1 Edk 15:26 - BAEBOLO ANZƐƐ BULUKU NWUANZANWUANZA

²⁶ Na bɛvale nlankɛ nsuu nee mboane nsuu bɛbɔle azu bɛmanle Nyamenle, ɔluakɛ ɔboale Livaema ne mɔɔ zoale Ɛdɛnkɛma Ngyekyeleɛ Ɛlɛka ne la.

1 Edk 15:26 ပူးပေါင်းရင်းမြစ်များ

2 Sam 6:13

Mɔɔ menli mɔɔ zo Ɛdɛnkɛma Ngyekyeleɛ Ɛlɛka ne la dule bɛ gyakɛ nsia la, Devidi manle bɛgyinlanle na ɔvale ɛnlankɛ nyinli nee ɛnlankɛ mɔɔ ɛhye kpalɛ la ɔbɔle azu ɔmanle Ɛdɛnkɛma.

1 Edk 29:14

“Noko me nee me menli ye, yɛngola yɛmmaa wɔ ɛhwee, ɔboalekɛ debie biala mɔɔ yɛlɛ la le ahyɛlɛdeɛ mɔɔ vi wɔ ɛkɛ ne a. Ɛdawɔ wɔ ɛdeɛ yɛɛ yɛzia yɛva yɛrɛlɛ wɔ a.

Dwobu Buluku ne 42:8

Yemɔti bɛva nlankɛ nyinli nsuu nee mboane nyinli nsuu bɛhɔ me sonvolɛ Dwobu anwo ɛkɛ ne bɛhɔbɔ ɛyelalɛ azu wɔ bɛdabɛ bɛ ti, na me sonvolɛ Dwobu bazɛlɛ amaa bɛ, ɔluakɛ mebadie ye nzɛlɛlɛ ne, na me nee bɛ ɛnrɛli ye kɛ mɔɔ bɛ ɛtane ne mɔ de la, ɔboalekɛ bɛanga me nwo edwɛkɛ kpalɛ kɛ mɔɔ me sonvolɛ Dwobu hanle la.”

Yizikeɛle Buluku ne 45:23

Kenle nsuu ne amuala mɔɔ ɛnee bɛlɛdi ɛvoyia ne la, belemgbunli ne bava nlankɛ ndonrandonra nsuu, mboane nyinli nsuu mɔɔ biala anwo ɛnlɛ dɛne la yeamaa bɛabɔ ɛyelalɛ azu. Eza kenle ko biala ɔbava abɔnkye nyinli ko yeayɛ ɛtane azubɔdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:29

Beelam hanle hilele ye kɛ, “Sisi azukponle nsuu wɔ ɛkɛ maa me na bɛlɛ me nlankɛ nyinli nsuu yɛɛ mboane nyinli nsuu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:32

“Ye kenle nsuu ne azo bɛva nlankɛ nyinli ndonrandonra nsuu, mboane nyinli nwiɔ, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la bulu nee nna.

Ɛzoanvolɛma Gyima ne 26:22

Noko Nyamenle moalɛ ti, ɛnɛ megyi ɛke metɛdi daselɛ metɛkile bɛ mgbanyinli nee bɛ ngakula muala. Mɔɔ Mosisi nee Nyamenle kpɔmanvolɛma hanle dole ɛkɛ ne kɛ ɔbazi la, yemɔ ala a le mɔɔ melɛka la.

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

1 Sam 7:12

Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”