1 Edk 16:29 - BAEBOLO ANZƐƐ BULUKU NWUANZANWUANZA

²⁹ Bɛmaa anyunlunyia mɔɔ fɛta Ɛdɛnkɛma la ɛha ye; bɛva azubɔdeɛ bɛrɛla ɔ nyunlu. Bɛzie bɛ nwo nwuanzanwuanza bɛyeyɛ Ɛdɛnkɛma, na bɛbɔ bɛ ti aze bɛmaa ye.

1 Edk 16:29 ပူးပေါင်းရင်းမြစ်များ

1 Edk 16:28

Ewiade amra amuala, bɛwula Ɛdɛnkɛma anyunlunyia, bɛwula ye anyunlunyia na bɛyeyɛ ye tumi ne!

1 Edk 16:30

Aleɛabo amra, bɛdu bɛgua ɔ nyunlu; ɛnee azɛlɛ ye gyi kpundii, ɔle tuandu.

2 Edk 20:21

Akee ɔ nee menli ne bɛhanle bɛ ti bɛkpulale nwolɛ na ɔyele menli mɔɔ ɛwula ɛzonlenlɛ adɛladeɛ ɛli ɛlɔnema ne ati la, na ɔzele bɛ kɛ bɛdo edwɛne bɛmaa Ɛdɛnkɛma na bɛye ye ayɛlɛ bɛze kɛ, “Bɛyɛ Ɛdɛnkɛma mo, ɔluakɛ ye ɛhulolɛ kpundii ne ɛnlɛ awieleɛ.”

Edwɛndolɛ Buluku ne 100:4

Bɛva moyɛlɛ bɛwolo ye nlenkɛ mgbole ne mɔ anu, bɛva ayɛlɛyelɛ bɛhɔ ye alie ne anwo. Bɛyɛ ye mo, na bɛye ye duma ne ayɛlɛ!

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 29:1

O bɛmɛ anwuma amra, bɛye Ɛdɛnkɛma ayɛlɛ, bɛye Ɛdɛnkɛma anyunlunyia nee ye tumi ne ayɛlɛ.

Edwɛndolɛ Buluku ne 29:2

Bɛye Ɛdɛnkɛma anyunlunyia duma ne ayɛlɛ; bɛva nwuanzanwuanzayɛlɛ bɛzonle Ɛdɛnkɛma.

Edwɛndolɛ Buluku ne 50:2

Nyamenle ta fi Zayɔn, suakpole mɔɔ ye kɛnlɛma di munli.

Edwɛndolɛ Buluku ne 72:10

Maa Sepeen nee bɔra ne mɔ arelemgbunli ɛdua adwule ɛmaa ye, na Areleebea nee Yiteɔpea arelemgbunli ɛhyɛ ye ninyɛne.

Edwɛndolɛ Buluku ne 72:15

Belemgbunli ɛnyi ɛhyɛ! Maa bɛva Areleebea ezukoa nvutuke bɛrɛlɛ ye. Maa bɛyɛ nzɛlɛlɛ bɛmaa belemgbunli ne, na bɛzɛlɛ nyilalɛ bɛmaa ye dahuu.

Edwɛndolɛ Buluku ne 95:2

Bɛmaa yɛva moyɛlɛ yɛrɛla ɔ nyunlu; bɛmaa yɛva anyelielɛ yɛdo ayɛlɛyelɛ edwɛne yɛmaa ye!

Edwɛndolɛ Buluku ne 96:6

Enililɛ nee tumi ɛbɔ ɛyia ye, anwosesebɛ nee kɛnlɛma ɛyi ye Ɛzonlenlɛ Sua ne.

Edwɛndolɛ Buluku ne 96:7

O ewiade mbusua kɔsɔɔti, bɛyeyɛ Ɛdɛnkɛma, bɛyeyɛ ye anyunlunyia nee ye tumi ne.

Edwɛndolɛ Buluku ne 96:9

Bɛva anwoziezielɛ nwuanzanwuanza bɛzonle Ɛdɛnkɛma; ewiade amra, bɛzulo ye.

Ayezaya Buluku ne 52:1

Gyɛlusalɛmma, bɛdwazo! Bɛdwazo, bɛmaa bɛ nwo ɛyɛ se, bɛva bɛ adɛladeɛ ngɛnlɛma ne mɔ bɛwula, O Gyɛlusalɛm, suakpole nwuanzanwuanza azo amra, ɔluakɛ awie biala mɔɔ anwo ɛnde na ɔnzonle Nyamenle la ɛnrɛra suakpole ne azo ɛlɛ.

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Yizikeɛle Buluku ne 24:25

Ɛdɛnkɛma zele kɛ, “Na wɔmɔ, Sonla ra, kenle ne mɔɔ mebaza bɛ mealie bɛ aranemgbole ne, bɛ anyelielɛ nee bɛ anyunlunyia, bɛ nye ɛralɛ ne, nee mɔɔ bɛ nye kuku nwolɛ, bɛ mra mrenya nee mraalɛ la,

Yizikeɛle Buluku ne 7:20

Bɛvale bɛ anwoneɛ ne mɔ bɛdule bɛ nwo, na bɛvale bɛyɛle bɛ munzule ananze ne mɔ bɛbɔle bɛkyi ɛbɛla. Yemɔti mebamaa yeayɛ bɛkyi debie yeamaa bɛ.

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”

1 Sam 6:5

Yemɔti bɛyɛ mutulemutule ne nee ahila ne mɔ mɔɔ zɛkyele bɛ maanle ne la ananze bɛwula Yizilayɛ Nyamenle ne anyunlunyia, na wɔannea a ɔkɛgyakyi bɛ nee bɛ awozonle ne mɔ nee bɛ maanle ne kakɛdualɛ.