1 Dw 4:6 - BAEBOLO ANZƐƐ BULUKU NWUANZANWUANZA

⁶ Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.

1 Dw 4:6 ပူးပေါင်းရင်းမြစ်များ

2 Edk 18:21

Na ɔbuale kɛ, ‘Mekɔ na meamaa ye Nyamenle kpɔmanvolɛma ne mɔ amuala abɔ adalɛ.’ Na Ɛdɛnkɛma zele ye kɛ, ‘Kɔbɛlɛbɛla ye na ɛ sa baha ye; kɔ na kɔyɛ ye zɔhane.’

Ayezaya Buluku ne 29:10

Ɔluakɛ Ɛdɛnkɛma ɛva nafelɛ sunsum ɛwula bɛ na bɛbalafe botoo, na bɛmɛ Nyamenle kpɔmanvolɛma, yeheda bɛ nye, yɛɛ yeheda ɛnyelɛzodeɛnwunlɛma ati zo.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Hozia Buluku ne 4:12

Bɛkɔ baka dosinli nwo abisa yɛɛ bɛdabɛ bɛ kpɔma bɔbɔ bɔ bɛ munzule. Ɔluakɛ tuutuulilɛ sunsum ɛva bɛ ɛminli, ɛmaa bɛgyakyi bɛ Nyamenle ne ɛzonlenlɛ na bɛlɛdi awozonlezonlenlɛ nu tuutuu. Bɛbɔ azu wɔ awoka mgbole zo na bɛfa bɛ azubɔdeɛ bɛkɔ awoka ngyikyi ne mɔ azo, yɛɛ

Maeka Buluku ne 2:11

Saa awie duolua nuhua aheha mgbane mgbane, abɔ adalɛ kɛ, “Mebabɔ nwanye nee nza ɛsesebɛ nwo nolo meahile bɛ” a, anrɛɛ yemɔ a ɔkɛyɛ nolobɔvo kpalɛ ɔkɛmaa menli ɛhye mɔ a.

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Edwɛkpa ne kɛmɔ Luku hɛlɛle la 10:22

“Egya ɛva ninyɛne kɔsɔɔti ɛwula me sa nu. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.”

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 10:3

Anlenkɛ sinzavolɛ ne tukue ye anlenkɛ ne; mboane ne mɔ te ɔ ne, ɔfa boane ko biala duma ɔfɛlɛ ye na ɔfa bɛ ɔfinde ɔkɔ adidi.

Dw 13:20

Meka nɔhalɛ ne meahile bɛ: Awie mɔɔ kɛlie awie biala mɔɔ menwɔzoa ye la ɛlie medame noko, yɛɛ mɔɔ kɛlie me la ɛlie ahenle mɔɔ zoanle me la.”

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 15:26

“Boavolɛ ne mɔɔ le Sunsum ne, mɔɔ ye nɔhalɛ ne mɔɔ fane Nyamenle anwo la finde, na ɔvi Selɛ ne ɛkɛ ne la bara. Mebazoa ye wɔ bɛ nwo meamaa ɔvi Selɛ ne ɛkɛ yearaha me nwo edwɛkɛ yeahile bɛ.

Dw 16:13

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Dw 18:37

Paelɛte zele ye kɛ, “Se ɛnee ɛle belemgbunli o!” Gyisɛse buale ye kɛ, “Ɛdawɔ ɛse mele belemgbunli. Na ɛhye ala ati yɛɛ bɛwole me bɛmanle membale ewiade ye anu a, kɛ membanli nɔhalɛ ne anwo daselɛ. Mɔɔ le nɔhalɛ ne ɛdeɛ la tie mɔɔ meka la.”

Dw 20:21

Na Gyisɛse zele bɛ bieko kɛ, “Anzonudwolɛ ɛha bɛ. Kɛmɔ Selɛ ne zoanle me la, zɔhane ala yɛɛ medame noko mesoa bɛ a.”

Dw 8:19

Bɛbizale ye kɛ, “Ɛ ze ne wɔ nienwu?” Gyisɛse buale bɛ kɛ, “Bɛnze me, yemɔti bɛnze Egya. Saa bɛze me a anrɛɛ bɛze Egya noko.”

Dw 8:23

Gyisɛse buale kɛ, “Bɛmɛ bɛvi azɛlɛ ye azo, na mame mevi anwuma. Bɛvi ewiade ɛhye anu, na mame menvi ewiade ye anu.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 11:8

Nyamenle Edwɛkɛ ne se, “Nyamenle manle bɛsolole ɔmanle ɛnɛ nee ɛnɛ ala bɛ nye ɛnnwu debie, yɛɛ bɛ nzo ɛnde edwɛkɛ.”

1 Kɔl 14:37

Saa bɛ nuhua bie bu ɔ nwo kɛ ɔle Nyamenle kpɔmanvolɛ, anzɛɛ ɔlɛ sunsum nu ahyɛlɛdeɛ a ɛnee ɔlie ɔdo nu kɛ mɔɔ melɛkɛlɛ la vi Awulae ɛkɛ.

2 Kɔl 10:7

Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

1 Tem 4:1

Nyamenle Sunsum ne ka ye wienyi kɛ menli ne bie mɔ bakpo bɛ diedi ne kenle bie; bɛbadie sunsum adalɛma edwɛkɛ na bɛali mbɔnsam ngilehilelɛ ne mɔ azo.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

1 Dw 4:8

Awie biala mɔɔ ɛnlɛ ɛhulolɛ la ɛnze Nyamenle, ɔluakɛ Nyamenle le ɛhulolɛ.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

Dwuudu Kɛlata ne 1:17

Na me mediema, bɛhakye mɔɔ yɛ Awulae Gyisɛse Kelaese ɛzoanvolɛma ne hanle hilele bɛ la.