1 Dw 5:13 - BAEBOLO ANZƐƐ BULUKU NWUANZANWUANZA

¹³ Melɛkɛlɛ ɛhye mearɛlɛ bɛ amaa bɛanwu kɛ bɛdabɛ mɔɔ bɛdie Nyamenle Ara ne bɛdi la bɛlɛ ngoane mɔɔ ɛnlɛ awieleɛ la.

1 Dw 5:13 ပူးပေါင်းရင်းမြစ်များ

Dw 1:12

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra,

Dw 2:23

Akpabɛnwo Ɛvoyia ne anu ɛnee Gyisɛse wɔ Gyɛlusalɛm, na bɛdabɛ dɔɔnwo mɔɔ bɛnwunle gyima mgbole mɔɔ ɔlile la liele ye lile.

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Dw 21:24

Ɛdoavolɛ zɔhane a le ɛdoavolɛ ne mɔɔ ɛlɛka edwɛkɛ ɛhye mɔ la, yemɔ noko ala a eza hɛlɛle a, na yɛze kɛ mɔɔ yeha la le nɔhalɛ.

Dw 3:18

Mɔɔ kɛlie Ralɛ ne kɛli la bɛnrɛbua ye ndɛne, na mɔɔ anlie ye anli la, bɛbua ye ndɛne dɛbadɛba, ɔboalekɛ yeanlie Nyamenle Ara kokye ne yeanli.

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Ɛzoanvolɛma Gyima ne 3:16

Gyisɛse ɛhye duma nu nee ye tumi zo nee diedi wɔ ye duma ne anu yɛɛ nrenya ɛhye ɛnɛ gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

2 Kɔl 5:1

Yɛze kɛ saa bɛgolo yɛ nwonane sua ye mɔɔ yɛde nu la bɛgua aze kɛ ndanlɛ sua wɔ ewiade ye anu a, Nyamenle bamaa yɛ sua mɔɔ bɛanva ɛsalɛ bɛanzi, na ɔwɔ ɛkɛ ne dahuu la wɔ anwuma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

1 Dw 1:4

Yɛlɛkɛlɛ ɛhye mɔ amaa yɛ anyelielɛ ne ali munli.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

1 Dw 2:21

Tɛ kɛ asɛɛ bɛnze nɔhalɛ ne la ati a melɛkɛlɛ bɛ a. Melɛkɛlɛ bɛ, ɔboalekɛ bɛze nɔhalɛ ne la ati ɔ, yɛɛ bɛze noko kɛ adalɛ biala vi nɔhalɛ ne anu ɛnvinde.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

1 Dw 2:26

Melɛkɛlɛ bɛ ɛhye wɔ bɛdabɛ mɔɔ bɛlɛbɔ mɔdenle bɛabɛlɛbɛla bɛ la anwo.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.

1 Dw 4:9

Kɛ Nyamenle zile hilele kɛ ɔkulo yɛ la ɛne: ɔzoanle ɔ Ra kokye ne wɔ ewiade ye anu, amaa ɔlua ɔ nwo zo yɛanyia ngoane.

1 Dw 5:10

Zɔhane ati awie biala mɔɔ die Nyamenle Ara ne di la lɛ daselɛlilɛ ne wɔ ye nu. Awie biala mɔɔ ɛnlie Nyamenle ɛnli la ɛmaa Nyamenle ɛbɔ adalɛ, ɔluakɛ yeanlie daselɛ ne mɔɔ Nyamenle ɛli ye wɔ ɔ Ra ne anwo la yeanli.

1 Dw 5:11

Daselɛlilɛ ne a le ɛhye: Nyamenle ɛlua ɔ Ra ne anwo zo ɛmaa yɛ ngoane mɔɔ ɛnlɛ awieleɛ la.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.