1 Edk 11:18 - BAEBOLO ANZƐƐ BULUKU NWUANZANWUANZA

¹⁸ Menli katakyiema nsa ne bɔle vale Filisitiama avinli wɔ ɛleka mɔɔ bɛdɛ la na bɛhɔzale nzule wɔ Bɛtelɛhɛm bula ne mɔɔ wɔ sua ne anlenkɛ kpole ne anloa la bie bɛrɛlɛle Devidi. Noko Devidi anno. Ɔguale ye aze, ɔvale ɔyɛle azubɔdeɛ ɔmanle Ɛdɛnkɛma,

1 Edk 11:18 ပူးပေါင်းရင်းမြစ်များ

2 Sam 23:16

Na katakyiema nsa ne bɔle vale Filisitiama azokoɛleɛ ne hɔle Bɛtelɛhɛm hɔzale nzule wɔ bula ne mɔɔ wɔ anlenkɛ kpole ne anloa la bie rɛlɛle Devidi. Bɛ nee ye rale la yeanno. Ɔguale ye aze ɔmanle Ɛdɛnkɛma;

1 Edk 11:17

Devidi anwo lɔle sua nu na ɔzele kɛ, “Anrɛɛ meanyia awie ahɔza nzule wɔ Bɛtelɛhɛm bula ne mɔɔ wɔ sua ne anlenkɛ kpole ne anwo ɛkɛ ne la bie arɛlɛ me yeamaa meanlo.”

1 Edk 11:19

na ɔzele kɛ, “Menrɛnlo ye ɛnɛ na meanlo ye ɛhyema! Meno a ɛnee menlo menli ɛhye mɔ mogya. Ɔluakɛ bɛvale bɛ ngoane bɛdole nzeleba yɛɛ bɛ nee nzule ne rale a.” Zɔhane ati yeanno. Ɛnee katakyiema nsa ne gyima mɔɔ lile la ɛne.

Sɔlɔmɔn Edwɛne 8:6

Fa me yɛ ɛyɛlɛ sɔ wɔ ahonle ne anloa yɛ me nzonlɛyɛdeɛ wɔ ɛ sa anwo. Ɔluakɛ ɛhulolɛ yɛ se kɛ ewule, yɛɛ nungule ati yɛ se kɛ funli kuma. Ɔpɛ fɛlɛ a ɔle senle, na ɔsɔ kɛ sendɔlɔra.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”

1 Sam 7:6

Yemɔti bɛhɔyiale Mezepa; bɛguale nzule aze bɛmanle Ɛdɛnkɛma na bɛhyele ɛhɔne kenle ko ne na bɛzele kɛ, “Yɛyɛ ɛtane yɛtia Ɛdɛnkɛma.” (Mezepa ɛkɛ ne yɛɛ Samoɛle dɛnlanle ziele Yizilayɛma a.)