1 Edk 16:36 - BAEBOLO ANZƐƐ BULUKU NWUANZANWUANZA

³⁶ Bɛye Ɛdɛnkɛma, Yizilayɛ Nyamenle ne ayɛlɛ, bɛye ye ayɛlɛ, ɛnɛ nee dahuu. Na menli ne amuala liele zolɛ “Amen,” na bɛyele Ɛdɛnkɛma ayɛlɛ.

1 Edk 16:36 ပူးပေါင်းရင်းမြစ်များ

1 Arl 8:15

ɔzele bɛ kɛ, “Bɛye Yizilayɛ Ɛdɛnkɛma Nyamenle ne ayɛlɛ. Yeli ye ɛwɔkɛ mɔɔ ɔbɔle Egya Devidi la azo. Ɔzele ye kɛ,

1 Arl 8:56

“Bɛye Ɛdɛnkɛma ayɛlɛ kɛ yemaa ye menli ne anzo nu ɛdwo bɛ a. Mɔɔ ɔhanle la ɛyɛ zɔhane. Edwɛkɛ mɔɔ ɔluale ye akɛlɛ Mosisi anwo zo ɔhanle la ɛyɛ nɔhalɛ mɔɔ ko bɔbɔ anga nu a.

Nihɛmaya Buluku ne 8:6

Na Ɛzela zele kɛ, “Bɛye Ɛdɛnkɛma, Nyamenle Bedevinli ne ayɛlɛ.” Menli ne kɔsɔɔti manle bɛ sa zo na bɛliele zolɛ, “Amen, Amen.” Akee bɛbɔle bɛ ti aze na bɛbutubutule bɛ nye aze bɛyeyɛle Ɛdɛnkɛma.

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Edwɛndolɛ Buluku ne 106:47

O Ɛdɛnkɛma yɛ Nyamenle, die yɛ, na boɔboa yɛ nloa fi maanle maanle ne mɔ anu, amaa yeayɛ wɔ mo, na yɛali fɛlɛko yeaye wɔ duma nwuanzanwuanza ne ayɛlɛ.

Edwɛndolɛ Buluku ne 106:48

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi tete kɔdwu mekɛ mɔɔ ɛnlɛ awieleɛ. Na menli ne amuala ɛha kɛ “Amen!” Bɛye Ɛdɛnkɛma ayɛlɛ!

Gyɛlɛmaya Buluku ne 28:6

“Amen! Ɛdɛnkɛma ɛmaa ɔyɛ zɔhane. Ɛdɛnkɛma ɛmaa edwɛkɛ ne mɔɔ wɔha la ɛyɛ zɔhane, na ɔva ɛzonlenlɛ ninyɛne ne mɔ nee menli mɔɔ bɛhyele bɛ bɛhɔle nlɔnu la kɔsɔɔti ɔrɛla.

1 Kɔl 14:16

Na saa bɛyɛ Nyamenle mo wɔ sunsum nu ala a, ɛnee kɛ ɔkɛyɛ na awie gyɛne mɔɔ wɔ nyianu ne anu la alie bɛ moyɛlɛ nzɛlɛlɛ ne azo “Amen” ɛ? Ɔngola ɔnyɛ ye zɔhane, ɔluakɛ ɔnde mɔɔ bɛlɛka la abo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.