1 Dw 4:21 - BAEBOLO ANZƐƐ BULUKU NWUANZANWUANZA

²¹ Mɛla ne mɔɔ Kelaese manle yɛ la kɛ se la ɛne: ɔwɔ kɛ sonla mɔɔ kulo Nyamenle la kulo ɔ diema noko.

1 Dw 4:21 ပူးပေါင်းရင်းမြစ်များ

Sɛlɛ 19:18

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Edwɛkpa ne kɛmɔ Mateyu hɛlɛle la 5:43

“Bɛde kɛ bɛhanle kɛ, ‘Kulo ɛ gɔnwo mɔ na kpɔ wɔ kpɔvolɛma.’

Edwɛkpa ne kɛmɔ Luku hɛlɛle la 10:37

Mɛla kilehilevolɛ ne buale kɛ, “Sonla ne mɔɔ hilele ahunlunyele manle ye la ɔ.” Gyisɛse zele kɛ, “Ɛdawɔ noko kɔ na kɔyɛ zɔhane ala.”

Dw 15:12

Me mɛla ne a le ɛhye: Bɛhulo bɛ nwo ngoko ngoko, kɛmɔ mehulo bɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:14

Ɔluakɛ mɛla ne amuala, bɛbɔ ye kpɔkɛ ko bɛmaa yɛ kɛ, “Kulo ɛ gɔnwo kɛ ɛdawɔ mumua ne ɛ nwo.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

1 Tɛs 4:9

Ɔngyia kɛ awie kɛhɛlɛ bɛ kɛ anrɛɛ bɛhulo bɛ gɔnwo mɔ diedima, ɔluakɛ Nyamenle ɔdaye yehilehile bɛ kɛ bɛzi bɛhulo bɛ nwo ngoko la.

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

1 Dw 2:7

Ayi mɔ, mengɛlɛ mɛla fofolɛ biala membɛlɛ bɛ; dɛba ko ne ala mɔɔ mɔlebɛbo ne bɛnyianle ye la a melɛ melɛbɛlɛ bɛ a. Mɛla dɛba ne a le nrɛlaleɛ ne mɔɔ bɛde ye dɛba la.

1 Dw 3:11

Nrɛlaleɛ mɔɔ mɔlebɛbo ne ala bɛdele la a le ɛhye: ɔwɔ kɛ yɛkulo yɛ nwo ngoko ngoko.

1 Dw 3:14

Yɛze kɛ yɛvi ewule nu yɛra ngoane nu; yɛze ɛhye, ɔluakɛ yɛkulo yɛ mediema ne mɔ. Awie biala mɔɔ ɛnlɛ ɛhulolɛ la de ewule nu.

1 Dw 3:18

Me mra ngakula, bɛmmamaa yɛfa edwɛkɛ ɛhanlɛ anzɛɛ yɛ nloa mgbane yɛkulo menli; ɔwɔ kɛ ɔyɛ nɔhalɛ ɛhulolɛ kpalɛ, na eza ɔfinde yɛ nyɛleɛ nu.

1 Dw 3:23

Ye mɛla ne a le kɛ yɛlie ɔ Ra Gyisɛse Kelaese yɛli na yɛhulo yɛ nwo ngoko ngoko, kɛmɔ Kelaese ɔdaye ɔzele yɛ la.

1 Dw 4:11

Ayi mɔ, saa Nyamenle ɛhulo yɛ ɛhulolɛ zɛhae a, ɛnee ɔwɔ kɛ yɛdayɛ noko yɛkulo yɛ nwo ngoko ngoko.