1 Edk 13:11 - BAEBOLO ANZƐƐ BULUKU NWUANZANWUANZA

¹¹ Yemɔti ɔvi mekɛ ne, bɛvɛlɛ ɛkɛ ne Pilɛze Ɛza toonwo a yeradwu ɛnɛ a. Na ɔyelale Devidi, ɔboalekɛ Ɛdɛnkɛma ɛva ɛya ɛdea Ɛza.

1 Edk 13:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:32

Yemɔti ɛnɛ nee ɛnɛ, Yizilayɛma ɛnli adwongu ndinli ne mɔɔ zɔ bowule ne mɔɔ wɔ ɛzɔlɛ ne anu la, ɔboalekɛ nrenya ne vale ɔ sa hanle Gyekɔbo adwongu ndinli ne.

2 Sam 6:7

Ɛdɛnkɛma vale Ɛza anwo ɛya kpole na ɔhunle ye ɛkɛ ne ala, ɔboalekɛ ɔvale ɔ sa ɔhanle Ngyekyeleɛ Ɛlɛka ne. Ɛza wule lale Ɛlɛka ne anwo.

2 Sam 6:9

Na kenle ko ne Devidi zulole Ɛdɛnkɛma, na ɔhanle kɛ, “Kɛ ɔkɛyɛ na Ɛdɛnkɛma Ngyekyeleɛ Ɛlɛka ne adwu me nwo ɛke ɛ?”

1 Edk 13:10

Ɛdɛnkɛma vale Ɛza anwo ɛya na ɔmanle ɔwule ɛkɛ ne ala, ɔluakɛ ɔzɔle Ɛlɛka ne anu. Ɔdɔle amolɛ nu wɔ Nyamenle anyunlu ɛkɛ ne.

1 Edk 13:12

Akee Devidi zulole Nyamenle kpole na ɔzele kɛ, “Ɛnee kɛ menwɔzi menwɔyɛ na meava Ngyekyeleɛ Ɛlɛka ye meahɔ sua nu bɔbɔ ɛ?”

1 Edk 15:13

Kɛmɔ ɛkenle ɛnee bɛnle ɛkɛ ne na bɛazoa la ati, Ɛdɛnkɛma yɛ Nyamenle ne deanle yɛ kɛ yɛanzonle ye wɔ adenle kpalɛ mɔɔ ɔwɔ kɛ yɛdua nu yɛsonle ye la anu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:22

Eza maa sɛlɛvolɛma ne mɔ mɔɔ bikye Ɛdɛnkɛma la ɛnlua bɛ nwo na anrɛɛ Ɛdɛnkɛma kɛdua bɛ kakɛ.”

Dwona Buluku ne 4:4

Na Ɛdɛnkɛma bizale ye kɛ, “Dwona, asoo ɛya kpalɛ a wɔva la?”

Dwona Buluku ne 4:9

Nyamenle bizale Dwona kɛ, “Asoo ɛya kpalɛ a baka ye mɔɔ ɛwu la ati wɔva la?” Dwona buale kɛ, “Saa menwule bɔbɔ a anrɛɛ mewu.”

Mɛla 34:6

Ɛdɛnkɛma ziele ye wɔ bɔnza ne mɔɔ wɔ Mowabe azɛlɛ ne mɔɔ nee Bɛtepiyɔ anye bɔ zolɛ la anu. Na toonwo mɔɔ yeradwu ɛnɛ la, awie biala ɛtɛnwunle ye nla ne.

Dwɔhyua Buluku ne 4:9

Dwɔhyua noko huohuanle awolɛ bulu nee nwiɔ anloa wɔ Azule Dwɔdan ne avinli, ɛleka mɔɔ sɛlɛvolɛma ne mɔɔ zo Ngyekyeleɛ Ɛlɛka ne la gyinlanle la. (Awolɛ zɔhane tɛbɔ ɛkɛ ne ɛnɛ nee ɛnɛ ala.)