1 Dw 3:10 - BAEBOLO ANZƐƐ BULUKU NWUANZANWUANZA

¹⁰ Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.

1 Dw 3:10 ပူးပေါင်းရင်းမြစ်များ

2 Sam 13:22

Abesalɛm ɛdeɛ, yeambuke ɔ nloa yeanga ɛhwee yeangile Amenɔn; ɔluakɛ ɛnee akee ɔkyi ye, ɔboalekɛ yeva anwosesebɛ yehye ɔ diema raalɛ ne mialera nu yeva ye.

Edwɛkpa ne kɛmɔ Mateyu hɛlɛle la 13:38

ɛya ne a le ewiade; ma kpalɛ ne a le Belemgbunlililɛ ne amra; ndile ne a le Amumuyɛnli ne amra.

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Dw 1:12

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra,

Dw 11:52

yɛɛ tɛ Dwuuma angome bɔbɔ, na kɛ ɔkɛva Nyamenle amra mɔɔ ɛde ɛkponde ewiade amuala la kɔsɔɔti ɔkarabɔ nu ɔkɛyɛ bɛ menli ko.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Dw 8:47

Mɔɔ vi Nyamenle ɛkɛ ne la tie Nyamenle edwɛkɛ ne. Bɛmɛ, bɛnvi Nyamenle ɛkɛ, na ɛhye ati yɛɛ bɛduodua bɛ nzo kɛ bɛnrɛdie Nyamenle edwɛkɛ ne a.”

Ɛzoanvolɛma Gyima ne 13:10

na ɔzele ye kɛ, “Wɔmɔ Abɔnsam ara, ɛle debie kpalɛ biala kpɔvolɛ. Amumuyɛ ɛyi wɔ tɛkɛɛ, yɛɛ dahuu ɛbɔ adalɛ wɔ Awulae adenle kpalɛ ne anwo.

Wulo 13:8

Bɛmmadi awie biala anwo ɛzonle, ɛzonle mɔɔ yɛdi la a le kɛ yɛkɛhulo yɛ nwo ngoko ngoko. Mɔɔ kulo ɔ gɔnwo dasanli la ɛli Mosisi mɛla ne azo ɛwie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:1

Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la.

Kɔlɔ 3:14

Na bɛva ɛhulolɛ bɛboka ɛhye mɔ anwo, na yemɔ yɛɛ kɛmaa bɛkɛli munli a.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

1 Dw 4:21

Mɛla ne mɔɔ Kelaese manle yɛ la kɛ se la ɛne: ɔwɔ kɛ sonla mɔɔ kulo Nyamenle la kulo ɔ diema noko.

1 Dw 4:6

Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.

1 Dw 4:8

Awie biala mɔɔ ɛnlɛ ɛhulolɛ la ɛnze Nyamenle, ɔluakɛ Nyamenle le ɛhulolɛ.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

1 Dw 5:2

Saa yɛkulo Nyamenle na yɛdi ye mɛla zo a ɛnee yɛhile kɛ yɛkulo Nyamenle amra ne mɔ noko.

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.