1 Dw 4:12 - BAEBOLO ANZƐƐ BULUKU NWUANZANWUANZA

¹² Awie biala ɛtɛnwunle Nyamenle ɛlɛ, na saa yɛkulo yɛ nwo ngoko ngoko a, ɛnee Nyamenle de yɛ nu, na ye ɛhulolɛ ne ɛli munli wɔ yɛ nu.

1 Dw 4:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:30

Gyekɔbo hanle kɛ, “Me nee Nyamenle yɛ nye ɛyɛ nna, noko metɛte ngoane nu.” Yemɔti ɔvɛlɛle ɛkɛ ne Pɛneɛle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:20

Noko akee ɛnrɛnwu me nyunlu, ɔluakɛ awie biala ɛnrɛnwu me nyunlu na ɔnrɛdɛnla ngoane nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:8

Yemɔti meye me nwo ali me nee ye yɛ mu nwiɔ yɛtendɛ bɔkɔɔ mɔɔ mendo ye agyiba biala a. Yenwu medame Ɛdɛnkɛma me sɔhovolɛ bɔbɔ. Duzu ati bɔbɔ yɛɛ ɔwɔ kɛ bɛtendɛ bɛtia me sonvolɛ Mosisi a?”

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

1 Kɔl 13:13

Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

Kɛlata mɔɔ bɛhɛlɛle bɛhɔmanle Hibuluma la 11:27

Diedi zo yɛɛ ɔlua mɔɔ Mosisi anzulo belemgbunli ne ɛya mɔɔ ɔkɛva la na ɔdule ɔvile Yigyibiti a. Yeanzia ɔ nzi, ɔgyinlanle kpundii kɛ sonla mɔɔ ɛnwu Nyamenle ne mɔɔ bɛnnwu ye la.

1 Dw 2:5

Sonla mɔɔ di Nyamenle edwɛkɛ ne azo la, yemɔ a le sonla ne mɔɔ Nyamenle ɛhulolɛ ne di munli wɔ ye nu la. Adenle ɛhye azo a yɛdua yɛnwu ye kpalɛ kɛ yɛ nee Nyamenle le agɔnwolɛ a.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

1 Dw 4:16

Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.

1 Dw 4:6

Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.