1 Dw 3:12 - BAEBOLO ANZƐƐ BULUKU NWUANZANWUANZA

¹² Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

1 Dw 3:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:25

Adam nee ɔ ye wole ralɛ nrenya bieko. Ɔ ye hanle kɛ, “Nyamenle ɛmaa me ralɛ nrenya ɛmaa meva mezie Ebɛle, mɔɔ Keen hunle ye la abo zo.” Na ɔdonle ye Sɛte.

2 Sam 13:22

Abesalɛm ɛdeɛ, yeambuke ɔ nloa yeanga ɛhwee yeangile Amenɔn; ɔluakɛ ɛnee akee ɔkyi ye, ɔboalekɛ yeva anwosesebɛ yehye ɔ diema raalɛ ne mialera nu yeva ye.

Edwɛndolɛ Buluku ne 37:12

Amumuyɛnli pepɛ tenlenenli agyakɛ anzi, ɔkpɔ ye, na ɔbu ye anyehoanlɛ.

Edwɛndolɛ Buluku ne 38:20

Bɛdabɛ mɔɔ bɛfa ɛtane bɛtua me kpalɛyɛlɛ kakɛ la le me kpɔvolɛma, ɔboalekɛ medi kpalɛ nzi.

Mrɛlɛbulɛ Buluku ne 27:4

Ɛya ati yɛ se, yɛɛ ahyi yɛ ahyi, na nwane a kɛhola kɛgyinla nungule anyunlu a?

Mrɛlɛbulɛ Buluku ne 29:10

Menli mɔɔ ku menli mgbane mgbane la kyi sonla mɔɔ di pɛlepɛle la, na menli mɔɔ le tenlene la kpondɛ zɔhane sonla ne nee ngoane.

Mrɛlɛbulɛ Buluku ne 29:27

Sonla mɔɔ le tenlene la kyibadeɛ a le sonla mɔɔ ɛnli boɛ la, yɛɛ mɔɔ ye ɛbɛlabɔlɛ ne le fɔɔnwo la le kyibadeɛ maa amumuyɛnli.

Edwɛkpa ne kɛmɔ Mateyu hɛlɛle la 13:19

Saa awie te Belemgbunlililɛ ne anwo edwɛkɛ na yeande ɔ bo a, ɔle kɛ ma ne mɔɔ guale adenle ne anu la. Amumuyɛnli ne ba na ɔbaye mɔɔ bɛlua ye wɔ ye adwenle nu la ɔkɔ.

Edwɛkpa ne kɛmɔ Mateyu hɛlɛle la 13:38

ɛya ne a le ewiade; ma kpalɛ ne a le Belemgbunlililɛ ne amra; ndile ne a le Amumuyɛnli ne amra.

Edwɛkpa ne kɛmɔ Mateyu hɛlɛle la 23:35

Zɔhane ati, menli mɔɔ ɛnze nwolɛ bie mɔɔ bɛhu bɛ, ɛbɔ ye Ebulu anwo zo kɔkpula Bɛlakaya ara Zɛkalaya mɔɔ bɛhunle ye wɔ Ɛzonlenlɛ Sua ne nee azukponle ne avinli la anwo zo, bɛ kɔsɔɔti bɛ mogya ne anwo ndeanlɛ bagua bɛ ti zo.

Edwɛkpa ne kɛmɔ Mateyu hɛlɛle la 27:23

Paelɛte bizale bɛ kɛ, “Kɛmɔti ɛ, duzu ɛtane a yeyɛ a?” Na bɛdeɛdeanle nuhua kpole kɛ, “Bɔ ye meanubaka nu!”

Edwɛkpa ne kɛmɔ Mateyu hɛlɛle la 5:37

Bɛmaa bɛ edwɛkɛ ɛyɛ ko, ‘ɛhɛe’ a ‘ɛhɛe’; ‘kyɛkyɛ’ a ‘kyɛkyɛ’. Edwɛkɛ ngakyile biala vi abɔnsam ɛkɛ ne a ba a.

Edwɛkpa ne kɛmɔ Luku hɛlɛle la 11:51

ɔvi mekɛ mɔɔ bɛhunle Ebulu, bakpula Zɛkalaya, mɔɔ bɛhunle ye wɔ azukponle ne nee Ɛleka Nwuanzanwuanza ne avinli la anwo zo. Ɛhɛe, mese, bɛbadea adwuleso amra wɔ ɛhye mɔ amuala anwo.

Dw 10:32

Gyisɛse bizale bɛ kɛ, “Selɛ ne ɛmaa meli gyima kpalɛ dɔɔnwo memaa bɛ; na nuhua ne boni ati yɛɛ bɛkpondɛ kɛ bɛsi me nwolɛ awolɛ a?”

Dw 8:40

Mɔɔ meyɛ la amuala a le kɛ menwɔha nɔhalɛ ne mɔɔ mede mevi Nyamenle ɛkɛ ne la menwɔhile bɛ. Noko bɛkpondɛ me bɛahu me. Ebileham anyɛ ɛhye!

Dw 8:41

Bɛlɛyɛ mɔɔ bɛ ze kpalɛ ne yɛle la bie!” Bɛbuale ye kɛ, “Yɛnle arelazinli mralɛ; yɛ ze ala a le Nyamenle. Yɛle ɔ mra kpalɛ kpalɛ.”

Ɛzoanvolɛma Gyima ne 7:52

Nyamenle kpɔmanvolɛ ko bɔbɔ ɛnle ɛkɛ mɔɔ bɛ mgbanyima andwazo ɔ nwo zo a. Bɛhunle menli mɔɔ Nyamenle zoanle bɛ kɛ bɛrabɔ ye Sonvolɛ Nwuanzanwuanza ne anwo nolo la amuala, na eza bɛye ɔdaye mumua ne bɛmaa bɛhu ye.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

Kɛlata mɔɔ bɛhɛlɛle bɛhɔmanle Hibuluma la 11:4

Diedi yɛɛ manle Ebulu bɔle azu kpalɛ mɔɔ sɔ ɛnyelɛ la manle Nyamenle dɛlale Keen a. Ɔlua ye diedi ti Ebulu zɔle Nyamenle anye kɛ ɔle sonla tenlene, ɔluakɛ ye ahyɛlɛdeɛ ne zɔle ɔ nye. Ebulu ɛwu bɔbɔ ɛdeɛ, noko kɛkala ɔlua ye diedi zo ɔtendɛ ɔkile yɛ.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

1 Pit 4:4

Kɛkala ɔsi bɛdabɛ mɔɔ bɛnzonle Nyamenle la anwo kɛ saa ɛnɛ bɛbɔ ɛbɛla mgbane mgbane ɛhye mɔ a bɛmɛ Kelaese ɛdoavolɛma ɛmbamboka bɛ nwo a, na ɔlua zo bɛkeha bɛ nwo edwɛkɛ ɛtane ɛtane.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.