1 Edk 12:40 - BAEBOLO ANZƐƐ BULUKU NWUANZANWUANZA

⁴⁰ ɔluakɛ menli mɔɔ wɔ Yesakaa, Zɛbulɛn yɛɛ Nafetalae la vale aleɛ ngakyile mɔɔ le kɛ ɛdɔkɛ, feege ma, keeki, nwanye, nwole, yɛɛ vanye ma welera dɔɔnwo kpalɛ wulale bɛ ahodoku ahodoku guale bɛ asoaso, afunlumu, mgbɔnwɔndua, yɛɛ nlankɛ nyinli nzi rɛlɛle bɛ. Eza bɛrɛlɛle bɛ nlankɛ nee mboane dɔɔnwo kɛ bɛhu bɛ bɛli, ɔluakɛ ɛnee anyelielɛ ɛra Yizilayɛ.

1 Edk 12:40 ပူးပေါင်းရင်းမြစ်များ

2 Sam 16:1

Mɔɔ Devidi hɔle ɔ nyunlu ekyii wɔ boka ne azo la, ɔ nee Mɛfebɔhyɛte sonvolɛ Zaeba yiale arɛlevilɛ nu. Ɔlɛ asoaso nwiɔ mɔɔ bɛva bɛ bɛbɔ nwo la, na yeva kpanwo ahunguma ɛya nwiɔ, vanye ma welera siakɛ ɛya ko, bakama amolɛ siakɛ ɛya ko yɛɛ nwanye kodoku ko yekyekye asoaso ne mɔ anzi.

1 Arl 1:40

Menli ne kɔsɔɔti lile ɔ nzi, bɛbɔle fulutu bɛlile fɛlɛko kpole kpalɛ bɛmanle bɛ ne pɛle gua.

2 Arl 11:20

Menli ne amuala anye liele. Bɛhunle Atalaya la, suakpole ne azo guale diinyi. Bɛhunle ye wɔ belemgbunli suakunlu ɛkɛ ne.

1 Edk 12:39

Bɛlile kenle nsa wɔ Devidi anwo ɛkɛ ne, bɛlile, bɛnlonle,

1 Edk 13:1

Belemgbunli Devidi nee ye safohyenlema mɔɔ nea ɛlɔnema apenle yɛɛ ɛlɔnema ɛya anwo zo la vale adwenle.

1 Edk 29:22

Zɔhane ati kenle ko ne bɛ nye liele na bɛlile, bɛnlonle wɔ Ɛdɛnkɛma anyunlu. Eza bɛzoale Sɔlɔmɔn bieko kɛ ɔle belemgbunli. Bɛkpokpale ye nwole bɛdule ye bɛmanle Ɛdɛnkɛma kɛ ɔle bɛ belemgbunli na bɛyɛle Zeedɔko bɛ sɛlɛvolɛ.

Mrɛlɛbulɛ Buluku ne 11:10

Saa ɔyɛ boɛ ɔmaa tenlenenli a, suakpole ne azo amra amuala anye die, na saa amumuyɛnli wu a, zolɛ le fɛlɛkolilɛ ngome.

Mrɛlɛbulɛ Buluku ne 29:2

Saa tenlenema ɛlɛbu maanle a, menli ne anye die, na saa amumuyɛma ɛlɛbu maanle a, menli ne su bɛ kunlu.

Hozia Buluku ne 3:1

Ɛdɛnkɛma zele me kɛ, “Kɔ bieko na kɔhulo awuvolɛ raalɛ mɔɔ ɛlɛto awuvolɛvalɛ mɛla ne na ye kulovolɛ ne le nrenya mɔɔ gya raalɛ la. Kulo ye kɛmɔ kɛkala medame Ɛdɛnkɛma mesi mekulo Yizilayɛma mɔɔ kakyi bɛ nwo kɔ nyamenle gyɛne gyɛne anwo, na bɛkulo vanye mra la.”

1 Sam 25:18

Ndɛndɛ ne ala Abegeli vale kpanwo ahunguma ɛya nwiɔ, nwanye nwoma ahodoku nwiɔ, mboane mɔɔ bɛbia bɛ la nnu, ma ngyehye kilo bulu nee nsuu, vanye ma welera aziakɛ ɛya ko, yɛɛ keeki mɔɔ bɛva feege ma bɛyɛ la ɛya nwiɔ, na bɛkyekyele bɛ wɔ asoaso nzi.