1 Dw 3:17 - BAEBOLO ANZƐƐ BULUKU NWUANZANWUANZA

¹⁷ Saa awie mɔɔ lɛ ewiade ye anu ninyɛne la nwu ɔ diema mɔɔ ɛhyia, na ɔye ɔ nye ɔto ɛbɔ nu a, ɛnee kɛ ɔsi ɔka kɛ ɔkulo Nyamenle ɛ?

1 Dw 3:17 ပူးပေါင်းရင်းမြစ်များ

Mrɛlɛbulɛ Buluku ne 12:10

Sonla tenlene biala dwenle ye nyɛmoa nwo, na amumuyɛnli anwunvɔnezelɛ le atisesebɛyɛlɛ.

Mrɛlɛbulɛ Buluku ne 14:31

Mɔɔ sisi ehyianli la tindi ye Bɔvolɛ ne anyunlu, na mɔɔ nwu mɔɔ ɛhyia la anwunvɔne la di ye Bɔvolɛ ne eni.

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Mrɛlɛbulɛ Buluku ne 21:13

Sonla mɔɔ ehyianvolɛma su fɛlɛ ye a ɔtuodua ɔ nzo la, kenle bie ɔdaye ɔbazu na awie ɛnrɛdɛne ye zo.

Mrɛlɛbulɛ Buluku ne 28:9

Saa sonla tuodua ɔ nzo kɛ ɔnrɛdie mɛla ne a, ye nzɛlɛlɛ bɔbɔ le kyibadeɛ.

Edwɛkpa ne kɛmɔ Luku hɛlɛle la 3:11

Dwɔn buale bɛ kɛ, “Bɛmaa mɔɔ lɛ ndanlɛ nwiɔ la ɛva ko ɛmaa mɔɔ ɛnlɛ bie la, na mɔɔ lɛ aleɛ la nee ɔ gɔnwo mɔ ɛli.”

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Gyemise Kɛlata ne 2:15

Saa adiema nrenya bie anzɛɛ adiema raalɛ bie ɛnlɛ ɛdanlɛ ɛngeda yɛɛ ɔhyia aleɛ nwo,

Gyemise Kɛlata ne 2:16

na ɛse ye kɛ, “Nyamenle ɛyila wɔ. Ɛ nwo ɛyɛ wɔ wuluwulu na di aleɛ maa ɛ ko ɛyi” na saa wɔammaa ye ninyɛne mɔɔ hyia maa ngoane la a ɛnee duzu nvasoɛ a wɔ mɔɔ ɛka la azo a?

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.