1 Dw 4:7 - BAEBOLO ANZƐƐ BULUKU NWUANZANWUANZA

⁷ Ayi mɔ, bɛmaa yɛhulo yɛ nwo ngoko ngoko, ɔluakɛ ɛhulolɛ vi Nyamenle. Awie biala mɔɔ lɛ ɛhulolɛ la le Nyamenle ara na ɔze Nyamenle.

1 Dw 4:7 ပူးပေါင်းရင်းမြစ်များ

Dw 13:34

Memaa bɛ mɛla fofolɛ: Bɛhulo bɛ nwo ngoko ngoko. Kɛ mezi mehulo bɛ la, zɔhane ala yɛɛ bɛhulo bɛ nwo ngoko ngoko a.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

1 Kɔl 8:3

Awie mɔɔ kulo Nyamenle la, Nyamenle ze ye.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

2 Tem 1:7

Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Dw 2:10

Awie biala mɔɔ kulo ɔ diema la de wienyi ne anu, yɛɛ debie biala ɛnle ye nu mɔɔ kɛmaa awie kɛdu koti a.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 2:3

Saa yɛdi ye mɛla ne mɔ azo a, ɛnee amgba yɛze ye.

1 Dw 2:4

Saa awie ka kɛ, “Meze Nyamenle” na ɔnli Nyamenle mɛla ne mɔ azo a, ɛnee ɔle adalɛ, yɛɛ nɔhalɛ biala ɛnle ye nu.

1 Dw 2:7

Ayi mɔ, mengɛlɛ mɛla fofolɛ biala membɛlɛ bɛ; dɛba ko ne ala mɔɔ mɔlebɛbo ne bɛnyianle ye la a melɛ melɛbɛlɛ bɛ a. Mɛla dɛba ne a le nrɛlaleɛ ne mɔɔ bɛde ye dɛba la.

1 Dw 3:9

Awie biala mɔɔ le Nyamenle ara la ɛnyɛ ɛtane, ɔluakɛ Nyamenle su ne wɔ ye nu, na kɛmɔ ɔ Ze a le Nyamenle la, ɔngola ɔnyɛ ɛtane.

1 Dw 4:11

Ayi mɔ, saa Nyamenle ɛhulo yɛ ɛhulolɛ zɛhae a, ɛnee ɔwɔ kɛ yɛdayɛ noko yɛkulo yɛ nwo ngoko ngoko.

1 Dw 4:12

Awie biala ɛtɛnwunle Nyamenle ɛlɛ, na saa yɛkulo yɛ nwo ngoko ngoko a, ɛnee Nyamenle de yɛ nu, na ye ɛhulolɛ ne ɛli munli wɔ yɛ nu.

1 Dw 4:16

Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.

1 Dw 4:8

Awie biala mɔɔ ɛnlɛ ɛhulolɛ la ɛnze Nyamenle, ɔluakɛ Nyamenle le ɛhulolɛ.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.

2 Dw 1:5

Yemɔti, Raalɛkpa, mesɛlɛ wɔ, mɔɔ meka meahile wɔ la a le kɛ bɛmaa yɛ muala yɛhulo yɛ nwo ngoko ngoko. Mengɛlɛ mɛla fofolɛ membɛlɛ bɛ, kɛ mɛla dɛba ne mɔɔ mɔlebɛbo ne yɛ sa hanle ye la ala.