1 Edk 15:16 - BAEBOLO ANZƐƐ BULUKU NWUANZANWUANZA

¹⁶ Devidi zele Livae mbusua mgbanyinli ne mɔ kɛ bɛye Livaema ne bie mɔ bɛmaa bɛdo edwɛne, bɛva getaa nee sɔnwosɔnwo bɛbɔ agole anyelielɛ nu bɛdoa bɛ.

1 Edk 15:16 ပူးပေါင်းရင်းမြစ်များ

1 Edk 13:8

Devidi nee menli ne mɔ amuala vale bɛ anwosesebɛ muala zile agole dole edwɛne na bɛbɔle akɛya, aweɛne ndendenle, getaa yɛɛ sɔnwosɔnwo bɛyeyɛle Nyamenle.

1 Edk 15:12

Ɔzele Livaema ne mɔ kɛ, “Bɛmɛ a bɛle Livae mbusua mgbanyinli a, bɛzie bɛ nwo nwuanzanwuanza na bɛnlea bɛmaa bɛ mediema Livaema mɔɔ ɛha la ɛzie bɛ nwo nwuanzanwuanza na bɛhɔva Ɛdɛnkɛma, Yizilayɛ Nyamenle ne Ngyekyeleɛ Ɛlɛka ne bɛrazie ɛleka mɔɔ meziezie memaa ye la.

1 Edk 16:42

Himan nee Gyɛdutɛn a aweɛne ndendenle ne nee sɔnwosɔnwo ne mɔ nee ninyɛne mɔɔ ɛha mɔɔ bɛbɔ wɔ mekɛ mɔɔ bɛlɛto ayɛlɛyelɛ edwɛne la wɔ bɛ sa nu a. Gyɛdutɛn abusua nu amra yɛɛ nlankɛ ɛzinzalɛ gyima ne wɔ bɛ sa nu a.

1 Edk 16:5

Esafe a lile Livaema ekpunli zɔhane ati a, yɛɛ Zɛkalaya a le ye boavolɛ a. Akee ɔwɔ kɛ Gyiyayɛle, Hyɛmaelamo, Gyɛhayɛle, Matetaya, Yilayabe, Bɛnaya, Obɛde Yidɔm, yɛɛ Gyiyayɛle a bɔ getaa nee ahenle ne mɔ a. Esafe a ɔwɔ kɛ bɔ sɔnwosɔnwo ne a,

1 Edk 23:5

apenle nna ɛzinza nlenkɛ ne mɔ, yɛɛ nuhua apenle nna noko ɛva agole ninyɛne mɔɔ belemgbunli ɛyɛ ɛmaa bɛ la ɛdo edwɛne ɛye Ɛdɛnkɛma ayɛlɛ.

1 Edk 6:16

Livae wole mrenya nsa: Gɛhyɔn, Kohate, yɛɛ Mɛlɛlae.

2 Edk 20:19

Na Livaema mɔɔ bɔ Kohate nee Kɔla mbusua ne bie la dwazole deɛdeanle nu yele Ɛdɛnkɛma, Yizilayɛ Nyamenle ne ayɛlɛ.

2 Edk 30:12

Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

2 Edk 7:6

Sɛlɛvolɛma ne gyinlanle ɛleka mɔɔ ɔwɔ kɛ bɛgyinla la, Livaema ne noko gyinlanle bɛ bo zo ne na bɛvale edwɛnedolɛ nwo ninyɛne mɔɔ Belemgbunli Devidi vale manle bɛ la bɛdole edwɛne bɛyeyɛle Ɛdɛnkɛma kɛ, “Ye ɛhulolɛ kpundii ne wɔ ɛkɛ ne dahuu.” Sɛlɛvolɛma ne bɔle aweɛne ndendenle nu na menli ne amuala dwazole gyinlanle.

Nihɛmaya Buluku ne 12:27

Mekɛ dwule mɔɔ ɔwɔ kɛ akee bɛbuke Gyɛlusalɛm bane ne na bɛtu bɛmaa Nyamenle la, bɛkpondɛle Livaema mɔɔ wɔ ɛleka biala la abo zo bɛ nee bɛ rale Gyɛlusalɛm, amaa bɛ kɔsɔɔti bɛava fɛlɛkolilɛ bɛabɔ nuhua bɛava sɔnwosɔnwo, getaa mgbole nee ngyikyi, moyɛlɛ, nee edwɛndolɛ bɛali ɛvoyia ne.

Nihɛmaya Buluku ne 12:36

Akee mbusuafoɔ mɔɔ hale la doale zolɛ. Bɛmɛ a le Hyɛmaya, Azali, Melalae, Gelalae, Meeyae, Nɛtanile, Dwuda, yɛɛ Haneenae. Ɛhye mɔ ko biala lɛ agolebɔlɛ ninyɛne mɔɔ le kɛ mɔɔ ɛnee Nyamenle sonla Belemgbunli Devidi bɔ la bie. Mɛla kilehilevolɛ Ɛzela a lile ekpunli ɛhye ati a.

Nihɛmaya Buluku ne 12:43

Kenle ko ne bɛbɔle azu fane dɔɔnwo. Menli ne anye liele kpalɛ, ɔboalekɛ Nyamenle manle bɛlile fɛlɛko. Mraalɛ nee mbɛda kɔsɔɔti bokale ɛvoyialilɛ ne anwo, na anyelielɛ ne manle Gyɛlusalɛm kpudwule na ye nganeɛ dwule moa.

Nihɛmaya Buluku ne 12:46

Mekɛ tendenle mɔɔ ɛze ɛhɔ la, ɔvi Belemgbunli Devidi nee edwɛnekilevolɛ Esafe mekɛ zo ɛnee bɛle edwɛndolɛma mgbanyinli yɛɛ edwɛndolɛma ne ɛdo ayɛlɛyelɛ nee moyɛlɛ edwɛne ɛmaa Nyamenle toonwo a yeradwu ɛnɛ a.

Edwɛndolɛ Buluku ne 100:1

Ewiade amra, bɛva anyelielɛ bɛyeyɛ Ɛdɛnkɛma!

Edwɛndolɛ Buluku ne 149:3

Bɛzi agole bɛye ye ayɛlɛ; bɛva ahenle nee getaa bɛye ye ayɛlɛ!

Edwɛndolɛ Buluku ne 150:5

Bɛva sɔnwosɔnwo mɔɔ dielie la bɛye ye ayɛlɛ; bɛva sɔnwosɔnwo anloa ɛsesebɛ bɛye ye ayɛlɛ.

Edwɛndolɛ Buluku ne 81:1

Bɛdea nu bɛdo edwɛne bɛmaa Nyamenle yɛ anwosesebɛ ne; bɛva anyelielɛ bɛdea nu bɛmaa Gyekɔbo Nyamenle ne!

Edwɛndolɛ Buluku ne 81:3

Siane ne fi fofolɛ a bɛwu aweɛne tendenle ne anu, siane ne yɛ mumua a bɛwu nu bɛli ɛvoyia ne.

Edwɛndolɛ Buluku ne 87:7

Edwɛndolɛma nee agolezilɛma amuala se, “Me nyilalɛ kɔsɔɔti vi wɔ ɛkɛ.”

Edwɛndolɛ Buluku ne 95:1

O bɛrɛla, bɛmaa yɛdo edwɛne yɛmaa Ɛdɛnkɛma; bɛmaa yɛva anyelielɛ yɛyeyɛ yɛ ngoanelielɛ bodane ne!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:20

Na Nyamenle kpɔmanvolɛ raalɛ Meleam, Aalɔn adiema raalɛ ne vale akɛya, na mraalɛ ne mɔ kɔsɔɔti doale ye, wozole akɛya, zile agole.

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Emɔzo Buluku ne 6:5

Bɛkulo kɛ bɛyɛ edwɛne, kɛmɔ Devidi yɛle la, na bɛbɔ wɔ bɛ getaa ne mɔ azo.

Ɛzoanvolɛma Gyima ne 14:23

Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5

Mengyakyile wɔ wɔ Kiliti kɛ ɛnlea ɛmaa debie biala mɔɔ tɔ sinli la ɛyɛ boɛ, na ɛye mgbanyima ɛmaa bɛnlea asɔne ne mɔ mɔɔ wɔ sua biala azo la azo, kɛmɔ mengilehilele wɔ la.