1 Edk 15:12 - BAEBOLO ANZƐƐ BULUKU NWUANZANWUANZA

¹² Ɔzele Livaema ne mɔ kɛ, “Bɛmɛ a bɛle Livae mbusua mgbanyinli a, bɛzie bɛ nwo nwuanzanwuanza na bɛnlea bɛmaa bɛ mediema Livaema mɔɔ ɛha la ɛzie bɛ nwo nwuanzanwuanza na bɛhɔva Ɛdɛnkɛma, Yizilayɛ Nyamenle ne Ngyekyeleɛ Ɛlɛka ne bɛrazie ɛleka mɔɔ meziezie memaa ye la.

1 Edk 15:12 ပူးပေါင်းရင်းမြစ်များ

1 Edk 15:1

Devidi sisile ɔdaye ɔ ti anwo azua wɔ Devidi Suakpole zo. Eza ɔzieziele ɛleka mɔɔ ɔbava Nyamenle Ngyekyeleɛ Ɛlɛka ne yeazie la, na ɔzile ndanlɛ sua wɔ ɛkɛ ne mɔɔ bɛbava Ɛlɛka ne bɛazie nu a.

1 Edk 15:14

Na sɛlɛvolɛma ne nee Livaema ne ziele bɛ nwo nwuanzanwuanza, amaa bɛahɔva Yizilayɛ Ɛdɛnkɛma Nyamenle ne Ngyekyeleɛ Ɛlɛka ne.

1 Edk 15:3

Akee Devidi boɔboale Yizilayɛma amuala anloa wɔ Gyɛlusalɛm kɛ bɛkava Nyamenle Ngyekyeleɛ Ɛlɛka ne bɛarazie ye ɛleka ne mɔɔ yeziezie yemaa ye la.

1 Edk 16:1

Bɛvale Ngyekyeleɛ Ɛlɛka ne bɛhɔziele ndanlɛ sua ne mɔɔ Devidi ɛzi ɛmaa ye la anu. Na bɛbɔle ɛyelalɛ azu nee anzonudwolɛ azu bɛmanle Nyamenle.

1 Edk 24:31

Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 9:34

Menli mɔɔ bɛbobɔ bɛ aluma wɔ ɛke la le mbusua mgbanyinli wɔ Livae abusua ekpunli ne anu. Bɛ muala bɛdɛnlanle Gyɛlusalɛm.

2 Edk 1:2

Belemgbunli Sɔlɔmɔn dendɛle hilele Yizilayɛma amuala: safohyenlema mɔɔ nea ɛlɔnema apenle apenle nee ɛya ɛya nwo zo, ndɛnebuavolɛma, Yizilayɛ maanle mgbanyima ne mɔ, yɛɛ mbusua mgbanyinli.

2 Edk 1:4

(Belemgbunli Devidi ɛnee ɛva Nyamenle Ngyekyeleɛ Ɛlɛka ne ɛvi Keleate Gyialem ɛra Ndanlɛ Sua ne mɔɔ yezi yemaa ye wɔ Gyɛlusalɛm la anu.)

2 Edk 30:15

Akee bɛhunle Akpabɛnwo boane ne wɔ siane nwiɔ ne kenle bulu nee nna ne azo. Nyiane hunle sɛlɛvolɛma nee Livaema ne mɔɔ ɛnee anwo ɛnde la kpole, na ɔlua zolɛ bɛdabɛ noko bɛnluanle bɛ nwo, na bɛvale ɛyelalɛ azubɔlɛ ninyɛne ne mɔ bɛrale Ɛdɛnkɛma Ɛzonlenlɛ Sua ne anu.

2 Edk 35:6

Bɛhu Akpabɛnwo mboane ne mɔ na bɛnlua bɛ nwo, na bɛboa bɛ mediema ne mɔ bɛmaa bɛyɛ Ɛdɛnkɛma edwɛkɛ ne mɔɔ ɔluale Mosisi anwo zo ɔhanle la.”

2 Edk 5:11

Sɛlɛvolɛma mɔɔ rale la amuala dule bɛ nwo manle Ɛdɛnkɛma, bɛandwenle bɛ ekpunli ngakyile ne mɔ anwo. Akee Livae edwɛndolɛma mɔɔ le Esafe, Himan, nee Gyɛdutɛn, nee bɛ mbusuafoɔ ne mɔ amuala wulowulale adɛladeɛ fufule. Edwɛndolɛma ɛhye mɔ gyinlanle azukponle ne aduduleɛ afoa nu, bɛdedɛ sɔnwosɔnwo nee getaa, yɛɛ sɛlɛvolɛma ɛya ko abulanwiɔ ɛlɛbɔ aweɛne ndendenle. Aweɛnebɔlɛ ne, sɔnwosɔnwobɔlɛ ne, nee ninyɛne mɔɔ ɛha la nee edwɛndolɛ ne kɔ zolɛ pɛpɛ, na bɛyele Ɛdɛnkɛma ayɛlɛ kɛ, “Bɛye Ɛdɛnkɛma ayɛlɛ, ɔboalekɛ ɔle kpalɛ, yɛɛ ye ɛhulolɛ ɛmbɔ aze ɛlɛ.” Mɔɔ sɛlɛvolɛma ne vi Ɛzonlenlɛ Sua ne anu ɛlɛfinde la, arɛlevilɛ nu ala, amungu nwohyee rayile sua ne na ɔmanle Ɛdɛnkɛma anyunlunyia dale hilele kɛ Ɛdɛnkɛma wɔ ɛkɛ. Na sɛlɛvolɛma ne angola bɛ gyima ne di bieko.

2 Edk 5:2

Akee Belemgbunli Sɔlɔmɔn dole ɛsalɛ vɛlɛle mbusua ekpunli ekpunli ne mɔ mgbanyinli, Yizilayɛ mgbanyima, mbusua mgbanyinli mɔɔ gyigyi bɛ ze mɔ awuke ti la manle bɛ muala bɛrayiale Gyɛlusalɛm, kɛ bɛkava Ɛdɛnkɛma Ngyekyeleɛ Ɛlɛka ne wɔ Devidi Suakpole zo, Zayɔn bɛ nee ye ara Ɛzonlenlɛ Sua ne anu.

Nihɛmaya Buluku ne 13:22

Na menzele Livaema ne kɛ bɛdu bɛ nwo bɛmaa na bɛrazinza nlenkɛ mgbole ne mɔ bɛmaa bɛzie Ɛnwomenlelielɛ Kenle ne nwuanzanwuanza. O me Nyamenle, kakye me wɔ ɛhye noko ati na die me, kɛmɔ wɔ ɛhulolɛ kpole ne mɔɔ ɛmbɔ aze ɛlɛ la de la.

Ayezaya Buluku ne 52:11

Bɛhɔ, bɛhɔ, bɛvi Babelonia bɛdwazo bɛhɔ, bɛmmafa bɛ sa bɛka debie biala mɔɔ evinli ɛha ye la. Bɛhɔ na bɛhɔnlua bɛ nwo, bɛmɛ mɔɔ bɛsoa Ɛdɛnkɛma dwora ne mɔ la.

Yizikeɛle Buluku ne 48:11

Azɛlɛ ɛhye bayɛ Zeedɔko abo zo amra ne mɔ mɔɔ bɛwula bɛ sɛlɛvolɛ na bɛlile me mɛla zo bɛzonlenle me nɔhalɛ nu, na bɛamkpo me wɔ mekɛ mɔɔ Yizilayɛma dele atua, na Livaema kpole me la.

Dw 17:17

Dua nɔhalɛ ne azo te bɛ nwo na fa bɛ yɛ wɔ ɛdeɛ; wɔ edwɛkɛ ne a le nɔhalɛ ne.