1 Edk 11:3 - BAEBOLO ANZƐƐ BULUKU NWUANZANWUANZA

³ Yemɔti Yizilayɛ mgbanyima ne kɔsɔɔti hɔle belemgbunli ne ɛkɛ ne wɔ Hibulɔn, na Devidi nee bɛ yɛle ngyehyɛlɛ, bɛkyekyele ɔ bo wɔ Ɛdɛnkɛma anyunlu, na bɛziele Devidi belemgbunli kɛ ɔnlea Yizilayɛma kɔsɔɔti anwo zo, kɛmɔ Ɛdɛnkɛma luale Samoɛle anwo zo hanle la.

1 Edk 11:3 ပူးပေါင်းရင်းမြစ်များ

2 Sam 2:4

Na Dwudama rale raziele Devidi belemgbunli. Devidi dele kɛ Gyeebɛhyema mɔɔ wɔ Geleade la ɛzie Sɔɔlo la,

2 Sam 5:3

Yemɔti Yizilayɛ mgbanyima ne mɔ kɔsɔɔti zile nu rale Devidi anwo ɛkɛ wɔ Hibulɔn. Belemgbunli Devidi nee bɛ yɛle ngyekyeleɛ wɔ Ɛdɛnkɛma anyunlu na bɛziele ye Yizilayɛ belemgbunli.

2 Sam 5:5

Ɔdɛnlanle Hibulɔn ɔziele Dwuda ɛvolɛ nsuu siane nsia, yɛɛ ɔdɛnlanle Gyɛlusalɛm ɔziele Yizilayɛ nee Dwuda maanle ne amuala ɛvolɛ abulasa nee nsa.

2 Arl 11:17

Sɛlɛvolɛ Gyɛhɔyada manle Belemgbunli Dwowahye nee menli ne nee Ɛdɛnkɛma yɛle ngyehyɛlɛ na bɛkyekyele ɔ bo kɛ bɛkɛyɛ Ɛdɛnkɛma ɔdaye ye menli. Eza ɔmanle belemgbunli nee menli ne yɛle ngyekyeleɛ.

2 Arl 23:30

Ye safohyenle mgbanyinli ne mɔ vale ye dole konle ehwili nu na bɛ nee ye rale Gyɛlusalɛm bɛrawulale ye mrɛlatɛlɛ nu wɔ ɔdaye ye nla mɔɔ ɔpɛle la anu. Dwudama yele Dwosaya ara Dwowahaze, bɛkpokpale ye nwole na bɛziele ye belemgbunli.

1 Edk 11:10

Devidi safohyenlema mɔɔ di munli na bɛboale ye kpalɛ wɔ ye belemgbunlililɛ nu la, bɛmɛ ɛne. Bɛ nee Yizilayɛma amuala hanle bɔle nuhua ziele ye belemgbunli, kɛmɔ Ɛdɛnkɛma hanle ala la.

2 Edk 23:3

Na bɛ muala bɛ nee Dwowahye yiale nu wɔ Nyamenle Ɛzonlenlɛ Sua ne anu bɛbɔle kpɔkɛ, bɛkyekyele ɔ bo. Sɛlɛvolɛ Gyɛhɔyada zele bɛ kɛ, “Bɛnlea, belemgbunli ne ara nrenya ne ɛne! Bɛboa bɛmaa ɔli belemgbunli, kɛmɔ Ɛdɛnkɛma hanle wɔ Devidi abo zo amra anwo la.

Maanlebuvolɛma Buluku ne 11:11

Yemɔti Gyɛfeta nee Geleade mgbanyima hɔle. Menli ne ziele ye belemgbunli na bɛyɛle kɛ ɔli bɛ ti. Gyɛfeta hanle ye edwɛkɛ muala hilele menli ne mɔ wɔ Mezepa wɔ Ɛdɛnkɛma anyunlu.

1 Sam 11:15

Yemɔti bɛ kɔsɔɔti bɛhɔle Gelegale bɛhɔziele Sɔɔlo belemgbunli wɔ Ɛdɛnkɛma anyunlu. Bɛbɔle anzonudwolɛ azu bɛmanle Ɛdɛnkɛma wɔ ɛkɛ ne. Na Sɔɔlo nee menli ne kɔsɔɔti lile fɛlɛko.

1 Sam 15:28

Na Samoɛle zele ye kɛ, “Ɛdɛnkɛma ɛza wɔ ɛlie Yizilayɛ belemgbunlililɛ ne ɛvi ɛ sa nu ɛnɛ na yeva yemaa sonla mɔɔ le kpalɛ tɛla wɔ la.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:3

Anrɛɛ to ɛsalɛ fɛlɛ Gyɛsi wɔ azubɔlɛ ne abo, na mebahile wɔ debie mɔɔ ɔwɔ kɛ ɛyɛ la. Ahenle mɔɔ mebaye ye meamaa wɔ la, fa nwole gua ɔ ti zo sie ye belemgbunli.”

1 Sam 23:18

Na bɛ mu nwiɔ bɛvale Ɛdɛnkɛma bɛbɔle bɛ nwo ɛwɔkɛ kɛ bɛkɛyɛ mediema dahuu. Devidi woale Hɔlɛhye, na Dwɔnatan ziale hɔle sua nu.

1 Sam 28:17

Ɛdɛnkɛma ɛyɛ mɔɔ ɔluale me nwo zo ɔhanle ɔhilele wɔ la. Ɛdɛnkɛma ɛlie belemgbunlililɛ ne ɛ sa nu yeva yemaa Devidi.