1 Dw 3:4 - BAEBOLO ANZƐƐ BULUKU NWUANZANWUANZA

⁴ Awie biala mɔɔ yɛ ɛtane la di fɔlɛ kɛ ɔto Nyamenle mɛla ne, ɔluakɛ ɛtane le mɛladonlɛ.

1 Dw 3:4 ပူးပေါင်းရင်းမြစ်များ

1 Arl 8:47

na bɛnu bɛ nwo wɔ maanle zɔhane anu bɛse kɛ, ‘Ɛdɛnkɛma, yɛvo wɔ, yɛyɛ ninyɛne mɔɔ ɛnfɛta la yɛtia wɔ’ a, tie bɛ nzɛlɛlɛ.

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

2 Edk 24:20

Na Nyamenle Sunsum ne dwule sɛlɛvolɛ Gyɛhɔyada ara Zɛkalaya anwo zo; ɔhɔgyinlanle ɛleka mɔɔ awie biala nwu ye la, na ɔzele bɛ kɛ, “Nyamenle se, ‘Duzu ati a bɛtietia Ɛdɛnkɛma Mɛla ne mɔ azo na bɛhwe munzule bɛmaa bɛ nwo ɛ? Kɛmɔ bɛkpo Ɛdɛnkɛma la, ɔdaye noko yekpo bɛ.’ ”

Ayezaya Buluku ne 53:8

Nzisilɛ nu, bɛbuale ye ewule fɔlɛ na bɛ nee ye hɔle; awolɛndoazo zɔhane amra, biala andwenle nwo kɛ bɛlɛye ye bɛavi anyewɔzoma azɛlɛ zo, bɛhunle ye wɔ me menli ne mɛladonlɛ ti.

Daneɛle Buluku ne 9:11

Yizilayɛma kɔsɔɔti ɛdo wɔ mɛla ne, bɛhakyi bɛ nzi bɛzi wɔ, na bɛkpo kɛ bɛnrɛdie ɛ ne. Ɔlua zolɛ munzule ne nee ndane ne mɔ mɔɔ bɛhɛlɛ wɔ wɔ sonvolɛ Mosisi Mɛla ne anu la ɛha yɛ, ɔboalekɛ yɛyɛ ɛtane yɛtia wɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:31

Ɔboalekɛ yebulu Ɛdɛnkɛma edwɛkɛ zo na yedo ye mɛla ne. Ɔwɔ kɛ bɛku sonla zɔhane, yɛɛ ɔdaye ye munzule zo ye.”

Edwɛkpa ne kɛmɔ Mateyu hɛlɛle la 5:19

Awie biala mɔɔ kɛbu ɔ nye kɛgua mɛla ɛhye mɔ biala anu nretee ko azo na ɔkɛhilehile awie mɔ zɔhane la kɛyɛ ekyi wɔ Anwuma Belemgbunlililɛ nu.

Ɛzoanvolɛma Gyima ne 23:3

Pɔɔlo zele ye kɛ, “Ɛ kunlu le bile, Nyamenle babɔ wɔ bie adua, kɛ ɛde ɛkɛ ne kɛ ɛfa mɛla wɔali me edwɛkɛ, noko wɔbulu mɛla ne azo ɛse bɛbɔ me la.”

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 4:15

Mɛla ne azo ɛlilɛ bɔbɔ, yɛka Nyamenle ɛya; na ɛleka noko mɔɔ mɛla ɛnle la, menli ɛndo mɛla.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

Gyemise Kɛlata ne 5:15

Saa bɛfa diedi bɛyɛ nzɛlɛlɛ ɛhye a, wuleravolɛ ne anwo baza; Awulae badwazo ye, na saa yeyɛ ɛtane a yeava ye ɛtane yeahyɛ ye.

1 Dw 5:17

Nyɛleɛ biala mɔɔ tɔ sinli la le ɛtane, na tɛ ɛtane ne mɔ amuala a wie ewule a.

1 Sam 15:24

Sɔɔlo zele kɛ, “Meyɛ ɛtane, ɔluakɛ mebulu Ɛdɛnkɛma mɛla ne azo yɛɛ meandie ɛ ne, ɔboalekɛ menzulole menli ne na mendiele bɛmɛ.