1 Edk 12:23 - BAEBOLO ANZƐƐ BULUKU NWUANZANWUANZA

^23-37 Mekɛ mɔɔ Devidi wɔ Hibulɔn la, menli dɔɔnwo mɔɔ ze konle nye zo la rabokale ye ɛlɔnema ne anwo kɛ bɛbaboa bɛamaa bɛadu Sɔɔlo na bɛava belemgbunlililɛ ne bɛamaa Devidi, kɛmɔ Ɛdɛnkɛma ɛwɔkɛ ne se la. Bɛ dodo ɛne: Dwudama: menli apenle nsia, ɛya mɔtwɛ mɔɔ to atwɛ na bɛdɛ enyinlike; Semɛyɔnoma: menli apenle nsuu, ɛya ko; Livaema: menli apenle nna, ɛya nsia; Aalɔn abo zo amra mɔɔ li Gyɛhɔyada anzi la le apenle nsa, ɛya nsuu; Kpavolɛ katakyie Zeedɔko sua nu amra: menli abulanwiɔ nee nwiɔ; Bɛngyamanema (Sɔɔlo ɔdaye ye mbusuafoɔ): menli apenle nsa (menli ɛhye mɔ anu dɔɔnwo kpalɛ lile Sɔɔlo anzi); Yifelaemma: apenle ngoko abulanwiɔ, ɛya mɔtwɛ, mɔɔ di munli wɔ bɛ mbusua ekpulike ne mɔ anu la; Manasɛ Adɔleɛma: menli apenle ngoko bulu nee mɔtwɛ. Bɛkpale nu bɛyele bɛ kɛ bɛhɔboa bɛmaa bɛzie Devidi belemgbunli. Yesakaama: safohyenlema ɛya nwiɔ nee bɛ ɛlɔnema mɔɔ wɔ bɛ bo la. (Safohyenlema ɛhye mɔ ze debie mɔɔ ɔwɔ kɛ Yizilayɛma yɛ a, yɛɛ eza bɛze mekɛ kpalɛ mɔɔ ɔwɔ kɛ bɛfa bɛyɛ la.) Zɛbulɛnema: menli apenle ngoko abulanlu mɔɔ di nɔhalɛ; bɛlɛ konle ninyɛne biala na bɛboa bɛ nwo bɛwie. Nafetalaema: safohyenlema apenle, nee ɛlɔnema apenle ngoko abulasa nee nsuu mɔɔ dedɛ enyinlike nee atwɛ. Danema: menli apenle ngoko abulanwiɔ nee mɔtwɛ, ɛya nsia; Ahyama: menli apenle ngoko abulanla mɔɔ gyi ye mrenyazo Mbusua ekpunli ekpunli mɔɔ wɔ Dwɔdan Aduduleɛ, Wulubɛn, Gaade, yɛɛ Manasɛ Aduduleɛ amra, bɛ muala bɛlua menli apenle ngoko ɛya ko abulanwiɔ (120,000) mɔɔ kola fa konle debie biala ko la.

1 Edk 12:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:3

Gyekɔbo zoanle menli manle bɛlumuale ɔ nyunlu wɔ ɔ diema Yisɔ anwo lɔ wɔ Siyɛ azɛlɛ zo, wɔ Yidɔm maanle nu.

2 Sam 3:18

Kɛkala, mekɛ ne akee ɛdwu, ɔluakɛ Ɛdɛnkɛma ɛbɔ Devidi ɛwɔkɛ kɛ, ‘Mebalua me sonvolɛ Devidi anwo zo mealie me menli Yizilayɛma meavi Filisitiama nee bɛ kpɔvolɛma mɔɔ ɛha la asa anu.’ ”

1 Edk 10:14

Yeambiza Ɛdɛnkɛma moalɛ, ɛhye ati Ɛdɛnkɛma manle bɛhunle ye na ɔhakyile belemgbunlililɛ ne ɔmanle Gyɛsi ara Devidi.

1 Edk 11:10

Devidi safohyenlema mɔɔ di munli na bɛboale ye kpalɛ wɔ ye belemgbunlililɛ nu la, bɛmɛ ɛne. Bɛ nee Yizilayɛma amuala hanle bɔle nuhua ziele ye belemgbunli, kɛmɔ Ɛdɛnkɛma hanle ala la.

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:3

Anrɛɛ to ɛsalɛ fɛlɛ Gyɛsi wɔ azubɔlɛ ne abo, na mebahile wɔ debie mɔɔ ɔwɔ kɛ ɛyɛ la. Ahenle mɔɔ mebaye ye meamaa wɔ la, fa nwole gua ɔ ti zo sie ye belemgbunli.”