1 Edk 15:28 - BAEBOLO ANZƐƐ BULUKU NWUANZANWUANZA

²⁸ Akee Yizilayɛma kɔsɔɔti vale anyelielɛ, aweɛnebɔlɛ, mɛne, sɔnwosɔnwo nee getaa bɔle agole lile Ɛdɛnkɛma Ngyekyeleɛ Ɛlɛka ne anzi toonwo bɛradwule Gyɛlusalɛm.

1 Edk 15:28 ပူးပေါင်းရင်းမြစ်များ

2 Sam 6:15

Yemɔti Devidi nee Yizilayɛma kɔsɔɔti vale aweɛnebɔlɛ, edwɛnedolɛ, agolezilɛ nee fɛlɛkolilɛ vale Ɛdɛnkɛma Ngyekyeleɛ Ɛlɛka ne hɔle Devidi Suakpole zo.

2 Sam 6:5

Na Devidi nee Yizilayɛma kɔsɔɔti bubule nya vale bɛ anwosesebɛ dole edwɛne, zile agole, bɔle getaa, akɛya, aweɛne, sɔnwosɔnwo yɛɛ ahenle yele Ɛdɛnkɛma ayɛlɛ.

1 Edk 13:8

Devidi nee menli ne mɔ amuala vale bɛ anwosesebɛ muala zile agole dole edwɛne na bɛbɔle akɛya, aweɛne ndendenle, getaa yɛɛ sɔnwosɔnwo bɛyeyɛle Nyamenle.

1 Edk 15:16

Devidi zele Livae mbusua mgbanyinli ne mɔ kɛ bɛye Livaema ne bie mɔ bɛmaa bɛdo edwɛne, bɛva getaa nee sɔnwosɔnwo bɛbɔ agole anyelielɛ nu bɛdoa bɛ.

1 Edk 15:27

Devidi wulale “Lenen” tɛladeɛ kɛnlɛma bie. Zɔhane tɛladeɛ ne ala bie yɛɛ menli mɔɔ bɔ agole ne la, Kɛnanaya mɔɔ yemɔ a ɔli bɛ ti nee Livaema mɔɔ zo Ɛlɛka ne la wulale a. Devidi eza wulale Nyamenle ɛzonlenlɛ tɛladeɛ ne mɔɔ bɛfɛlɛ ye Yifɔdo la.

1 Edk 15:29

Mɔɔ bɛ nee Ɛdɛnkɛma Ngyekyeleɛ Ɛlɛka ne dwule Devidi Suakpole ne azo la, Belemgbunli Sɔɔlo ara raalɛ Maekale nleanle ye nvɛnzɛlɛ ne anu na ɔnwunle kɛ Belemgbunli Devidi anye ɛlie na ɔlɛwuluwulu ɔsi agole la, ɔvale ɛya kpole.

1 Edk 25:1

Belemgbunli Devidi nee Livae mbusua mgbanyinli eza nleanle yele Livae mbusua ɛhye mɔ kɛ bɛdo edwɛne wɔ ɛzonlenlɛ biala anu. Bɛmɛ a le Esafe, Himan, yɛɛ Gyɛdutɛn. Bɛ gyima a le kɛ, ɔwɔ kɛ bɛfa Nyamenle nrɛlaleɛ ne bɛto gua, na bɛto edwɛne bɛbɔ agole. Menli mɔɔ bɛyele bɛ kɛ bɛli ɛzonlenlɛ ne ati nee gyima holɛ ko mɔɔ bɛbayɛ la ɛne.

Nihɛmaya Buluku ne 12:27

Mekɛ dwule mɔɔ ɔwɔ kɛ akee bɛbuke Gyɛlusalɛm bane ne na bɛtu bɛmaa Nyamenle la, bɛkpondɛle Livaema mɔɔ wɔ ɛleka biala la abo zo bɛ nee bɛ rale Gyɛlusalɛm, amaa bɛ kɔsɔɔti bɛava fɛlɛkolilɛ bɛabɔ nuhua bɛava sɔnwosɔnwo, getaa mgbole nee ngyikyi, moyɛlɛ, nee edwɛndolɛ bɛali ɛvoyia ne.

Edwɛndolɛ Buluku ne 47:6

Bɛdo ayɛlɛyelɛ edwɛne bɛmaa Nyamenle, bɛdo edwɛne bɛyeyɛ ye! Bɛdo ayɛlɛyelɛ edwɛne bɛmaa yɛ Belemgbunli ne, bɛdo edwɛne bɛyeyɛ ye!

Edwɛndolɛ Buluku ne 68:25

Edwɛndolɛma ne lumua, agolehanlɛma ne li bɛ nzi; mbɛlɛra mɔɔ wozo akɛya la li avinli.