1 Edk 12:18 - BAEBOLO ANZƐƐ BULUKU NWUANZANWUANZA

¹⁸ Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

1 Edk 12:18 ပူးပေါင်းရင်းမြစ်များ

2 Sam 15:21

Na Yeteeyae buale belemgbunli ne kɛ, “Nana, meka tease Ɛdɛnkɛma metane wɔ kɛ, ɛleka biala mɔɔ me awulae belemgbunli ne kɔ la, saa ewule nu o, ngoane nu o, wɔ sonvolɛ, me nee wɔ bahɔ.”

2 Sam 17:25

(Abesalɛm ɛyɛ Ameesa ɛlɔnema ne anwo zo neavolɛ yeva yehakyi Dwowabe. Ameesa le Yehyemeeyɛlenli Gyitɛ ara nrenya; ɔ nli a le Neehahye ara raalɛ Abegeli mɔɔ ɔ diema raalɛ a le Dwowabe ɔ nli Zɛluaya la.)

2 Sam 19:13

Bɛze Ameesa kɛ, ɔle me nwo sonla. Saa meandu Dwowabe, meanva ɔdaye Ameesa meanyɛ me Safohyenlema Kpanyinli mɔɔ nea me ɛlɔnema ne anwo zo la a, Nyamenle ɛdua me kakɛ ɛgua me bie zo.”

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

1 Arl 9:22

Sɔlɔmɔn ammaa Yizilayɛnli biala anzonle kɛ kanranli; ɔmanle bɛzonlenle kɛ ye ɛlɔnema, ye mbɔlɔba mgbanyinli, safohyenle mgbanyinli, safohyenlema, yɛɛ ye ɛlɔne nu mgbanyinli mɔɔ nea menli mɔɔ fa konle ehwili nee mgbɔnwɔ ko la.

2 Arl 10:15

Gyihu zile nu bieko kɛ ɔkɔ. Ɔlua adenle zo la Rilikabe ara Dwɔnadabe rayiale ye. Gyihu bizale ye ahye na ɔzele ye kɛ, “Wɔmɔ, yɛ mu nwiɔ yɛ adwenle le ko. Ɛkɛgyinla me nzi ɔ?” Dwɔnadabe buale kɛ, “Ɛhɛe, megyi ɛ nzi.” Gyihu zele ye kɛ, “Saa ɔle zɔ a ɛnee soma me sa nu ɛ!” Bɛzomanle bɛ sa nu na Gyihu manle ɔravole ye ehwili ne anu.

2 Arl 10:5

Yemɔti kpanyinli ne mɔɔ nea belemgbunli awuke ne azo, mgbanyima ne mɔ yɛɛ menli mɔɔ nea Ehabe abo zo amra ne la bɔle nu zoanle manle bɛhɔzele Gyihu kɛ, “Yɛwɔ ɛ bo, yemɔti yɛbayɛ debie biala mɔɔ ɛkɛze yɛ la. Yɛnrɛzie awie biala belemgbunli, yɛ mɔɔ ɛdawɔ ɛnea a ɔle kpalɛ la.”

2 Arl 9:32

Gyihu manle ɔ ti zo nleanle ye wɔ nvɛnzɛlɛ ne anu na ɔbizale kɛ, “Nwane mɔ a wɔ me nzi a?” Ɛkɛ ne ala suakunlu ɛkɛ ne sonvolɛma nwiɔ anzɛɛ nsa wulale bɛ ti nvɛnzɛlɛ ne mɔ ko anu nleanle Gyihu anyunlu.

1 Edk 11:11

Mɔɔ lumua Devidi safohyenlema ne anu la a le Gyahyɔbɛyam. Ɔvi Hakemo abusua nu. Yemɔ a ɔli “Nsa Ne” ati a. Ɔvale atwɛ ɔ nee menli ɛya nsa honle na ɔhunle bɛ kɔsɔɔti.

1 Edk 12:17

Devidi nwunle bɛ la ɔhɔle kɛ ɔkayia bɛ. Na ɔzele bɛ kɛ, “Saa bɛra kɛ agɔnwolɛma mɔɔ ɛra baboa me la a, ɛnee melie bɛ; me nee bɛ le ko. Na saa bɛra kɛ bɛbaye me bɛamaa me kpɔvolɛma, wɔ mekɛ mɔɔ metɛyɛle ɛtane la ɛdeɛ a, ɛnee yɛ ze mɔ Nyamenle ne ɛdua bɛ kakɛ.”

1 Edk 2:17

Gyɛsi ara raalɛ Abegeli gyale Gyitɛ, mɔɔ le Yehyemeeyɛle abo zo sonla la na ɔ nee ye wole ralɛ nrenya, bɛdonle ye Ameesa.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Edwɛkpa ne kɛmɔ Mateyu hɛlɛle la 12:30

“Awie biala mɔɔ ɛmboka me nwo la tia me, yɛɛ mɔɔ nee me ɛnguohua la sande nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:16

Bɛdabɛ mɔɔ bɛdi zɛhae ngyehyɛlɛ fofolɛ ne azo la, bɛmɛ nee Nyamenle menli kɔsɔɔti, yɛɛ yɛsɛlɛ kɛ ɔdaye Nyamenle ɔnwu bɛ anwunvɔne na ɔmaa bɛdɛnla anzonudwolɛ nu a.

Maanlebuvolɛma Buluku ne 13:25

Na Ɛdɛnkɛma Sunsum ne manle ye anwosesebɛ. Mekɛ ne anu ɛnee ɔde Dan abusua ekpunli ne azokoɛleɛ ne, wɔ Zɔla nee Yehyeteɔlo avinli.

Maanlebuvolɛma Buluku ne 3:10

Ɛdɛnkɛma Sunsum ne dwule Ɔteneɛle anwo zo, na ɔholale ɔziele Yizilayɛma. Ɔvale konle ɔdoale Kuhyan Relehyateeyem, na Ɛdɛnkɛma yele Kuhyan Relehyateeyem, mɔɔ le Mɛsɔpɔteemea belemgbunli ne manle ye na ɔlile ɔ nwo zo konim.

Maanlebuvolɛma Buluku ne 6:34

Na Ɛdɛnkɛma Sunsum ne dwule Gedɛyɔn anwo zo. Ɔwule aweɛne nu na Ebayizɛma kɔsɔɔti dwazole doale ye.

Wulu 1:16

Wulutu zele ye kɛ, “Mmafoa me kɛ mengyakyi wɔ mengɔ anzɛɛ menzia na memmatoa wɔ. Ɔluakɛ me nee wɔ yɛkɔ ɛleka mɔɔ ɛlɛkɔ la, mebadɛnla ɛleka mɔɔ ɛkɛdɛnla la. Wɔ menli bayɛ me menli, na wɔ Nyamenle ne ayɛ me Nyamenle.

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”

1 Sam 16:5

Ɔbuale bɛ kɛ, “Ɛhɛe, me nee anzonudwolɛ a rale a; mera kɛ mebabɔ azu meamaa Ɛdɛnkɛma. Yemɔti awie biala ɛde ɔ nwo ɛmaa yɛhɔbɔ azu ne.” Ɔmanle Gyɛsi nee ɔ mra ne mɔ noko dele bɛ nwo, na ɔzele bɛ kɛ bɛhɔ azubɔlɛ ne abo.

1 Sam 22:7

Na Sɔɔlo zele ye sonvolɛma ne mɔ kɛ, “Bɛmɛ Bɛngyaman asa azo, bɛdie; bɛnea a ɛnee Gyɛsi ara Devidi bamaa awie biala ɛya avule nee vanye egyinli, na yeayɛ awie biala ye ɛlɔnema apenle apenle nwo zo safohyenle anzɛɛ ye ɛlɔnema ɛya ɛya nwo zo neavolɛ ɔ,

1 Sam 24:12

Yɛ mu nwiɔ, Ɛdɛnkɛma ɛbua mɔɔ di fɔlɛ la. Ɛdɛnkɛma badua wɔ kakɛ wɔ nyɛleɛ mɔɔ wɔva wɔyɛ me la anwo. Mame, menrɛva me sa menrɛha wɔ yɛɛ menrɛyɛ wɔ ɛhwee.

1 Sam 24:13

Ɛdawɔ ɛze tete ɛrɛlɛ ne mɔɔ se, ‘Ɛtu ayidane a, bie ka ɛ nloa’ la, na mame, menrɛlie me sa anwo ɛzonle ɛlɛ.

1 Sam 24:16

Mɔɔ Devidi wiele tendɛ la, Sɔɔlo zele kɛ, “Asoo ɔle nɔhalɛ kɛ me ra Devidi ɛ?”

1 Sam 8:12

Ɔbayɛ bie mɔ ɛlɔnema apenle nwo zo safohyenlema, yɛɛ bie mɔ noko bayɛ ɛlɔnema abulanlu nwo zo safohyenlema. Bɛ mra mrenya ne mɔ bayɛ ye ɛyazonlɛma, bie mɔ babu ye ɛya ne mɔ anu bɛyɔba ne, na bie mɔ ayɛ ye konle ehwili ne mɔ anwo ninyɛne nee adu.