1 Edk 11:19 - BAEBOLO ANZƐƐ BULUKU NWUANZANWUANZA

¹⁹ na ɔzele kɛ, “Menrɛnlo ye ɛnɛ na meanlo ye ɛhyema! Meno a ɛnee menlo menli ɛhye mɔ mogya. Ɔluakɛ bɛvale bɛ ngoane bɛdole nzeleba yɛɛ bɛ nee nzule ne rale a.” Zɔhane ati yeanno. Ɛnee katakyiema nsa ne gyima mɔɔ lile la ɛne.

1 Edk 11:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:4

Debie ko ala a metua bɛ kɛ bɛmmadi a, yemɔ a le nane mɔɔ mogya ne tɛbɔ nu la, ɔboalekɛ mogya ne anu a ye ngoane wɔ a.

2 Sam 23:17

na ɔzele kɛ, “O Ɛdɛnkɛma, menrɛhola nzule ɛhye no. Saa meyɛ ye zɔhane a ɛnee menlo menli ne mɔɔ vale bɛ ngoane dole nzeleba hɔzale la mogya.” Yemɔti yeanno. Ɛhye a le ninyɛne mgbole mɔɔ katakyiema nsa ne yɛle a.

1 Arl 21:3

Neebɔto buale Ehabe kɛ, “Menlile me mgbanyinli agya a menvale ɛya ne a; ɔle me mgbanyinli debie, yemɔti saa meminli ɔ bo zo a ɔnrɛyɛ boɛ. Nyamenle ɛkpa ɛhye ɛgua!”

1 Edk 11:18

Menli katakyiema nsa ne bɔle vale Filisitiama avinli wɔ ɛleka mɔɔ bɛdɛ la na bɛhɔzale nzule wɔ Bɛtelɛhɛm bula ne mɔɔ wɔ sua ne anlenkɛ kpole ne anloa la bie bɛrɛlɛle Devidi. Noko Devidi anno. Ɔguale ye aze, ɔvale ɔyɛle azubɔdeɛ ɔmanle Ɛdɛnkɛma,

1 Edk 11:20

Dwowabe adiema Abehyae a li Katakyiema “Abulasa Ne” ati a. Ɔvale atwɛ ɔhunle menli ɛya nsa, na ɔliele duma.

Dwobu Buluku ne 31:31

asoo me awuke nu amra ɛtɛkanle kɛ, ‘Nwane a ɛtɛdile ye debie ɛlɛ a?’

Edwɛndolɛ Buluku ne 72:14

Ɔdie bɛ ɔfi nzisi nee konle nu; bɛ mogya sonle bolɛ wɔ ɔ nye zo.

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Edwɛkpa ne kɛmɔ Maake hɛlɛle la 14:24

na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Dw 6:55

Ɔluakɛ me nwonane ne a le aleɛ kpalɛ ne a, yɛɛ me mogya ne a le nzule kpalɛ ne a.

Wulo 16:4

Bɛvale bɛ ngoane bɛdole me ti nzeleba na bɛnwunle amaneɛ dɔɔnwo. Meyɛ bɛ mo somaa; na tɛ me ngome bɔbɔ o, menli mɔɔ ɛnle Dwuuma la asɔne ne mɔ amuala yɛ bɛ mo somaa.

1 Kɔl 15:30

Saa bɛndwazo mɔwuamra a, ɛnee duzu ati a menwɔva me ngoane menwɔdo nzeleba dɔnehwele biala ɛ?

Maanlebuvolɛma Buluku ne 5:18

Na Zɛbulɛn abusua ekpunli ne vale bɛ ngoane dole nzeleba, Nafetalae abusua ekpunli ne yɛle zɔhane ala wɔ konle ne anu.

Maanlebuvolɛma Buluku ne 9:17

Bɛhakye kɛ egya honle bɛ ti na ɔvale ye ngoane ɔdole nzeleba ɔliele bɛ ɔvile Medeanema asa anu.

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”