1 Edk 1:32 - BAEBOLO ANZƐƐ BULUKU NWUANZANWUANZA

³² Ebileham ɛnee lɛ ye mgbɔnla, bɛfɛlɛ ye Kɛtula. Ɔ nee ye wole mrenya nsia: Zemelan, Dwɔkehyan, Midan, Medean, Yehyebake, yɛɛ Hyua. Dwɔkehyan amra a le Hyiba yɛɛ Didan.

1 Edk 1:32 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:28

Medean gualilɛma ne radwule ɛkɛ ne la, bɛyele Dwosefi bɛvile kuma ne anu, na bɛdɔnenle ye dwɛtɛ fufule abulanwiɔ bɛmanle Yehyemeeyɛlema, na bɛ nee ye hɔle Yigyibiti.

1 Arl 10:1

Hyiba belemgbunli raalɛ ne dele duma kpole mɔɔ Sɔlɔmɔn ɛnyia ye wɔ Ɛdɛnkɛma duma nu la nganeɛ, yemɔti ɔrale Gyɛlusalɛm kɛ ɔbado Sɔlɔmɔn abɛla mgbole kpalɛ.

1 Edk 1:31

Gyita, Nafehye, yɛɛ Kidɛmaa. Bɛ muala bɛle Yehyemeeyɛle abo zo amra.

1 Edk 1:33

Medean amra mrenya a le Yifaa, Yifɛ, Heenɔko, Abaeda, yɛɛ Ɛledeeyaa. Ɛhye mɔ amuala le Kɛtula abo zo amra.

Dwobu Buluku ne 6:19

Tima adenduvoma neɛnlea, Hyiba adenduvoma anye da.

Edwɛndolɛ Buluku ne 72:10

Maa Sepeen nee bɔra ne mɔ arelemgbunli ɛdua adwule ɛmaa ye, na Areleebea nee Yiteɔpea arelemgbunli ɛhyɛ ye ninyɛne.

Edwɛndolɛ Buluku ne 72:15

Belemgbunli ɛnyi ɛhyɛ! Maa bɛva Areleebea ezukoa nvutuke bɛrɛlɛ ye. Maa bɛyɛ nzɛlɛlɛ bɛmaa belemgbunli ne, na bɛzɛlɛ nyilalɛ bɛmaa ye dahuu.

Ayezaya Buluku ne 21:13

Nyamenle nrɛlaleɛ mɔɔ fane Areleebea anwo la ɛne: Bɛmɛ Didanema mɔɔ bɛ ehwili a le bɛ azua mɔɔ bɛda nu la, Areleebea kpɔkɛ bo ala a bɛbadɛnla a.

Ayezaya Buluku ne 60:6

Bɛ maanle nu bayɛ afunlumu dɔɔnwo, Afunlumu ndonrandonra mɔɔ vi Medean nee Yifa; Dɔɔnwo noko vi Hyiba bara. Bɛbava ezukoa nvutuke nee ɛyɛlɛ evuanlɛ bɛara, Na bɛbabɔ Ɛdɛnkɛma ayɛlɛyelɛ ne nolo.

Gyɛlɛmaya Buluku ne 49:8

O Didanema, bɛnriandi bɛzia bɛhɔvea azɛlɛ bo, ɔluakɛ mekɛ mɔɔ mefa meadea Yisɔ abo zo amra la ɛdwu.

Yizikeɛle Buluku ne 25:13

kɛ medame Awulae Nyamenle ne mese la ɛne: Mebadea Yidɔmma, na meahu menli nee nyɛmoa mɔɔ wɔ maanle ne anu la amuala, na meamaa maanle ne adɔ mgbane. Menli mɔɔ wɔ maanle ne anu la amuala, ɔvi Timan mɔɔ kɔdwu Didan la badɔ dadeɛ nloa.

Yizikeɛle Buluku ne 27:20

Didan nee wɔ lile gua dɔnenle ɛkpɔnwɔ zo ndanlɛ manle wɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:6

Yizilayɛma ne mɔ ko vale Medea raalɛ rawolole ye ndanlɛ sua ne anu wɔ Mosisi nee menli ne kɔsɔɔti anye zo, wɔ mekɛ mɔɔ ɛnee bɛlɛsu wɔ Ɛdɛnkɛma Ndanlɛ Sua ne anyunlu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:2

“Kɔdua Medeanema kakɛ wɔ mɔɔ bɛvale bɛyɛle Yizilayɛma la anwo. Ɛhye anzi, ɛbawu.”