1 Dw 3:24 - BAEBOLO ANZƐƐ BULUKU NWUANZANWUANZA

²⁴ Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

1 Dw 3:24 ပူးပေါင်းရင်းမြစ်များ

Dw 10:38

Na saa meyɛ Selɛ ne gyima ne na bɛnlie me bɛnli bɔbɔ a, bɛlie me gyima ne bɛdo nu, amaa bɛanwu ye wienyi kɛ Egya de me nu yɛɛ medame mede Egya nu.”

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

2 Tem 1:14

Sɔ nɔhalɛ ne mɔɔ ɔlua Sunsum Nwuanzanwuanza ne mɔɔ wɔ yɛ nu la tumi zo bɛva bɛwula ɛ sa nu la anu boɛ.

1 Dw 2:24

Zɔhane ati, bɛmaa mɔɔ mɔlebɛbo ne bɛdele la ɛdɛnla bɛ nu. Saa bɛmaa mɔɔ mɔlebɛbo ne bɛdele la tɛnla bɛ nu a, bɛ nee Ralɛ ne nee Selɛ ne kɛbɔ nu kɛdɛnla.

1 Dw 2:3

Saa yɛdi ye mɛla ne mɔ azo a, ɛnee amgba yɛze ye.

1 Dw 2:5

Sonla mɔɔ di Nyamenle edwɛkɛ ne azo la, yemɔ a le sonla ne mɔɔ Nyamenle ɛhulolɛ ne di munli wɔ ye nu la. Adenle ɛhye azo a yɛdua yɛnwu ye kpalɛ kɛ yɛ nee Nyamenle le agɔnwolɛ a.

1 Dw 2:6

Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.

1 Dw 3:22

Debie biala mɔɔ yɛkɛbiza ye la, yɛ sa ka ye, ɔluakɛ yɛdi ye mɛla ne mɔ azo na yɛyɛ mɔɔ sɔ ɔ nye la.

1 Dw 4:7

Ayi mɔ, bɛmaa yɛhulo yɛ nwo ngoko ngoko, ɔluakɛ ɛhulolɛ vi Nyamenle. Awie biala mɔɔ lɛ ɛhulolɛ la le Nyamenle ara na ɔze Nyamenle.