1 Edk 11:5 - BAEBOLO ANZƐƐ BULUKU NWUANZANWUANZA

⁵ Menli mɔɔ wɔ Gyibɛse la zele Devidi kɛ, “Ɛnrɛhola sua ye azo fo ɛlɛ.” Noko Devidi honle vale Zayɔn aranemgbole ne, mɔɔ le Devidi Suakpole ne.

1 Edk 11:5 ပူးပေါင်းရင်းမြစ်များ

2 Sam 5:9

Devidi vale aranemgbole ne la ɔdɛnlanle nuhua na ɔvɛlɛle sua ne “Devidi Suakpole”. Devidi kyekyele suakpole ne yiale, ɔbɔle ye boka ne aduduleɛ ɛleka mɔɔ bɛdule ndɛtɛlɛ bɛduale ye kuma ne la.

2 Sam 6:10

Yemɔti Devidi angulo kɛ ɔkɛva Ɛdɛnkɛma Ngyekyeleɛ Ɛlɛka ne ɔkɛhɔ Devidi Suakpole zo (Gyɛlusalɛm), na ɔvale ɔhɔle Obɛde Yidɔm mɔɔ vi Gate la sua nu.

2 Sam 6:12

Na bɛrahanle bɛhilele Belemgbunli Devidi kɛ, “Ɛdɛnkɛma ɛyila Obɛde Yidɔm, ye awuke nu amra nee debie biala mɔɔ ɔlɛ la, ɔboalekɛ Nyamenle Ngyekyeleɛ Ɛlɛka ne wɔ ye ɛkɛ.” Yemɔti Devidi vale fɛlɛkolilɛ hɔyele Nyamenle Ngyekyeleɛ Ɛlɛka ne vile Obɛde Yidɔm sua nu hɔle Devidi Suakpole zo.

1 Arl 8:1

Akee Belemgbunli Sɔlɔmɔn yiale Yizilayɛ mgbanyima nee abusua ekpunli biala anu kpanyinli nee bɛ ze mɔ abo zo amra adile adile ne mɔ wɔ Gyɛlusalɛm kɛ bɛkaye Ɛdɛnkɛma Ngyekyeleɛ Ɛlɛka ne wɔ Devidi sua zo Zayɔn bɛara Ɛzonlenlɛ Sua ne anu.

1 Edk 11:4

Belemgbunli Devidi nee Yizilayɛma amuala hɔle Gyibɛsema mɔɔ de azɛlɛ ne azo la anwo zo wɔ Gyɛlusalɛm. Sua ɛhye ɛnee bɛfɛlɛ ye Gyibɛse.

1 Edk 11:6

Akee Devidi zele kɛ, “Awie biala mɔɔ kɛlumua kɛhu Gyibɛsenli la mebayɛ ye me ɛlɔnema ne safohyenlema kpanyinli. Na Zɛluaya ara Dwowabe lumuale hunle bie, na bɛyɛle ye ɛlɔnema ne safohyenlema kpanyinli.”

1 Edk 11:7

Devidi hɔdɛnlanle sua ne azo aranemgbole ne anu, yemɔti bɛvɛlɛle sua ne “Devidi Suakpole.”

2 Edk 5:2

Akee Belemgbunli Sɔlɔmɔn dole ɛsalɛ vɛlɛle mbusua ekpunli ekpunli ne mɔ mgbanyinli, Yizilayɛ mgbanyima, mbusua mgbanyinli mɔɔ gyigyi bɛ ze mɔ awuke ti la manle bɛ muala bɛrayiale Gyɛlusalɛm, kɛ bɛkava Ɛdɛnkɛma Ngyekyeleɛ Ɛlɛka ne wɔ Devidi Suakpole zo, Zayɔn bɛ nee ye ara Ɛzonlenlɛ Sua ne anu.

Edwɛndolɛ Buluku ne 122:5

Ɛkɛ ne yɛɛ bɛzieziele arelemgbunli ndɛnebualɛ mbia ne mɔ a, Devidi abusua ɛlɔnwɔne arelemgbunli mbia ne mɔ.

Edwɛndolɛ Buluku ne 132:13

Ɛdɛnkɛma ɛnlea nu ɛye Zayɔn; yehulo kɛ ɛkɛ ne a ɔtɛnla a:

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Edwɛndolɛ Buluku ne 48:2

Ye boka nwuanzanwuanza ne le kpole, ɔwale, ɔle ewiade amuala anyelielɛ. Zayɔn Boka mɔɔ wɔ sɔlɔ afoa nu lɔ, le Belemgbunli kpole ne suakpole.

Edwɛndolɛ Buluku ne 78:68

ɔnleanle nu ɔyele Dwuda abusua ekpunli ne, Zayɔn Boka mɔɔ ɔkulo ye somaa la.

Edwɛndolɛ Buluku ne 87:2

Ɛdɛnkɛma kulo Zayɔn nlenkɛ mgbole ne mɔ tɛla ɛleka biala mɔɔ wɔ Yizilayɛ la.

Edwɛndolɛ Buluku ne 87:5

Wɔ Zayɔn anwo, bɛbaha ye kɛ, “Ko ɛhye nee ɛhendeɛ ne, bɛwole bɛ ɛkɛ;” ɔluakɛ Anwuma Anwumanli ne ɔdaye ɔbamaa yeagyinla.

Edwɛndolɛ Buluku ne 9:11

Bɛdo ayɛlɛyelɛ edwɛne bɛmaa Ɛdɛnkɛma mɔɔ wɔ Zayɔn! Bɛbɔ ye gyima ne mɔ nolo bɛhile maanle maanle.

Wulo 9:33

Nyamenle Edwɛkɛ ne se, “Nea, melɛfa bolɛ meado Zayɔn mɔɔ bamaa menli akpulokpula a, ɔbayɛ bodane mɔɔ bamaa bɛadu bɛagua a. Na mɔɔ kɛlie ye kɛli la arɛle ɛnrɛbɔ.”

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Yekile 14:1

Akee mekado me nye la ɛnee Boaneralɛ ne gyi Boka Zayɔn azo; ɔ nee menli apenle ngoko ɛya ko, abulanla nee nna (144,000) mɔɔ bɛhɛlɛ ɔdaye ye duma yɛɛ Selɛ ne duma wɔ bɛ nwoma azo la a gyi ɛkɛ a.

Maanlebuvolɛma Buluku ne 19:10

Nrenya ne amkponle kɛ ɔkɛla bieko. Yemɔti ɔzile nu na ɔradwule Gyibɛse kandiba, ɔdaye, yɛɛ ye sonvolɛ ne nee ye mgbɔnla ne, yɛɛ ye asoaso nwiɔ mɔɔ mbia wɔ zolɛ la.

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.