Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Dw 5:20 - BAEBOLO ANZƐƐ BULUKU NWUANZANWUANZA

20 Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

အခန်းကိုကြည့်ပါ။ ကော်ပီ




1 Dw 5:20
53 ပူးပေါင်းရင်းမြစ်များ  

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.


Ɔluakɛ ɛ hu a le wɔ Bɔvolɛ ne, ye duma a le Tumivolɛ Ɛdɛnkɛma; Yizilayɛ Nwuanzanwuanza Ko ne a le wɔ Kpɔnevolɛ ne, bɛfɛlɛ ye ewiade amuala Nyamenle.


Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”


Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.


Wɔ ye mekɛ zo, Dwudama banyia bɛ ti na Yizilayɛma anwo adɔ bɛ. Duma mɔɔ bɛbava bɛavɛlɛ ye la a le, ‘Ɛdɛnkɛma le tenlenenli.’


Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.


ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.


Akee ɔbukele bɛ adwenle ɔmanle bɛdele Nyamenle Edwɛkɛ ne abo,


Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.


Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.


Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.


Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”


Gyisɛse buale ye kɛ, “Felepe, yemɔti mekɛ tendenle ye mɔɔ me nee bɛ muala ɛdɛnla la bɛnze me? Awie mɔɔ ɛnwu me la ɛnwu Selɛ ne. Duzu ati a akee ɛbiza me kɛ, ‘Kile yɛ Selɛ ne ɛ?’


Bɛhɔ zolɛ bɛdɛnla me nu, na medame mendɛnla bɛ nu. Baka ɛhane ngome ɛngola ɛnzo ma; saa ɔwɔ vanye baka ne anwo a yɛɛ ɔso ma a. Zɔhane ala yɛɛ bɛdabɛ noko bɛnrɛhola bɛnrɛyɛ Nyamenle ɛhulolɛdeɛ ne a, kyesɛ bɛmeta me nwo kɛ baka ngane la.


Meha wɔ nrɛlaleɛ ne mehile bɛ, yemɔti ɛtane ewiade ɛhye kpɔ bɛ, ɔboalekɛ bɛnle ɛtane ewiade ye ɛdeɛ, kɛmɔ menle ɛtane ewiade ye ɛdeɛ la.


Pɛlepɛlelilɛ Egya! Ɛtane ewiade ye ɛnze wɔ, na mame meze wɔ, yɛɛ ɛhye mɔ ze kɛ ɛdawɔ a ɛzoanle me a.


Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.


Tɔmase buale kɛ, “Me Awulae nee me Nyamenle!”


Gyisɛse zele bɛ kɛ, “Saa amgba bɛ ze a le Nyamenle a, anrɛɛ bɛkulo me, ɔboalekɛ mevi Nyamenle anwo lɔ a membale a. Meamba me ti anwo adenle. Ɔdaye a ɔzoanle me a.


Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.


Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.


Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.


Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.


Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.


amaa bɛahola bɛ nee Nyamenle menli ne anyia anwosesebɛ ade kɛ Kelaese ɛhulolɛ ne tɛtɛlɛ nee ye tendenle, ye anwumahɔlɛ nee ye kuma si de la abo.


na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.


Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu


yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.


Wɔ Ralɛ ne anwo, Nyamenle hanle kɛ, “O Nyamenle, wɔ belemgbunlililɛ ɛnrɛbɔ aze ɛlɛ! Ɛfa nɔhalɛlilɛ a ɛsie wɔ menli mɔɔ ɛnea bɛ nwo zo la a.


Awie biala mɔɔ ɛnlie Ralɛ ne ɛndo nu la ɛnlie Selɛ ne ɛndo nu, na awie biala mɔɔ die Ralɛ ne to nu la, ɛlie Selɛ ne noko ɛdo nu.


Zɔhane ati, bɛmaa mɔɔ mɔlebɛbo ne bɛdele la ɛdɛnla bɛ nu. Saa bɛmaa mɔɔ mɔlebɛbo ne bɛdele la tɛnla bɛ nu a, bɛ nee Ralɛ ne nee Selɛ ne kɛbɔ nu kɛdɛnla.


Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.


Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.


Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.


Debie mɔɔ kɛmaa bɛkɛhola bɛkɛnwu kɛ sunsum ne vi Nyamenle ɛkɛ ne la a le ɛhye: sunsum biala mɔɔ ka to gua kɛ Gyisɛse Kelaese rale kɛ sonla la le Nyamenle Sunsum,


Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.


Na kɛmɔ yɛze kɛ yɛbiza ye debie a ɔtie yɛ la ati, eza yɛze kɛ yɛ sa ka mɔɔ yɛbiza yɛfi ye ɛkɛ ne la.


Yɛze kɛ awie biala mɔɔ le Nyamenle ara la ɛnyɛ ɛtane, ɔluakɛ Nyamenle Ara ne fa ye sie gyɛlɛɛnye mɔɔ Abɔnsam ɛngola ɛnva ɔ sa ɛnga ye a.


Nwane a di ewiade ye anwo zo konim a? Yemɔ a le sonla ne mɔɔ die di kɛ Gyisɛse le Nyamenle Ara la.


Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.


Akee menwunle kɛ anwuma ɛbuke, na nrenya bie de ɛkpɔnwɔ fufule zo gyi ɛkɛ. Nrenya ne mɔɔ de ɛkpɔnwɔ fufule ne azo la bɛfɛlɛ ye Diedinli nee Nɔhavo; ɔfa pɛlepɛle a ɔbua ndɛne, ɔko konle a.


“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.


“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.


Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ