1 Edk 14:10 - BAEBOLO ANZƐƐ BULUKU NWUANZANWUANZA

¹⁰ Devidi bizale Nyamenle kɛ, “Mendoa Filisitiama me nee bɛ ɛhɔho ɔ?” Ɛdɛnkɛma buale kɛ, “Ɛ nee bɛ ɛhɔbɔ ye zo na mebamaa wɔali bɛ nwo zo konim.”

1 Edk 14:10 ပူးပေါင်းရင်းမြစ်များ

2 Sam 2:1

Ɛhye anzi, Devidi bizale Ɛdɛnkɛma kɛ, “Mengɔ Dwuda azuamgbole ne mɔ bie azo ɔ?” Ɛdɛnkɛma zele ye kɛ, “Kɔ.” Devidi bizale kɛ, “Boni azo a mengɔ a?” Ɛdɛnkɛma buale ye kɛ, “Kɔ Hibulɔn.”

2 Sam 5:19

Devidi bizale Ɛdɛnkɛma kɛ, “Mengɔ mengɔteta Filisitiama ɔ? Ɛkɛye bɛ ɛkɛmaa me ɔ?” Ɛdɛnkɛma zele ye kɛ, “Kɔ na mebaye Filisitiama ne meamaa wɔali bɛ nwo zo konim.”

2 Sam 5:23

Na Devidi bizale Ɛdɛnkɛma la, ɔzele ye kɛ, “Mmakɔ ɛ nyunlu; bu bɛ nzi, ɛleka mɔɔ nee ‘belesam’ mbaka ne mɔ anye bɔ zo la.

1 Arl 22:6

Yemɔti Ehabe yieyiale Nyamenle kpɔmanvolɛma kɛyɛ ɛya nna na ɔbizale bɛ kɛ, “Me nee Releemɔto mɔɔ wɔ Geleade la azo amra ɛhɔho, anzɛɛ mengyakyi?”

1 Edk 13:3

Na yɛhɔ yɛhɔva Nyamenle Ngyekyeleɛ Ɛlɛka ne mɔɔ mekɛ mɔɔ Sɔɔlo di ye belemgbunli ne la bɛamkpo ɔ bo zo la yɛrɛla.”

1 Edk 14:11

Yemɔti Devidi hɔtetale bɛ wɔ Beeyale Pɛleezem, na ɔlile bɛ nwo zo konim. Ɔzele kɛ, “Nyamenle ɛlua me nwo zo ɛbu ɛva me kpɔvolɛ ɛlɔnema anwo zo kɛ azule mɔɔ ɛyi ɛbulu aze la.” Yemɔti bɛdonle ɛkɛ ne Beeyale Pɛleezem.

1 Edk 14:14

Eza Devidi bizale Nyamenle bieko saa ɔdoa bɛ ɔ nee bɛ ɛhɔho a, na Nyamenle buale kɛ, “Ɛ nee bɛ bɛmmafa bɛ kɛnra bɛbɔ zolɛ; bu bɛ nzi fa mbaka ne mɔ anu na kendɛ ɛkɛ ne.

1 Edk 14:9

Filisitiama rale Relɛfeeyem Bɔnza ne anu na bɛbɔle ɔ bo kɛ bɛsɛkye Yizilayɛma aleɛ mɔɔ wɔ ɛkɛ ne la.

Mrɛlɛbulɛ Buluku ne 3:6

Nwu Nyamenle wɔ wɔ ɛbɛlabɔlɛ muala anu, na ɔbamaa wɔ ndenle adenrɛ fɔɔnwo amaa wɔ.

1 Sam 30:8

Na Devidi bizale Ɛdɛnkɛma kɛ, “Memkpo nwule ne mɔ ɔ? Menwɔhola bɛ kye ɔ?” Ɛdɛnkɛma buale kɛ, “Foa bɛ, ɛbahye bɛ na wɔalie menli mɔɔ bɛhye bɛ la.”