1 Dw 5:7 - BAEBOLO ANZƐƐ BULUKU NWUANZANWUANZA

⁷ Alasevolɛ nsa a wɔ ɛkɛ a:

1 Dw 5:7 ပူးပေါင်းရင်းမြစ်များ

Edwɛndolɛ Buluku ne 33:6

Ɛdɛnkɛma vale ɔ nloa bɔle anwuma, ɔvale ɔ nloa a ɔbɔle anwumaneamra a.

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 18:16

Saa yeamkponle a, fa sonla ko anzɛɛ menli nwiɔ boka ɛ nwo, amaa saa edwɛkɛ bie a menli nwiɔ ne anzɛɛ nsa ne ali wɔ daselɛ, kɛmɔ Nyamenle Edwɛkɛ ne se la.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Dw 1:1

Mekɛ mɔɔ bɛkabɔ ewiade la, ɛnee Edwɛkɛ ne wɔ ɛkɛ; Edwɛkɛ ne nee Nyamenle a wɔ ɛkɛ a, na Edwɛkɛ ne le Nyamenle.

Dw 10:30

Selɛ ne nee medame yɛle ko.”

Dw 12:28

Egya, maa anyunlunyia ɛha wɔ duma ne.” Ɔhanle ɛhye la, ɛnelɛ bie vi anwuma zele kɛ, “Mewula ye anyunlunyia dɛba, na mebawula ye bieko.”

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 5:26

Kɛmɔ Selɛ ne a le ngoanemaavolɛ la, zɔhane ala yɛɛ yeyɛ Ralɛ ne ngoanemaavolɛ a.

Dw 8:18

Medi me nwo daselɛ yɛɛ Selɛ ne mɔɔ zoanle me la di me nwo daselɛ.”

Dw 8:54

Gyisɛse buale kɛ, “Saa me ngome mewula me nwo anyunlunyia a, ɛnee me anyunlunyia ɛndo ɛhwee. Ahenle mɔɔ wula me anyunlunyia la a le Egya, mɔɔ yemɔ a bɛse ɔle bɛ Nyamenle la.

Ɛzoanvolɛma Gyima ne 2:33

Bɛmaa ye zo bɛzie Nyamenle asa fema zo, na yenyia Sunsum Nwuanzanwuanza ne, kɛmɔ ɔze vale bɔle ye ɛwɔkɛ la; na mɔɔ bɛnwu ye nee mɔɔ kɛkala bɛte la a le ye ahyɛlɛdeɛ mɔɔ yeva yemaa yɛ la a.

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Mɛla 6:4

“Yizilayɛma, bɛdie, Ɛdɛnkɛma yɛ Nyamenle ne le Ɛdɛnkɛma kokye ala.

1 Dw 1:1

Yɛlɛkɛlɛ bɛ wɔ ngoane Edwɛkɛ ne mɔɔ mɔlebɛbo ne ɛnee ɔwɔ ɛkɛ ne na yɛde, yɛnwu ye yɛ nye zo, yɛnlea ye kpalɛ, na yɛva yɛ sa yɛha ye la anwo.

1 Dw 5:6

Gyisɛse Kelaese a le mɔɔ luale ye ɛzɔnenlɛ nzule nee ye ewule mogya zo rale la. Tɛ nzule ngome a ɔluale zo a, ɔluale nzule nee mogya zo. Nyamenle Sunsum ne di daselɛ kɛ ɔle zɔhane, ɔboalekɛ Sunsum ne a le nɔhalɛ ne.

1 Dw 5:8

bɛmɛ a le Nyamenle Sunsum ne, nzule ne, nee mogya ne. Bɛmɛ nsa bɛdi daselɛ na bɛkile debie ko ne ala.

Yekile 19:13

Ye tɛladeɛ mɔɔ ɔwula la anu le mogya ngome. Duma mɔɔ bɛfa bɛfɛlɛ ye la a le “Nyamenle Edwɛkɛ.”