1 Dw 5:9 - BAEBOLO ANZƐƐ BULUKU NWUANZANWUANZA

⁹ Saa yɛdie sonla daselɛ yɛto nu a, ɛnee Nyamenle daselɛlilɛ ɛdeɛ ne anu yɛ se kpalɛ, ɔluakɛ Nyamenle daselɛlilɛ ne fane ɔ Ra ne anwo.

1 Dw 5:9 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Ɛzoanvolɛma Gyima ne 17:31

Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Kɛlata mɔɔ bɛhɛlɛle bɛhɔmanle Hibuluma la 2:4

Mekɛ ko ne ala Nyamenle ɔdaye ɔlile daselɛ ɔvoale bɛ ɛdeɛ ne azo, na ɔvale Sunsum Nwuanzanwuanza nu ahyɛlɛdeɛ ɔmanle bɛ, ɔmanle bɛyɛle nwanwane ninyɛne, kɛmɔ ye ɛhulolɛdeɛ ne de la.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Dw 5:10

Zɔhane ati awie biala mɔɔ die Nyamenle Ara ne di la lɛ daselɛlilɛ ne wɔ ye nu. Awie biala mɔɔ ɛnlie Nyamenle ɛnli la ɛmaa Nyamenle ɛbɔ adalɛ, ɔluakɛ yeanlie daselɛ ne mɔɔ Nyamenle ɛli ye wɔ ɔ Ra ne anwo la yeanli.

1 Dw 5:8

bɛmɛ a le Nyamenle Sunsum ne, nzule ne, nee mogya ne. Bɛmɛ nsa bɛdi daselɛ na bɛkile debie ko ne ala.