1 Dw 3:15 - BAEBOLO ANZƐƐ BULUKU NWUANZANWUANZA

¹⁵ Awie biala mɔɔ kpɔ ɔ diema la le kɔdiawu, yɛɛ bɛdabɛ noko bɛze kɛ kɔdiawu biala ɛnlɛ ngoane mɔɔ ɛnlɛ awieleɛ la wɔ ye nu.

1 Dw 3:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:41

Yisɔ hyile Gyekɔbo wɔ nyilalɛ ne mɔɔ ɔ ze ɛva ɛyileyila ye la ati, na ɔhanle ye ɔ ti anu kɛ, “Ɔka ekyii na mekɛ mɔɔ yɛfa yɛazu egya la adwu, na yemɔ anzi mebahu me diema Gyekɔbo.”

Edwɛkpa ne kɛmɔ Mateyu hɛlɛle la 5:28

Noko mame, mese: saa nrenya nea raalɛ maa ɔ nwo dɔ ye a ɛnee yeva ye wɔ ye ahonle nu.

Edwɛkpa ne kɛmɔ Maake hɛlɛle la 6:19

Ɛhye ati Dwɔn anwo yɛle Hɛlɔdease ɛya kpole na ɔbɔle kpɔkɛ kɛ ɔnyia ye a ɔkɛhu ye, noko Hɛlɔdo ammaa ye adenle.

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Ɛzoanvolɛma Gyima ne 23:12

Aleɛ hyenle la, Dwuuma bie yɛle ko vale adwenle na bɛlile amonle kɛ saa bɛtɛkunle Pɔɔlo a bɛnrɛli aleɛ yɛɛ bɛnrɛnlo nzule.

Ɛzoanvolɛma Gyima ne 23:14

Na bɛhɔle Sɛlɛvolɛ Kpanyinli ne nee mgbanyima ne mɔ ɛkɛ, na bɛzele bɛ kɛ, “Yɛli amonle kɛ yɛnrɛli aleɛ yɛɛ yɛnrɛnlo nzule kyesɛ yɛku Pɔɔlo kolaa.

Mɛla 19:11

“Na saa awie kpɔ ɔ gɔnwo na ɔsia ye adenle nu, ɔboda ye kpole bie ɔmaa ɔwu, na ahenle mɔɔ hunle ye la nriandi kɔ ɛvealeka azuamgbole ɛhye mɔ biala azo a,

Gyemise Kɛlata ne 1:15

Saa ye munzule atiakunluwɔzo ne nrenzɛ a ɔwo ɛtane, yɛɛ ɛtane wie nyi a ɔwie ewule.

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Dw 2:11

Awie biala mɔɔ kpɔ ɔ diema la de awozinli ne anu, na kɛmɔ ɔlua awozinli ne anu la ati, ɔnnwu ɛleka holɛ ko mɔɔ ɔlɛkɔ la, ɔluakɛ awozinli ne ɛzi ɔ nye.

1 Dw 2:9

Awie biala mɔɔ se ɔde wienyi ne anu, noko ɔkpɔ ɔ diema la, tɛte awozinli nu.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”