1 Edk 16:30 - BAEBOLO ANZƐƐ BULUKU NWUANZANWUANZA

³⁰ Aleɛabo amra, bɛdu bɛgua ɔ nyunlu; ɛnee azɛlɛ ye gyi kpundii, ɔle tuandu.

1 Edk 16:30 ပူးပေါင်းရင်းမြစ်များ

1 Edk 16:23

Ewiade amra, bɛdo edwɛne bɛmaa Ɛdɛnkɛma! Bɛbɔ ye ngoanelielɛ edwɛkpa ne nolo dahuu.

1 Edk 16:25

Ɔluakɛ Ɛdɛnkɛma le kpole, na ɔwɔ kɛ bɛye ye ayɛlɛ kpalɛ; ɔwɔ kɛ bɛsulo ye bɛtɛla nyamenle gyɛne gyɛne ne mɔ.

1 Edk 16:29

Bɛmaa anyunlunyia mɔɔ fɛta Ɛdɛnkɛma la ɛha ye; bɛva azubɔdeɛ bɛrɛla ɔ nyunlu. Bɛzie bɛ nwo nwuanzanwuanza bɛyeyɛ Ɛdɛnkɛma, na bɛbɔ bɛ ti aze bɛmaa ye.

1 Edk 16:31

Anwuma nee aze, bɛli fɛlɛko, bɛha bɛhile maanle maanle kɔsɔɔti kɛ, “Ɛdɛnkɛma le belemgbunli!”

Edwɛndolɛ Buluku ne 33:9

Ɔluakɛ ɔdendɛle, na ɔyɛle zɔ; ɔzele, na ɔyɛle zɔ.

Edwɛndolɛ Buluku ne 76:8

Ɛwɔ anwuma lɔ yɛɛ ɛbuale ndɛne a; azɛlɛ zulole na ɔgyinlanle diinyi,

Edwɛndolɛ Buluku ne 93:1

Ɛdɛnkɛma di belemgbunli; ɔde ye gunvɛɛnye; Ɛdɛnkɛma de ye ebia nu, ɔlɛ tumi. Ɛhɛe, ewiade ɛli munli, bɛnrɛhola ɔ bo tu ɛlɛ;

Edwɛndolɛ Buluku ne 96:9

Bɛva anwoziezielɛ nwuanzanwuanza bɛzonle Ɛdɛnkɛma; ewiade amra, bɛzulo ye.

Edwɛndolɛ Buluku ne 99:1

Ɛdɛnkɛma le belemgbunli; bɛmaa menli ne anwo ɛwozo bɛ. Ɔde belemgbunli ebia nu wɔ tease abɔdeɛ ne mɔ azo anwuma; bɛmaa azɛlɛ ɛkpusu!

Ayezaya Buluku ne 49:8

Ɛdɛnkɛma se, “Mekɛ dwule mɔɔ ɔwɔ kɛ menwu bɛ anwunvɔne la, membuale bɛ, mekɛ ne mɔɔ ɔwɔ kɛ medie bɛ ngoane la, memboale bɛ; mezinza bɛ, na mebɔ bɛ nwo bane, melua bɛ nwo zo me nee menli ne ɛyɛ ngyehyɛlɛ, kɛ bɛbadɛnla azɛlɛ ne azo, na bɛahyɛ azɛlɛ ne mɔɔ ɛdɔ mgbane la;

Gyɛlɛmaya Buluku ne 10:12

Ɛdɛnkɛma vale ye tumi a bɔle azɛlɛ ye a, ɔvale ye nrɛlɛbɛ a ɔbɔle ewiade a, ɔvale ye ndelebɛbo a ɔbɔle anwomanyunlu a.

Kɔlɔ 1:17

Kelaese wɔ ɛkɛ ne kolaa na ɛhye mɔ amuala ara, na yemɔ a ɔsɔ ewiade ye ɔmaa ɔyɛ ewiade a.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”