1 Edk 15:14 - BAEBOLO ANZƐƐ BULUKU NWUANZANWUANZA

¹⁴ Na sɛlɛvolɛma ne nee Livaema ne ziele bɛ nwo nwuanzanwuanza, amaa bɛahɔva Yizilayɛ Ɛdɛnkɛma Nyamenle ne Ngyekyeleɛ Ɛlɛka ne.

1 Edk 15:14 ပူးပေါင်းရင်းမြစ်များ

1 Edk 15:12

Ɔzele Livaema ne mɔ kɛ, “Bɛmɛ a bɛle Livae mbusua mgbanyinli a, bɛzie bɛ nwo nwuanzanwuanza na bɛnlea bɛmaa bɛ mediema Livaema mɔɔ ɛha la ɛzie bɛ nwo nwuanzanwuanza na bɛhɔva Ɛdɛnkɛma, Yizilayɛ Nyamenle ne Ngyekyeleɛ Ɛlɛka ne bɛrazie ɛleka mɔɔ meziezie memaa ye la.

1 Edk 15:15

Livaema ne vale mbaka sosɔle ye na bɛzoale ye bɛ kɔme zo, kɛmɔ Ɛdɛnkɛma luale Mosisi anwo zo hanle la.

2 Edk 29:15

Menli ɛhye mɔ boɔboale bɛ sa zo ne mɔ anloa, bɛnluanle bɛ nwo, na kɛmɔ Ɛdɛnkɛma anloa edwɛkɛ ne mɔɔ belemgbunli ne hanle hilele bɛ la se la, bɛhɔle kɛ bɛkanlua Ɛdɛnkɛma Ɛzonlenlɛ Sua ne.

2 Edk 29:34

Na kɛmɔ sɛlɛvolɛma ne anwo anzo la ati, ɛnee bɛngola ɛyelalɛ azubɔlɛ ninyɛne ne mɔ anwo gyima di. Yemɔti bɛmanle Livaema ne boale bɛ toonwo ɔhɔdwule kɛ gyima ne wiele na sɛlɛvolɛma mɔɔ ɛha la noko nluanle bɛ nwo la; nɔhalɛ, ɛnee Livaema ne ahonle nu te wɔ bɛ nwo ɛnluanlɛ ne anu tɛla sɛlɛvolɛma ne.

2 Edk 5:11

Sɛlɛvolɛma mɔɔ rale la amuala dule bɛ nwo manle Ɛdɛnkɛma, bɛandwenle bɛ ekpunli ngakyile ne mɔ anwo. Akee Livae edwɛndolɛma mɔɔ le Esafe, Himan, nee Gyɛdutɛn, nee bɛ mbusuafoɔ ne mɔ amuala wulowulale adɛladeɛ fufule. Edwɛndolɛma ɛhye mɔ gyinlanle azukponle ne aduduleɛ afoa nu, bɛdedɛ sɔnwosɔnwo nee getaa, yɛɛ sɛlɛvolɛma ɛya ko abulanwiɔ ɛlɛbɔ aweɛne ndendenle. Aweɛnebɔlɛ ne, sɔnwosɔnwobɔlɛ ne, nee ninyɛne mɔɔ ɛha la nee edwɛndolɛ ne kɔ zolɛ pɛpɛ, na bɛyele Ɛdɛnkɛma ayɛlɛ kɛ, “Bɛye Ɛdɛnkɛma ayɛlɛ, ɔboalekɛ ɔle kpalɛ, yɛɛ ye ɛhulolɛ ɛmbɔ aze ɛlɛ.” Mɔɔ sɛlɛvolɛma ne vi Ɛzonlenlɛ Sua ne anu ɛlɛfinde la, arɛlevilɛ nu ala, amungu nwohyee rayile sua ne na ɔmanle Ɛdɛnkɛma anyunlunyia dale hilele kɛ Ɛdɛnkɛma wɔ ɛkɛ. Na sɛlɛvolɛma ne angola bɛ gyima ne di bieko.

Nihɛmaya Buluku ne 12:30

Sɛlɛvolɛma nee Livaema bule amaamuo nluanle bɛ nwo, menli ne, nlenkɛ mgbole ne mɔ nee bane ne.

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.