1 Edk 16:41 - BAEBOLO ANZƐƐ BULUKU NWUANZANWUANZA

⁴¹ Bɛdabɛ mɔɔ bɛboa la a le Himan nee Gyɛdutɛn, yɛɛ bɛdabɛ mɔɔ bɛboɔboale bɛyele bɛ, bɛbobɔle bɛ aluma kɛ bɛyɛ Ɛdɛnkɛma mo la, ɔluakɛ ye ɛhulolɛ kpundii ne wɔ ɛkɛ dahuu.

1 Edk 16:41 ပူးပေါင်းရင်းမြစ်များ

1 Edk 15:17

Bɛnleanle edwɛndolɛ mbusua ne mɔ anu la bɛyele menli ɛhye mɔ kɛ bɛbɔ ayera sɔnwosɔnwo: Dwowɛle ara Himan, ye busuanli Bɛlikaya ara Esafe, yɛɛ Kuhyaya ara Yitan mɔɔ vi Mɛlɛlae abusua nu la. Bɛyele Livaema ɛhye mɔ noko kɛ bɛboa bɛ, na bɛbɔ getaa ane katekate ne: Zɛkalaya, Gyeezeɛle, Hyɛmaelamo, Gyɛhayɛle, Ɛnnae, Yilayabe, Meeyasaya, yɛɛ Bɛnaya. Bɛdabɛ mɔɔ bɛbɔ getaa ane kpole ne la a le Livaema ɛhye mɔ: Matetaya, Yilefɛlihu, Mekenaya, Azazaya, Ɛzonlenlɛ Sua ne sinzavolɛma, Obɛde Yidɔm, yɛɛ Gyiyayɛle.

1 Edk 16:34

Bɛyɛ Ɛdɛnkɛma mo, ɔboalekɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ ne dahuu. Gyɛ 33.11

1 Edk 16:37

Belemgbunli Devidi akee yele Esafe nee ɔ gɔnwo mɔ Livaema ne ziele ɛkɛ ne kɛ bɛmɛ a ɛzonlenlɛ biala mɔɔ bɛyɛ ye wɔ Ndanlɛ Sua ne mɔɔ Ngyekyeleɛ Ɛlɛka ne gyi nu la anu la wɔ bɛ sa nu a. Ɔwɔ kɛ bɛyɛ bɛ gyima ne alehyenlɛ biala.

1 Edk 6:33

Menli mɔɔ yɛle gyima ne la nee bɛ mra ne mɔ ɛne: Kohate sua nu amra: Kpanyinli mɔɔ lile edwɛndolɛma ne ati la a le Dwowɛle ara Himan. Ye abusua ɛlɔnwɔne ne kɛ kɔ ye la ɛne. Himan, Dwowɛle, Samoɛle,

2 Edk 20:21

Akee ɔ nee menli ne bɛhanle bɛ ti bɛkpulale nwolɛ na ɔyele menli mɔɔ ɛwula ɛzonlenlɛ adɛladeɛ ɛli ɛlɔnema ne ati la, na ɔzele bɛ kɛ bɛdo edwɛne bɛmaa Ɛdɛnkɛma na bɛye ye ayɛlɛ bɛze kɛ, “Bɛyɛ Ɛdɛnkɛma mo, ɔluakɛ ye ɛhulolɛ kpundii ne ɛnlɛ awieleɛ.”

2 Edk 7:3

Mekɛ mɔɔ Yizilayɛma nwunle senle ne kɛ ɔvi anwuma yerayela azubɔlɛ ninyɛne ne mɔ nee Ɛdɛnkɛma anyunlunyia ne mɔɔ ɛyi Ɛzonlenlɛ Sua ne la, bɛbutubutule bɛ nye aze na bɛyeyɛle Ɛdɛnkɛma, bɛyɛle ye mo kɛ, “Ɔle kpalɛ, ɔluakɛ ye ɛhulolɛ kpundii ne wɔ ɛkɛ ne dahuu.”

Ɛzela Buluku ne 3:11

Bɛdole ayɛlɛyelɛ nee moyɛlɛ edwɛne bɛmanle Ɛdɛnkɛma bɛzele kɛ, “Ɛdɛnkɛma le kpalɛ, ye ɛhulolɛ kpundii ne wɔ ɛkɛ maa Yizilayɛma dahuu.” Menli ne amuala deanle nu yele Ɛdɛnkɛma ayɛlɛ, ɔboalekɛ bɛbɔ Ɛdɛnkɛma Ɛzonlenlɛ Sua ne adiabo ɛwulalɛ gyima ne abo.

Ɛzela Buluku ne 8:20

Bɛ nee menli ɛya nwiɔ abulanwiɔ mɔɔ le Ɛzonlenlɛ Sua nu sonvolɛma la noko rale. Menli ɛhye mɔ, Belemgbunli Devidi nee ye mgbanyima a yele bɛ ziele ɛkɛ kɛ bɛboa Livaema a. Bɛhɛlɛle menli ɛhye mɔ aluma wɔ buluku nu.

Edwɛndolɛ Buluku ne 103:17

Ɛdɛnkɛma ɛhulolɛ kpundii ne wɔ ɛkɛ dahuu maa bɛdabɛ mɔɔ bɛsulo ye la, ye tenleneyɛlɛ ne wɔ ɛkɛ maa awolɛndoazo kɔsɔɔti.

Edwɛndolɛ Buluku ne 106:1

Bɛye Ɛdɛnkɛma ayɛlɛ! O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ ne dahuu. Gyɛ 33.11

Edwɛndolɛ Buluku ne 136:1

O bɛyɛ Ɛdɛnkɛma mo, ɔluakɛ ɔle kpalɛ, ɔluakɛ ye ɛhulolɛ kpundii ne wɔ ɛkɛ dahuu. 118.1; Gyɛ 33.11

Edwɛndolɛ Buluku ne 39:1

Menganle kɛ, “Mebanlea me nwo boɛ, amaa meanva me nloa meanga ɛtane; mebazɔ me nloa, mekɛ mɔɔ amumuyɛma gyigyi me nyunlu la.”

Edwɛndolɛ Buluku ne 77:1

Metea nu kpole mefɛlɛ Nyamenle, metea nu kpole, amaa Nyamenle ade me ne.

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Yizikeɛle Buluku ne 40:44

Akee nrenya ne nee me vi findezo alie nwo ɛkɛ hɔle sua ne akunlu lɔ alie ne anwo. Azua ekpumgbunli nwiɔ wɔ ɛkɛ, ko gyi sɔlɔ anlenkɛ kpole ne anwo, ɔ nye kɔne nyiakɛ, yɛɛ ko noko gyi nyiakɛ anlenkɛ kpole ne anwo, ɔ nye kɔne sɔlɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:17

Ɔlua menli bulu nee nwiɔ ɛhye mɔ moalɛ zo, Mosisi nee Aalɔn

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.