1 Edk 12:8 - BAEBOLO ANZƐƐ BULUKU NWUANZANWUANZA

⁸ Akee Gaade abusua ekpunli ne anu amra bie mɔ mɔɔ anwo yɛ se kpalɛ la rale Devidi anwo ɛkɛ ne wɔ ye ɛvealeka ne wɔ ɛsɛlɛ ne azo. Menli ne ze konle nye zo kpalɛ na bɛbe atwɛ ɛdolɛ nee bɛ sa nu enyinlike konle nu. Bɛ nyunlu ɛzulolɛ le kɛ awenade, yɛɛ bɛ nwo yɛ ndɛ kɛ boka zo kɛtɛboɛ.

1 Edk 12:8 ပူးပေါင်းရင်းမြစ်များ

2 Sam 1:23

“Sɔɔlo nee Dwɔnatan, bɛ ɛhulolɛ yɛ nwanwane; bɛde aze la bɛle ko, bɛ ewule nu, bɛ avinli antete, bɛ nwo ndɛne tɛla kɔleɛ, bɛ anwosesebɛ tɛla awenade.

2 Sam 17:10

Saa ɔba ye zɛhae a menli bɔbɔ mɔɔ lɛ ahonle kɛ awenade la bazulo. Ɔluakɛ Yizilayɛma kɔsɔɔti ze kɛ ɛ ze le nrenya katakyie, yɛɛ zɔhane ala a ye ɛlɔnema mɔɔ ɔ nee bɛ lua la de a.

2 Sam 2:18

Ɛnee Zɛluaya amra mrenya nsa ne, Dwowabe, Abehyae nee Asahɛle wɔ ɛkɛ ne. Asahɛle anwo yɛ ndɛ tɛla ɛhoayelɛ nu kɛtɛboɛ.

2 Sam 23:20

Gyɛhɔyada mɔɔ vi Kabezili la ara Bɛnaya ɔdaye ɔle ɛlɔnenli katakyie kpalɛ; ɔyɛle ninyɛne mgbole na eza ɔhunle Mowabe ɛlɔnema nwiɔ mɔɔ ze konle nye zo kpalɛ la. Eza ɔhunle awenade wɔ kuma bie anu wɔ mekɛ mɔɔ ɛnee ezukɔtweaba ɛlɛtɔ la.

1 Edk 11:16

Mekɛ ne anu ɛnee Devidi wɔ boka bie mɔɔ bɛbɔ nwolɛ bane la azo, na Filisitia ɛlɔnema ɛva Bɛtelɛhɛm.

1 Edk 11:22

Gyɛhɔyada, nrenya kakanyinli bie mɔɔ vi Kabezili la ara Bɛnaya le katakyie. Ɔyɛle ninyɛne mgbole. Ɔhunle Mowabe ɛlɔnema anu menli mgbole nwiɔ. Eza kenle ko mɔɔ ɛnee “ezukɔtweaba” ɛlɛtɔ kpalɛ la ɔdwule kuma bie anu ɔhɔhunle awenade.

1 Edk 12:16

Kenle ko menli bie vi Bɛngyaman nee Dwuda mbusua ekpunli ne mɔ anu hɔle Devidi ɛkɛ ne wɔ ɛleka mɔɔ ɔde na bɛbɔ ɔ nwo bane la.

1 Edk 12:9

Bɛ kpanyinli a le Yizɛ, mɔɔ doa ye la a le Obadaya, Yilayabe tɔ zolɛ nsa, Mehyemana tɔ zolɛ nna, Gyɛlɛmaya tɔ zolɛ nnu, Ateeyae tɔ zolɛ nsia, Yilayɛle tɔ zolɛ nsuu, Dwoheenan tɔ zolɛ mɔtwɛ, Ɛlezeebade tɔ zolɛ ngɔnla, Gyɛlɛmaya tɔ zolɛ bulu, yɛɛ Makebeenae tɔ zolɛ bulu nee ko.

2 Edk 25:5

Akee Amazaya boɔboale Dwuda ɛlɔnema anloa na ɔhyɛle bɛ ekpunli ɛya ngoko nee apenle ngoko, kɛmɔ bɛ ze mɔ mbusua ne mɔ de wɔ Dwuda nee Bɛngyaman maanzinli ne mɔ anu la, na ɔvale safohyenlema ɔlile bɛ ti. Ɔboɔboale menli mɔɔ ɛli ɛvolɛ abulanwiɔ mɔɔ kɔ la anloa. Bɛlua menli apenle ngoko ɛya nsa mɔɔ kola fa atwɛ nee bɛ sa nu enyinlike ko kpalɛ kpalɛ a.

Mrɛlɛbulɛ Buluku ne 28:1

Amumuyɛma nriandi mekɛ mɔɔ awie ɛndoa bɛ la, na tenlenema akɛnra yɛ se kɛ awenade.

Mrɛlɛbulɛ Buluku ne 6:5

Die ɛ nwo kɛ weɛlɛ die ɔ nwo fi bɔvolɛ sa nu la, anzɛɛ kɛ anloma die ɔ nwo fi mɔɔ sua nlomangane la asa anu la.

Sɔlɔmɔn Edwɛne 8:14

Me kulovolɛ, ka ɛ nwo bɛla, maa ɛ nwo ɛyɛ ndɛ kɛ kɛtɛboɛ, anzɛɛ weɛlɛ nyinli mɔɔ wɔ awoka mɔɔ aledonlɛ ninyɛne evuanlɛ fifi zolɛ la azo.

Gyɛlɛmaya Buluku ne 46:9

O mgbɔnwɔ, bɛluo, O konle ehwili, bɛbili! Bɛva ɛlɔnema ne bɛhɔ: Sudan nee Lebea mrenya mɔɔ dedɛ enyinlike, Ledea mrenya mɔɔ ze ɛda to la.”

1 Sam 23:14

Devidi veale fienemgbole ne mɔɔ zua Zefe la anu wɔ awoka ne mɔ azo. Sɔɔlo bɔle mɔdenle kpondɛle ye biala, na Nyamenle anye Devidi ammaa ye ɛlɛ.

1 Sam 23:29

Devidi vile ɛkɛ ne hɔle afea wɔ Ɛngidae maanzinli nu.

1 Sam 24:22

Devidi bɔle Sɔɔlo ɛwɔkɛ ne. Sɔɔlo ziale hɔle sua nu, na Devidi nee ye ɛlɔnema ne ziale hɔveale bɛ bo zo ne.