ anu.

Edwɛndolɛ Buluku ne 144:3

O Ɛdɛnkɛma, sonla le duzu, mɔɔ ɛbu ye bie zɛhae a, anzɛɛ sonla ra le duzu, mɔɔ ɛdwenle ɔ nwo a?

Ɛzoanvolɛma Gyima ne 26:22

Noko Nyamenle moalɛ ti, ɛnɛ megyi ɛke metɛdi daselɛ metɛkile bɛ mgbanyinli nee bɛ ngakula muala. Mɔɔ Mosisi nee Nyamenle kpɔmanvolɛma hanle dole ɛkɛ ne kɛ ɔbazi la, yemɔ ala a le mɔɔ melɛka la.

2 Kɔl 1:10

Ewule ɛzulolɛ zɛhae anu yɛɛ ɔyele yɛ ɔvile a, yɛɛ ɔkɛye yɛ nu somaa; yɛɛ eza yɛ rɛle wɔ ye nu kɛ ɔkɛye yɛ nu bieko,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Maanlebuvolɛma Buluku ne 6:15

Na Gedɛyɔn buale ye kɛ, “Awulae, mesɛlɛ wɔ, kɛ menwɔzi menwɔyɛ na mealie Yizilayɛma ɛ? Nea, wɔ Manasɛ abusua ekpunli ne anu, me nlenya mɔ ala a ɛnle awie a, yɛɛ wɔ egya sua nu, medame ala a mele ekyi kpalɛ a.”

1 Sam 7:12

Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”

1 Sam 9:21

Sɔɔlo buale kɛ, “Mevi Bɛngyaman abusua ekpunli ne anu. Abusua ɛhye a le Yizilayɛ mbusua ekpunli ne mɔ kɔsɔɔti anu ekyi kpalɛ a, yɛɛ me sua nu amra fɔɔnwo ne noko ɛnlɛ duma fee wɔ Bɛngyaman abusua ekpunli ne anu. Duzu ati a ɛkɛva amaneɛ ɛhye ɛkɛbɔ me ɛ?”