1 Dw 4:2 - BAEBOLO ANZƐƐ BULUKU NWUANZANWUANZA

² Debie mɔɔ kɛmaa bɛkɛhola bɛkɛnwu kɛ sunsum ne vi Nyamenle ɛkɛ ne la a le ɛhye: sunsum biala mɔɔ ka to gua kɛ Gyisɛse Kelaese rale kɛ sonla la le Nyamenle Sunsum,

1 Dw 4:2 ပူးပေါင်းရင်းမြစ်များ

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

1 Kɔl 12:3

Zɔhane ati ɔwɔ kɛ bɛnwu ye wienyi kɛ awie biala mɔɔ Nyamenle Sunsum ne wɔ ye nu la ɛngola ɛnga kɛ “Munzule ɛha Gyisɛse!” Yɛɛ awie biala noko ɛngola ɛnga kɛ “Gyisɛse le Awulae”, kyesɛ Sunsum Nwuanzanwuanza ne de ye nu.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

1 Dw 1:2

Ngoane Edwɛkɛ ɛhye lale ɔ nwo ali na yɛnwunle ye; zɔhane ati yɛdi nwolɛ daselɛ na yɛka ngoane ne mɔɔ ɛnlɛ awieleɛ mɔɔ nee Selɛ ne a wɔ ɛkɛ na ɔyele ɔhilele yɛ la anwo edwɛkɛ.

1 Dw 2:23

Awie biala mɔɔ ɛnlie Ralɛ ne ɛndo nu la ɛnlie Selɛ ne ɛndo nu, na awie biala mɔɔ die Ralɛ ne to nu la, ɛlie Selɛ ne noko ɛdo nu.

1 Dw 4:15

Awie biala mɔɔ ka to gua kɛ Gyisɛse a le Nyamenle ara ne la, Nyamenle nee ye de, yɛɛ ɔdaye noko ɔ nee Nyamenle de.

1 Dw 4:3

yɛɛ sunsum biala mɔɔ ɛnlie Gyisɛse ɛndo nu la ɛnle Nyamenle Sunsum. Sunsum ɛhye le Kelaese Kpɔvolɛ ne sunsum ne mɔɔ bɛdele kɛ ɔbara, na kɛkala ɔwɔ ewiade ye anu dɛbadɛba la.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.