1 Dw 5:18 - BAEBOLO ANZƐƐ BULUKU NWUANZANWUANZA

¹⁸ Yɛze kɛ awie biala mɔɔ le Nyamenle ara la ɛnyɛ ɛtane, ɔluakɛ Nyamenle Ara ne fa ye sie gyɛlɛɛnye mɔɔ Abɔnsam ɛngola ɛnva ɔ sa ɛnga ye a.

1 Dw 5:18 ပူးပေါင်းရင်းမြစ်များ

Edwɛndolɛ Buluku ne 119:101

Metwe me nwo mefi munzule adenle biala anu, amaa meahola meali wɔ edwɛkɛ zo.

Edwɛndolɛ Buluku ne 119:3

bɛdabɛ mɔɔ bɛnyɛ ɛtane biala, na bɛdua ye ndenle ne mɔ anu la.

Edwɛndolɛ Buluku ne 17:4

Kɛmɔ ɛ nloa edwɛkɛ se la, mekpo kɛ menrɛli ɛtane, kɛmɔ menli ne bie mɔ yɛ la.

Edwɛndolɛ Buluku ne 18:23

Meanli fɔlɛ wɔ ɔ nyunlu, mendwenle me nwo menvile fɔlɛlilɛ nwo.

Edwɛndolɛ Buluku ne 39:1

Menganle kɛ, “Mebanlea me nwo boɛ, amaa meanva me nloa meanga ɛtane; mebazɔ me nloa, mekɛ mɔɔ amumuyɛma gyigyi me nyunlu la.”

Mrɛlɛbulɛ Buluku ne 4:23

Nea kɛ ɛsi ɛdwenle la boɛ, ɔluakɛ nuhua yɛɛ wɔ ngoane vi ba a.

Sɛlɛ 11:37

Saa bie funli tɔ ma mɔɔ bɛkɛlua la azo a, evinli ɛnga ye.

Edwɛkpa ne kɛmɔ Mateyu hɛlɛle la 5:37

Bɛmaa bɛ edwɛkɛ ɛyɛ ko, ‘ɛhɛe’ a ‘ɛhɛe’; ‘kyɛkyɛ’ a ‘kyɛkyɛ’. Edwɛkɛ ngakyile biala vi abɔnsam ɛkɛ ne a ba a.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Dw 1:13

mɔɔ bɛanlua nwonane nee mogya ngyehyɛlɛ zo a bɛwole bɛ na bɛarayɛ Nyamenle amra a, ɔluakɛ Nyamenle ɔdaye a ɔle bɛ ze a.

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

Dw 15:4

Bɛhɔ zolɛ bɛdɛnla me nu, na medame mendɛnla bɛ nu. Baka ɛhane ngome ɛngola ɛnzo ma; saa ɔwɔ vanye baka ne anwo a yɛɛ ɔso ma a. Zɔhane ala yɛɛ bɛdabɛ noko bɛnrɛhola bɛnrɛyɛ Nyamenle ɛhulolɛdeɛ ne a, kyesɛ bɛmeta me nwo kɛ baka ngane la.

Dw 15:7

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Dw 15:9

Mekulo bɛ kɛ mɔɔ Selɛ ne kulo me la; bɛdɛnla me ɛhulolɛ ne anu.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.

1 Dw 3:9

Awie biala mɔɔ le Nyamenle ara la ɛnyɛ ɛtane, ɔluakɛ Nyamenle su ne wɔ ye nu, na kɛmɔ ɔ Ze a le Nyamenle la, ɔngola ɔnyɛ ɛtane.

1 Dw 4:6

Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.

1 Dw 5:15

Na kɛmɔ yɛze kɛ yɛbiza ye debie a ɔtie yɛ la ati, eza yɛze kɛ yɛ sa ka mɔɔ yɛbiza yɛfi ye ɛkɛ ne la.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

1 Dw 5:21

Me mra ngakula, bɛhwe bɛ nwo bɛvi awozonle ɛzonlenlɛ nwo.

1 Dw 5:4

ɔluakɛ Nyamenle ara biala di ewiade anwo zo konim. Yɛ diedi mɔɔ yɛlɛ ye wɔ Nyamenle anu la azo yɛɛ yɛdua yɛdi ewiade anwo zo konim a.

Dwuudu Kɛlata ne 1:21

bɛzie bɛ nwo wɔ Nyamenle ɛhulolɛ ne anu bɛhendɛ ngoane ne mɔɔ ɛnlɛ awieleɛ, mɔɔ anwunvɔnezelɛ nu ala Awulae Gyisɛse Kelaese bava amaa bɛ la.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.