1 Edk 10:8 - BAEBOLO ANZƐƐ BULUKU NWUANZANWUANZA

⁸ Bɛhonle konle ne na aleɛ hyenle la, Filisitiama rale kɛ bɛbayeye menli mɔɔ ɛwu la anwo ninyɛne ne mɔ, na bɛnwunle Sɔɔlo nee ɔ mra nsa ne kɛ bɛwu bɛgua Gelebowa Boka.

1 Edk 10:8 ပူးပေါင်းရင်းမြစ်များ

2 Arl 3:23

Na bɛhanle kɛ, “Nea mogya ngome. Yɛ kpɔvolɛ ɛlɔnema nsa ne ɛpɛ bɛ nwo ɛho ɛhuhu bɛ nwo. Mowabema e, bɛmaa yɛhɔve bɛ ninyɛne ne mɔ.”

1 Edk 10:7

Mɔɔ Yizilayɛma mɔɔ wɔ bɔnza ne anu la nwunle kɛ bɛ ɛlɔnema ne ɛnriandi na Sɔɔlo nee ɔ mra nsa ne ɛdɔ la, bɛdabɛ bɛnriandile bɛvile bɛ azuamgbole ne mɔ azo, na Filisitiama radɛnlanle zolɛ.

1 Edk 10:9

Bɛpɛle ɔ ti na bɛyeyele ye konle ninyɛne ne mɔ, na bɛvale nrɛlaleɛ bɛhɔle bɛ maanle ne anu amuala kɛ bɛbɔ edwɛkɛ fɛlɛko ɛhye nolo bɛhile ezuavolɛ ne nee bɛ mmonle ne mɔ.

2 Edk 20:25

Na Gyɛhɔhyafate nee ye ɛlɔnema ne akee rale kɛ bɛbave bɛ ninyɛne. Bɛnyianle nlankɛ dɔɔnwo kpalɛ, ninyɛne, ndanlɛ, nee ninyɛne mɔɔ sonle bolɛ la. Bɛnyianle ninyɛne dɔɔnwo kpalɛ mɔɔ ɛnee akee bɔbɔ bɛngola bɛ soa a. Ninyɛne ne zonle somaa; bɛvale kenle nsa a bɛhwenle ninyɛne ne a.

1 Sam 31:8

Bɛhonle bɛwiele na ye alehyenlɛ nu, Filisitiama hɔle kɛ bɛkawua avunli ne mɔ anwo ninyɛne. Bɛnwunle Sɔɔlo nee ɔ mra nsa ne mɔ avunli wɔ Gelebowa Boka.

1 Sam 5:2

Bɛvale bɛhɔwulale bɛ bozonle Deegɔn ne amonle sua ne anu na bɛziele ye Deegɔn amonle ne anwo ɛkɛ.