1 Dw 4:9 - BAEBOLO ANZƐƐ BULUKU NWUANZANWUANZA

⁹ Kɛ Nyamenle zile hilele kɛ ɔkulo yɛ la ɛne: ɔzoanle ɔ Ra kokye ne wɔ ewiade ye anu, amaa ɔlua ɔ nwo zo yɛanyia ngoane.

1 Dw 4:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:2

Ɔzele ye kɛ, “Fa ɛ ra nrenya ne, ɛ ra kokye Ayezeke, mɔɔ la wɔ ahonle nwo la, na kɔ Molaya azɛlɛ zo kɔyela ye bɔ azu wɔ awoka ne mɔ ko mɔɔ mebahile wɔ la azo maa me.”

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Edwɛkpa ne kɛmɔ Maake hɛlɛle la 12:6

Akee ɔhale egyinli menle ne ara kokye ne mɔɔ ɔwɔ kɛ ɔsoa ye a. Na nzinlii ɔzoanle ye wɔ abunsama ne ɛkɛ, ɔse, ‘Medie medi kɛ bɛkɛli me ra ye eni.’

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Dw 10:10

Awule sonla biala ba kɛ ɔbawua, yeahu, na yeazɛkye mboane ne mɔ. Mera amaa bɛanyia ngoane, na bɛanyia ye molozo.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 3:18

Mɔɔ kɛlie Ralɛ ne kɛli la bɛnrɛbua ye ndɛne, na mɔɔ anlie ye anli la, bɛbua ye ndɛne dɛbadɛba, ɔboalekɛ yeanlie Nyamenle Ara kokye ne yeanli.

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Dw 6:29

Gyisɛse zele bɛ kɛ, “Gyima mɔɔ Nyamenle kpondɛ kɛ bɛyɛ la a le kɛ bɛkɛlie mɔɔ ɔzoanle ye la bɛkɛli.”

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Dw 6:57

Egya mɔɔ zoanle me la de aze, yɛɛ ɔdaye ɔ ti melɛ ngoane. Zɔhane ala yɛɛ mɔɔ kɛva me kɛli la, medame me ti ɔkɛnyia ngoane a.

Dw 8:29

Eza mɔɔ zoanle me la nee me lua. Ɔtɛgyakyile me, ɔluakɛ dahuu meyɛ mɔɔ ɔkpondɛ la.”

Dw 8:42

Gyisɛse zele bɛ kɛ, “Saa amgba bɛ ze a le Nyamenle a, anrɛɛ bɛkulo me, ɔboalekɛ mevi Nyamenle anwo lɔ a membale a. Meamba me ti anwo adenle. Ɔdaye a ɔzoanle me a.

Dw 9:3

Gyisɛse buale kɛ, “Ye anyenzinlira ne ɛnvane ɔdaye ye ɛtane anzɛɛ ye awovolɛ ɛtane mɔɔ bɛyɛ la anwo. Bɛwole ye anyenzinlira amaa menli anwu kɛ Nyamenle tumi ne ɛlɛyɛ gyima wɔ ye nu.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Kɛlata mɔɔ bɛhɛlɛle bɛhɔmanle Hibuluma la 1:5

Ɔluakɛ Nyamenle anga angile ye soanvolɛma ne mɔ bie kɛ, “Ɛle Me Ra; ɛnɛ a mewo wɔ a.” Nyamenle anga wɔ ye soanvolɛma ne bie anwo kɛ, “Mebayɛ ɛ Ze, na wɔayɛ me Ra.”

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

1 Dw 4:16

Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.

1 Dw 5:11

Daselɛlilɛ ne a le ɛhye: Nyamenle ɛlua ɔ Ra ne anwo zo ɛmaa yɛ ngoane mɔɔ ɛnlɛ awieleɛ la.

1 Dw 5:13

Melɛkɛlɛ ɛhye mearɛlɛ bɛ amaa bɛanwu kɛ bɛdabɛ mɔɔ bɛdie Nyamenle Ara ne bɛdi la bɛlɛ ngoane mɔɔ ɛnlɛ awieleɛ la.