1 Edk 10:7 - BAEBOLO ANZƐƐ BULUKU NWUANZANWUANZA

⁷ Mɔɔ Yizilayɛma mɔɔ wɔ bɔnza ne anu la nwunle kɛ bɛ ɛlɔnema ne ɛnriandi na Sɔɔlo nee ɔ mra nsa ne ɛdɔ la, bɛdabɛ bɛnriandile bɛvile bɛ azuamgbole ne mɔ azo, na Filisitiama radɛnlanle zolɛ.

1 Edk 10:7 ပူးပေါင်းရင်းမြစ်များ

1 Edk 10:6

Ɛnee kɛ Sɔɔlo zile wule la ɛne: ɔdaye, ɔ mra nsa ne nee ye sua nu amra amuala gulule nu wule.

1 Edk 10:8

Bɛhonle konle ne na aleɛ hyenle la, Filisitiama rale kɛ bɛbayeye menli mɔɔ ɛwu la anwo ninyɛne ne mɔ, na bɛnwunle Sɔɔlo nee ɔ mra nsa ne kɛ bɛwu bɛgua Gelebowa Boka.

Sɛlɛ 26:31

Mebamaa bɛ azuamgbole ayɛ azuadu, na meazɛkye bɛ ɛleka nwuanzanwuanza ne mɔ mɔɔ bɛsonle la, yɛɛ menrɛlie bɛ azubɔlɛ evuanlɛ ne mɔ.

Sɛlɛ 26:36

“Bɛdabɛ mɔɔ bɛbaha mɔɔ bɛbahye bɛ bɛahɔ nlɔnu la, mebamaa ahunlundetelɛ adɔ bɛ nwo mɔɔ ɛya mgbane mɔɔ kɛde la bamaa bɛanriandi a; bɛbanriandi kɛ menli mɔɔ ɛgua ndwɛlɛ aze wɔ konle nloa na bɛ kpɔvolɛma zi bɛ zo la, na bɛbadu bɛagua aze wɔ mekɛ mɔɔ awie ɛndoa bɛ la.

Mɛla 28:33

Maanle bie mɔɔ bɛtɛtele ye nganeɛ ɛlɛ la anu amra barali bɛ ɛya ne mɔ anu aleɛ, na bɛbasisi bɛ bɛayɛ bɛ amumuyɛ dahuu,

Mɛla 28:43

“Ɛyɛvolɛ mɔɔ wɔ bɛ maanle ne anu la bavo adɛnla bɛ kɔme zo na bɛmɛ bɛ tumi ne abɔ aze bɔkɔɔ.

Maanlebuvolɛma Buluku ne 6:2

Medeanema asa homonle Yizilayɛma anwo zo kpalɛ. Yizilayɛma zulole Medeanema manle ɔhɔdwule kɛ bɛhyele bɛ nwo ɛhane, bɛsisile ɛvealeka dɔɔnwo wɔ awoka ne mɔ azo, na bɛvunvunle mbɔne wɔ awolɛ nu bɛveale nu.

1 Sam 13:6

Bɛmianle bɛ nwo bɛ nee Yizilayɛma honle kpalɛ. Mɔɔ Yizilayɛma nwunle kɛ konle ne ɛyɛ ɛsesebɛ ɛmaa bɛ la, bie mɔ nriandile hɔveale mbɔne nu, awolɛ nu, adokule nu, bula nu nee sɛka nu.

1 Sam 31:7

Mɔɔ Yizilayɛma mɔɔ wɔ Gyɛzɛli Bɔnza ne anzi lɔ mɔɔ di kɔ Azule Dwɔdan aduduleɛ la dele kɛ Yizilayɛ ɛlɔnema ne ɛgua ɛbɔ nu na bɛhu Sɔɔlo nee ɔ mra ne mɔ la, bɛvile bɛ azua ne mɔ azo bɛguale ɛbɔ nu. Na Filisitiama radɛnlanle azua ne mɔ azo.