1 Edk 16:40 - BAEBOLO ANZƐƐ BULUKU NWUANZANWUANZA

⁴⁰ Nwonlomɔ nee nɔsolɛ biala ɔwɔ kɛ bɛbɔ ɛyelalɛ azu wɔ ɛyelalɛ azubɔdeɛ ɛkponle ne azo bɛmaa Ɛdɛnkɛma, kɛmɔ bɛhɛlɛ ye wɔ Mɛla ne mɔɔ Ɛdɛnkɛma vale manle Yizilayɛma la anu la.

1 Edk 16:40 ပူးပေါင်းရင်းမြစ်များ

2 Sam 8:17

Ahaetɛbe ara Zeedɔko nee Abayata ara Ahemɛlɛke a le sɛlɛvolɛma a; Sɛlaya le kɔɔto kɛlɛhɛlɛvolɛ;

1 Arl 18:29

Sɛnzɛne ne kpalile la, bɛdeɛdeanle nuhua mgbole mgbole bie, noko bɛanyia mualɛ, bɛande nganeɛ yɛɛ awie ampili bɛ toonwo kɛyɛ sɛnzɛngyinla nee aledwolɛ muleɛ nu.

2 Edk 2:4

Nea, mesi sua meamaa bɛazonle Ɛdɛnkɛma me Nyamenle ne wɔ nu. Mebadu sua ne meazie ɛkɛ meamaa ye na bɛayela ɛyɛlɛ mɔɔ bɔ evuanlɛ la bɛamaa ye, na yɛava yɛ kpanwo nwuanzanwuanza azubɔdeɛ ne yeamaa ye dahuu. Yɛbayela nane yeabɔ azu wɔ ɛkɛ ne nwonlomɔ nee nɔsolɛ, Ɛnwomenlelielɛ Kenle ne, nee Siane Fofolɛ Ɛvoyialilɛ, yɛɛ ɛvoyia ngakyile mɔɔ ɛha la ɛlilɛ nu. Ɛdɛnkɛma yɛ Nyamenle ne a ɛhyehyɛ na yeyila zolɛ yemaa Yizilayɛma kɛ bɛyɛ ye zɔhane dahuu a.

2 Edk 31:3

Belemgbunli afoa nu ɛdeɛ a le kɛ, ɔvale nane ɔmanle bɛvale bɛbɔle nwonlomɔ nee nɔsolɛ ɛyelalɛ azu ne mɔ, nee Ɛnwomenlelielɛ Kenle ɛyelalɛ azu ne mɔ, Siane Fofolɛ Ɛvoyialilɛ azu ne mɔ, nee ɛvoyia mɔɔ ɛha la azu ne mɔ, kɛmɔ bɛhɛlɛ bɛ wɔ Ɛdɛnkɛma Mɛla Buluku ne anu la.

Ɛzela Buluku ne 3:3

Ɛnee bɛsulo menli mɔɔ wɔ maanle ne anu la ɛdeɛ, noko bɛzile azukponle ne wɔ ɔ bo zo ne ala. Na bɛyelale nane wɔ zolɛ bɛbɔle azu bɛmanle Ɛdɛnkɛma nwonlomɔ nee nɔsolɛ biala.

Daneɛle Buluku ne 9:21

Geebeleɛle mɔɔ alumua ne menwunle ye wɔ me ɛnyelɛzodeɛnwunlɛ ne anu la, rale me nwo ɛkɛ ne ndɛndɛ wɔ nɔsolɛ nu azubɔlɛ mekɛ ne.

Sɛlɛ 9:17

Ɔbɔle ma azubɔdeɛ azu ne na ɔyelale ye wɔ azukponle ne azo ɔbokale nwonlomɔ ɛyelalɛ azubɔdeɛ ne anwo.

Emɔzo Buluku ne 4:4

Awulae Nyamenle se, “Yizilayɛma, bɛhɔ Bɛtɛle ɛleka nwuanzanwuanza ne na bɛhɔdo mɛla ne mɔ. Bɛhɔ Gelegale bɛhɔtietia mɛla ne azo! Bɛhɔ zolɛ bɛbɔ azu nwonlomɔ biala, na bɛva bɛ ngyɛnu bulu ɛkpɔ ko ne bɛrɛla kenle nsa nsa.