1 Dw 2:6 - BAEBOLO ANZƐƐ BULUKU NWUANZANWUANZA

⁶ Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.

1 Dw 2:6 ပူးပေါင်းရင်းမြစ်များ

Edwɛndolɛ Buluku ne 85:13

Tenleneyɛlɛ bali Ɛdɛnkɛma anyunlu, na yeaziezie adenle ne yeamaa ye.

Edwɛkpa ne kɛmɔ Mateyu hɛlɛle la 11:29

Bɛva me gyɛnvayile ne bɛdo bɛ kɔme zo na bɛzukoa mɔɔ meyɛ la, ɔluakɛ mele bɛtɛɛ, yɛɛ memmemaa me nwo zo, na bɛ ɛkɛla ne mɔ anwo kɛdɔ bɛ.

Dw 13:15

Meyɛ ndonwo ɛhye mehile bɛ, amaa bɛdabɛ noko bɛayɛ ye zɔhane ala.

Dw 15:10

Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

1 Kɔl 11:1

Ɛhye ati, bɛva me gyakɛ, kɛmɔ meva Kelaese agyakɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.

1 Dw 2:4

Saa awie ka kɛ, “Meze Nyamenle” na ɔnli Nyamenle mɛla ne mɔ azo a, ɛnee ɔle adalɛ, yɛɛ nɔhalɛ biala ɛnle ye nu.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

1 Dw 3:6

Zɔhane ati awie mɔɔ nee Kelaese lua la ɛnyɛ ɛtane; awie biala mɔɔ yɛ ɛtane la ɛtɛnwunle Kelaese yɛɛ ɔnze ye.

1 Dw 4:17

Nyamenle maa ɛhulolɛ di munli wɔ yɛ nu, amaa yɛahola gyinla wɔ Ndɛnebualɛ Kenle ne, ɔboalekɛ kɛ Kelaese si de la, zɔhane ala yɛɛ yɛdayɛ noko yɛle wɔ ewiade ye anu a.