1 Dw 5:6 - BAEBOLO ANZƐƐ BULUKU NWUANZANWUANZA

⁶ Gyisɛse Kelaese a le mɔɔ luale ye ɛzɔnenlɛ nzule nee ye ewule mogya zo rale la. Tɛ nzule ngome a ɔluale zo a, ɔluale nzule nee mogya zo. Nyamenle Sunsum ne di daselɛ kɛ ɔle zɔhane, ɔboalekɛ Sunsum ne a le nɔhalɛ ne.

1 Dw 5:6 ပူးပေါင်းရင်းမြစ်များ

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Sɛlɛ 17:11

Ɔluakɛ nwonane ne ngoane wɔ mogya ne anu, yɛɛ meva memaa kɛ bɛva bɛbɔ azu wɔ azukponle ne azo bɛyɛ mgbɔdalɛ nzɛlɛlɛ bɛmaa bɛ, ɔluakɛ mogya ne a maa mgbɔdalɛ ne di munli a, ɔboalekɛ ngoane wɔ nu.

Zɛkalaya Buluku ne 9:11

Ɛdɛnkɛma se, “Kɛmɔ me nee wɔ ɛyɛ ngyekyeleɛ mɔɔ bɛva azubɔlɛ mogya bɛzɔ ɔ nloa la ati, mebadwula wɔ menli ne mɔɔ bɛhye bɛ nuokɛ la, mebaye bɛ meavi kuma ne mɔɔ nzule ɛnle nu la anu.

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Mateyu hɛlɛle la 3:16

Mɔɔ bɛzɔnenle Gyisɛse bɛwiele la, ɔvi azule ne anu ɔvole file zo ndɛndɛ ne ala. Anwuma bukele na ɔnwunle kɛ Nyamenle Sunsum ne ɛlɛdwu kɛ abubule la na ɔrazinzele ɔ nwo zo.

Edwɛkpa ne kɛmɔ Maake hɛlɛle la 14:24

na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Edwɛkpa ne kɛmɔ Luku hɛlɛle la 22:20

Zɔhane ala noko yɛɛ mɔɔ bɛwiele debie di la, ɔvale dwora ne ɔmanle bɛ na ɔhanle kɛ, “Dwora ɛhye mɔɔ bɛlɛno nu la a le Nyamenle ngyekyeleɛ fofolɛ ne mɔɔ bɛva me mogya ne bɛzɔ ɔ nloa la; bɛlie bɛnlo.]

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 16:13

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 6:55

Ɔluakɛ me nwonane ne a le aleɛ kpalɛ ne a, yɛɛ me mogya ne a le nzule kpalɛ ne a.

Ɛzoanvolɛma Gyima ne 8:36

Mɔɔ bɛlua adenle zo bɛlɛkɔ la, bɛrale azule bie anloa, na nrenya ne zele Felepe kɛ, “Nea, nzule ɛ! Duzu a si wɔ adenle mɔɔ ɔmaa ɛsɔne me a ɔnyɛ boɛ a?” [

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Kɛlata mɔɔ bɛhɛlɛle bɛhɔmanle Hibuluma la 9:7

noko Sɛlɛvolɛ Kpanyinli ne ala yɛɛ kɔ ndanlɛ sua ne mɔɔ wɔ sua ne mgbɛnu ne mɔɔ tɔ zolɛ nwiɔ la anzi la anu a, yɛɛ ɔkɔ ɛkɛ ne ɛvolɛ ɛvolɛ. Ɔlɛkɔ ɛkɛ a ɔfa mogya ɔkɔbɔ azu ɔmaa Nyamenle wɔ ɔdaye Sɛlɛvolɛ Kpanyinli ne nee menli kɔsɔɔti bɛ ɛtane mɔɔ bɛyɛ la ati.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.