1 Edk 12:1 - BAEBOLO ANZƐƐ BULUKU NWUANZANWUANZA

¹ Mekɛ mɔɔ Devidi hɔveale Zekelage, na Kehye ara Sɔɔlo ati ɔngola ɔnvi sua ne azo ɔngɔ ɛleka biala la, menli ɛhye mɔ rale ɔ nwo ɛkɛ. Bɛbokale ɛlɔnema mɔɔ ze konle nye zo kpalɛ la na bɛboale ye wɔ konle nu.

1 Edk 12:1 ပူးပေါင်းရင်းမြစ်များ

2 Sam 1:1

Sɔɔlo ewule ne anzi, Devidi hɔlile Amalɛkema anwo zo konim, ɔhunle bɛ bie mɔ dɔɔnwo kpalɛ na ɔziale ɔrale Zekelage ɔralile kenle nwiɔ wɔ ɛkɛ.

2 Sam 2:3

Devidi vale ye ɛlɔnema ne, bɛ mraalɛ nee bɛ awuke nu amra kɔsɔɔti nee bɛ nwo ninyɛne, ɔ nee bɛ hɔle Hibulɔn.

2 Sam 4:10

Ɛbɔfoɔ ne mɔɔ rahanle hilele me wɔ Zekelage kɛ Sɔɔlo ɛwu la dwenlenle kɛ ɔlɛ amaneɛ fɛlɛko ɔlɛbɛlɛ me. Memanle bɛhyele ye bɛhunle ye. Ɛhye a le kakɛ mɔɔ menvale menduale ye wɔ ye amaneɛ fɛlɛko ne anwo a.

1 Edk 11:10

Devidi safohyenlema mɔɔ di munli na bɛboale ye kpalɛ wɔ ye belemgbunlililɛ nu la, bɛmɛ ɛne. Bɛ nee Yizilayɛma amuala hanle bɔle nuhua ziele ye belemgbunli, kɛmɔ Ɛdɛnkɛma hanle ala la.

1 Edk 11:19

na ɔzele kɛ, “Menrɛnlo ye ɛnɛ na meanlo ye ɛhyema! Meno a ɛnee menlo menli ɛhye mɔ mogya. Ɔluakɛ bɛvale bɛ ngoane bɛdole nzeleba yɛɛ bɛ nee nzule ne rale a.” Zɔhane ati yeanno. Ɛnee katakyiema nsa ne gyima mɔɔ lile la ɛne.

1 Edk 8:33

Nɛɛ ara a le Kehye, yɛɛ Kehye ara a le Belemgbunli Sɔɔlo. Sɔɔlo wole mrenya nna: Dwɔnatan, Malekaehyua, Abenadabe, yɛɛ Ɛhyebeeyale.

1 Edk 9:39

Nɛɛ wole Kehye, yɛɛ Kehye wole Belemgbunli Sɔɔlo. Sɔɔlo wole mrenya nna: Dwɔnatan, Malekaehyua, Abenadabe, yɛɛ Ɛhyebeeyale.