1 Edk 16:16 - BAEBOLO ANZƐƐ BULUKU NWUANZANWUANZA

¹⁶ ɔkakye ngyekyeleɛ ne mɔɔ ɔ nee Ebileham yɛle, nee ye ɛwɔkɛ mɔɔ ɔbɔle Ayezeke.

1 Edk 16:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:18

Na kenle ko ne Ɛdɛnkɛma nee Ebilam yɛle ngyekyeleɛ. Ɛdɛnkɛma zele Ebilam kɛ, “Meva azɛlɛ ɛhye memaa ɛ bo zo amra. Azɛlɛ ne vi Yigyibiti ɛweɛne zo kɔdwu Azukpole Yufileti ne anloa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:2

Me nee wɔ bayɛ ngyekyeleɛ, yɛɛ mebamaa ɛ bo zo amra azo dɔɔnwo kpalɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3

Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:11

Na Nyamenle zele ye kɛ, “Mame a mele Nyamenle Bedevinli ne a. Ɛbanyia ɛ bo zo amra dɔɔnwo na bɛ nwo azo. Ɛbayɛ maanle na maanle maanle dɔɔnwo vi wɔ nuhua bavinde, na arelemgbunli vi wɔ nuhua avinde.

2 Sam 6:12

Na bɛrahanle bɛhilele Belemgbunli Devidi kɛ, “Ɛdɛnkɛma ɛyila Obɛde Yidɔm, ye awuke nu amra nee debie biala mɔɔ ɔlɛ la, ɔboalekɛ Nyamenle Ngyekyeleɛ Ɛlɛka ne wɔ ye ɛkɛ.” Yemɔti Devidi vale fɛlɛkolilɛ hɔyele Nyamenle Ngyekyeleɛ Ɛlɛka ne vile Obɛde Yidɔm sua nu hɔle Devidi Suakpole zo.

1 Edk 16:15

Ɔkakye ye ngyekyeleɛ ne dahuu, ɔkakye ye edwɛkɛ mɔɔ ɔhanle awolɛndoazo apenle nzi,

Nihɛmaya Buluku ne 9:8

Ɛnwunle kɛ ɔdi nɔhalɛ ɔmaa wɔ, na ɛ nee ye yɛle ngyekyeleɛ. Ɛbɔle ye ɛwɔkɛ kɛ ɛkɛva Keenama, Hɛtema, yɛɛ Amɔlema, Pɛlɛzema nee Gyibɛsema, yɛɛ Gɛgahyema azɛlɛ ne mɔ ɛkɛmaa ɔ bo zo amra. Ɛlile wɔ ɛwɔkɛ zo, ɔboalekɛ ɛdi nɔhalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:15

Ka ɛhye kile Yizilayɛma kɛ, ‘Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛzoa me bɛ nwo ɛke! Ɛhye a le me duma wɔ melɛ mɔɔ ɛnlɛ awieleɛ, na ɛhye yɛɛ ɔwɔ kɛ awolɛndoazo kɔsɔɔti fa fɛlɛ me a.

Ɛzoanvolɛma Gyima ne 3:25

Nyamenle ɛwɔkɛ ne mɔɔ ɔluale ye kpɔmanvolɛma anwo zo ɔbɔle la le bɛ ɛdeɛ, yɛɛ ngyekyeleɛ ne mɔɔ Nyamenle nee bɛ nlenya mɔ kyekyele la, bɛwɔ nu bie, ɔluakɛ ɔhanle ɔhilele Ebileham kɛ, ‘Ɛ bo zo amra anwo zo yɛɛ mebalua meayila maanle maanle kɔsɔɔti a.’

Mɛla 7:8

Ɛdɛnkɛma kulo bɛ, ɔboalekɛ ɔlɛdi ye ndane ne mɔɔ ɔhanle ɔhilele bɛ ze mɔ la azo, na yemɔti yɛɛ yeva tumi kpole yeye bɛ yevi akɛlɛzonlenlɛ nu wɔ Yigyibiti belemgbunli ne asa anu a.