1 Edk 12:17 - BAEBOLO ANZƐƐ BULUKU NWUANZANWUANZA

¹⁷ Devidi nwunle bɛ la ɔhɔle kɛ ɔkayia bɛ. Na ɔzele bɛ kɛ, “Saa bɛra kɛ agɔnwolɛma mɔɔ ɛra baboa me la a, ɛnee melie bɛ; me nee bɛ le ko. Na saa bɛra kɛ bɛbaye me bɛamaa me kpɔvolɛma, wɔ mekɛ mɔɔ metɛyɛle ɛtane la ɛdeɛ a, ɛnee yɛ ze mɔ Nyamenle ne ɛdua bɛ kakɛ.”

1 Edk 12:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:42

Saa tɛ me ze Nyamenle ne, Ebileham Nyamenle ne, yɛɛ Ayezeke Ɛzulolɛ ne mɔɔ gyi me nzi la a, anrɛɛ nɔhalɛ, wɔmaa melɛ me sa mgbane mezia mehɔ. Nyamenle nwunle me amaneɛnwunlɛ nee ɛvɛlɛ mɔɔ mevɛ la ati yɛɛ nɔe ɔhwile ɛ nyunlu a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:53

Ebileham Nyamenle ne, Neehɔ Nyamenle ne, bɛ ze mɔ Nyamenle ne ɛli yɛ daselɛ.” Yemɔti Gyekɔbo ɔdaye ɔvale ɔ ze Ayezeke Ɛzulolɛ ne ɔhanle ndane.

1 Arl 2:13

Akee Adonaegya mɔɔ le Hagete ara ne rale Sɔlɔmɔn ɔ nli Batehyɛba ɛkɛ. Batehyɛba bizale ye kɛ, “Ɔle bɛtɛɛ ɔ?” Adonaegya buale kɛ, “Ɔle bɛtɛɛ.”

2 Arl 10:15

Gyihu zile nu bieko kɛ ɔkɔ. Ɔlua adenle zo la Rilikabe ara Dwɔnadabe rayiale ye. Gyihu bizale ye ahye na ɔzele ye kɛ, “Wɔmɔ, yɛ mu nwiɔ yɛ adwenle le ko. Ɛkɛgyinla me nzi ɔ?” Dwɔnadabe buale kɛ, “Ɛhɛe, megyi ɛ nzi.” Gyihu zele ye kɛ, “Saa ɔle zɔ a ɛnee soma me sa nu ɛ!” Bɛzomanle bɛ sa nu na Gyihu manle ɔravole ye ehwili ne anu.

2 Arl 9:22

Dwɔlam bizale Gyihu kɛ, “Ɔle bɛtɛɛ ɔ?” Na Gyihu buale ye kɛ, “Kɛ ɔsi ɔyɛ bɛtɛɛ ɛ, wɔ mekɛ mɔɔ ɛ nli Gyɛzɛbɛle ɛva ye ayɛne nee awozonle ɛzonlenlɛ nu tuutuulilɛ ɛbɛla ɛyɛ maanle ye totɔɔ zɛhae la?”

1 Edk 12:16

Kenle ko menli bie vi Bɛngyaman nee Dwuda mbusua ekpunli ne mɔ anu hɔle Devidi ɛkɛ ne wɔ ɛleka mɔɔ ɔde na bɛbɔ ɔ nwo bane la.

1 Edk 12:18

Ɛkɛ ne ala Nyamenle Sunsum ne dwule Ameesae mɔɔ le “Abulasa Ne” kpanyinli la anwo zo na ɔzele kɛ, “O Devidi, yɛle wɔ ɛdeɛ, O Gyɛsi ara, yɛ nee wɔ le ko! Anzonudwolɛ ɛha wɔ, anzonudwolɛ ɛha wɔ boavolɛma! Wɔ Nyamenle ne li ɛ nzi.” Akee Devidi liele bɛ na ɔyɛle bɛ ye ɛlɔne nu safohyenlema.

Edwɛndolɛ Buluku ne 7:6

O Ɛdɛnkɛma, fa ɛya dwazo, dwazo tia me kpɔvolɛma ɛya kpole ne; O me Nyamenle, dwazo na wɔbua ndɛne ne wɔwie.

Edwɛndolɛ Buluku ne 86:11

O Ɛdɛnkɛma, kilehile me wɔ adenle ne, amaa mealua wɔ nɔhalɛ adenle ne anu; fa me ahonle beta ɛ nwo maa ɔzulo wɔ.

Gyɛlɛmaya Buluku ne 32:39

Mebamaa bɛ adwenle ayɛ ko, bɛ adenle ayɛ ko, amaa bɛazulo me dahuu wɔ bɛdabɛ mumua ne nee bɛ mra mɔɔ li bɛ nzi la kpalɛyɛlɛ ti.

Zɛkalaya Buluku ne 3:2

Na Ɛdɛnkɛma soanvolɛ ne zele Seetan kɛ, “O Seetan! Ɛdɛnkɛma ɛdua wɔ kakɛ! Ɛdɛnkɛma mɔɔ ɛnlea nu ɛye Gyɛlusalɛm ɛyɛ ye ɛdeɛ la ɛdua wɔ kakɛ! Asoo tɛ ɛyɛzinli a wɔdu wɔvi senle nu la?”

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

1 Pit 2:23

Noko mɔɔ bɛbɔ ye aholoba la, yeambɔ bɛ bie, bɛgolo ɔ nwo la, yeandɛ ɔ nloa anu; mɔɔ ɔnwu amaneɛ bɔbɔ la, yeanwunlonwunla awie, na ɔvale ye anyelazo kɔsɔɔti ɔdole Nyamenle anwo zo kɛ yemɔ a ɔle pɛlepɛle Ndɛnebuavolɛ ne a.

Dwuudu Kɛlata ne 1:9

Nyamenle soanvolɛ kpanyinli Maekeɛle bɔbɔ anyɛ ɛhye. Mekɛ mɔɔ kpolera dɔle ye nee Abɔnsam avinli wɔ Mosisi funli nwo la, Maekeɛle anga ɛtane angile Abɔnsam. Mɔɔ ɔzele ye la a le kɛ, “Awulae badua wɔ kakɛ.”

1 Sam 16:4

Samoɛle diele mɔɔ Ɛdɛnkɛma hanle hilele ye la na ɔhɔle Suakpole Bɛtelɛhɛm azo. Mgbanyima ne vale sulosulo rayiale ye, na bɛbizale ye kɛ, “Ɛrale ye anzonudwolɛ nu ɔ?”

1 Sam 18:1

Mɔɔ Devidi nee Sɔɔlo wiele bɛ adwelie ne di la, Dwɔnatan, Sɔɔlo ara nrenya ne hulole Devidi, na ɔhulole ye kɛ ɔdaye ɔ nwo la.

1 Sam 18:3

Dwɔnatan nee Devidi yɛle agɔnwolɛyɛlɛ ngyekyeleɛ, ɔluakɛ ɛnee ɔkulo Devidi kɛ ɔdaye ɔ nwo la.