1 Edk 16:27 - BAEBOLO ANZƐƐ BULUKU NWUANZANWUANZA

²⁷ Kpoleyɛlɛ nee anyunlunyia ɛbɔ ɛyia ye, tumi nee anyelielɛ ɛyi ye Ɛzonlenlɛ Sua ne.

1 Edk 16:27 ပူးပေါင်းရင်းမြစ်များ

1 Edk 16:26

Maanle maanle kɔsɔɔti nyamenle ne mɔ le mmonle, noko Ɛdɛnkɛma a bɔle anwumaneamra a.

1 Edk 16:28

Ewiade amra amuala, bɛwula Ɛdɛnkɛma anyunlunyia, bɛwula ye anyunlunyia na bɛyeyɛ ye tumi ne!

Nihɛmaya Buluku ne 8:10

Akee Nihɛmaya zele bɛ kɛ, “Bɛhɔ sua nu na bɛhɔlie bɛ nye; bɛli debie mɔɔ yɛ fɛ na bɛnlo nwanye fɛlɛko. Bɛmaa menli mɔɔ ɛnlɛ bie la bie. Ɔluakɛ ɛnɛ le Ɛdɛnkɛma kenle nwuanzanwuanza. Bɛmmadi nyane, ɔluakɛ fɛlɛkolilɛ ne mɔɔ Ɛdɛnkɛma fa maa la le bɛ anwosesebɛ.”

Edwɛndolɛ Buluku ne 16:11

Ɛkile me ngoane adenle; anyelielɛ dɔɔnwo wɔ ɛ nwo ɛkɛ, fɛlɛkolilɛ wɔ ɛ sa fema zo dahuu.

Edwɛndolɛ Buluku ne 8:1

O Ɛdɛnkɛma, yɛ Awulae, wɔ duma ne kpole keda azɛlɛ ye amuala azo! Bɛto wɔ anyunlunyia nwo edwɛne wɔ anwuma lɔ,

Edwɛndolɛ Buluku ne 96:6

Enililɛ nee tumi ɛbɔ ɛyia ye, anwosesebɛ nee kɛnlɛma ɛyi ye Ɛzonlenlɛ Sua ne.

Yizikeɛle Buluku ne 1:27

Deɛ ne mɔɔ de ebia ne anu la anwuma toonwo mɔɔ badwu ɔ nze zo la ta kɛ kɔbele mɔɔ ɛlɛta la, na yeyɛ kɛ asɛɛ debie mɔɔ senle ɛbɔ ɛyia ye la; akee menwunle kɛ ɔvi ɔ nze zo toonwo mɔɔ badwu ye aze la le kɛ senle na wienyi kpole kpalɛ ɛbɔ ɛyia ye.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.